ଏୟାର ଆମ୍ବୁଲାନ୍ସରେ ମୁମ୍ବାଇ ଆସିଲେ ନିତୁ କପୁରମୁମ୍ବାଇ: ବଲିଉଡ୍ ଅଭିନେତ୍ରୀ ତଥା ନାୟକ ରଣବୀର କପୁରଙ୍କ ମାଆ ନିତୁ କପୁରଙ୍କୁ ଏୟାର ଆମ୍ବୁଲାନ୍ସରେ ଚଣ୍ଡିଗଡ଼ରୁ ମୁମ୍ବାଇ ନିଆଯାଇଛି । ସୂଚନାଯୋଗ୍ୟ, ନିତୁଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ ଆସିବା ପରେ ପୁଅ ରଣବୀର ଏକ ସ୍ୱତନ୍ତ୍ର ଏୟାର ଆମ୍ବୁଲାନ୍ସ ବ୍ୟବସ୍ଥା କରି ମାଆ ନିତୁଙ୍କୁ ନିଜ ପାଖକୁ ନେଇ ଆସିଛନ୍ତି । ଚଣ୍ଡିଗଡ଼ରେ ନିତୁ ଫିଲ୍ମ ‘ଯୁଗ ଯୁଗ ଜିୟୋ’ ର ଶୁଟିଂ ପାଇଁ ଯାଇଥିବା ବେଳେ ସେଠାରେ ସେ କରୋନାରେ ଆକ୍ରାନ୍ତ ହୋଇଛନ୍ତି । ଏଥିରେ ଅନିଲ କପୁର ଅଭିୟନ କରୁଥିଲେ ବି ତାଙ୍କ ରିପୋର୍ଟ ନେଗେଟିଭ ଆସିଥିବା ସୂଚନା ଦେଇଛନ୍ତି ବଲିଉଡ୍ ନିର୍ଦ୍ଦେଶକ ତଥା ଅନିଲଙ୍କ ଭାଇ ବୋନି କପୁର । ନିତୁଙ୍କ ସମେତ ଫିଲ୍ମର ନିର୍ଦ୍ଦେଶକ ରାଜ ମେହେଟାବି କରୋନା ଭାଇରସ ଦ୍ୱାରା ସଂକ୍ରମିତ ହୋଇଥିବା ସୂଚନା ମିଳିଛି । କରନ ଜୋହରଙ୍କ ଧର୍ମା ପ୍ରଡକସନ ବ୍ୟାନରେ ନିର୍ମାଣ କରାଯାଉଥିବା ଏହି ଫିଲ୍ମର ଶୁଟିଂକୁ ଏବେ କିଛିଦିନ ପାଇଁ ବନ୍ଦ କରି ଦିଆଯାଇଥିବା ଜଣାପଡିଛି ।
