ବଲିଉଡ୍ ଅଭିନେତ୍ରୀ ନୀନା ଗୁପ୍ତା ନିଜର ସୁନ୍ଦର ଅଭିନୟ ଦ୍ୱାରା ସମସ୍ତଙ୍କର ହୃଦୟ ଜିତିପାରିଛନ୍ତି। ନୀନାଙ୍କ ଝିଅ ମସାବା ଗୁପ୍ତା ମଧ୍ୟ ବଲିଉଡ୍ ଇଣ୍ଡଷ୍ଟ୍ରିର ଜଣେ ଜଣାଶୁଣା ଡିଜାଇନର। ସୋସିଆଲ ମିଡିଆରେ ସେ ସବୁବେଳେ ସକ୍ରିୟ ରହିଥାନ୍ତି। ହେଲେ ଏବେ ମସାବା ତାଙ୍କ ବାପା ତଥା ଓ୍ବେଷ୍ଟଇଣ୍ଡିଜ୍ର ପୂର୍ବ କ୍ରିକେଟର ଭିଭିଆନ ରିଚାର୍ଡସଙ୍କୁ ବହୁତ ମନେ ପକାଉଛନ୍ତି। ବାପାଙ୍କୁ ମନେ ପକାଇ ସେ ଏକ ଫଟୋ ମଧ୍ୟ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଫଟୋରେ ସେ ମା’ ନୀନାଙ୍କ କୋଳରେ ବସିଥିବା ବେଳେ ତାଙ୍କ ବାପା ଭିଭିଆନ ନିକଟରେ ବସିଛନ୍ତି। ଏହି ଫଟୋ ନୀନାଙ୍କ ପିଲାଦିନର।
୧୯୮୭ରେ ନୀନା ଏବଂ ଭିଭିଆନ୍ଙ୍କ ମଧ୍ୟରେ ପ୍ରଥମ ଥର ସାକ୍ଷାତ ହୋଇଥିଲା। ଏହା ପରେ ଉଭୟ ପରସ୍ପରର ନିକଟତର ହୋଇଥିଲେ ଏବଂ ପରେ ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା। ହଠାତ୍ ଭିଭିଆନ ଓ୍ବେଷ୍ଟଇଣ୍ଡିଜ୍ ଚାଲିଯାଇଥିଲେ, ମାତ୍ର ସେମାନଙ୍କ ମଧ୍ୟରେ ସାକ୍ଷାତ ଜାରି ରହିଥିଲା।
ତେବେ ମସାବା ହେଉଛନ୍ତି ନୀନା ଏବଂ ଭିଭିଆନଙ୍କର ପ୍ରେମ ସନ୍ତାନ। ୧୯୮୯ରେ ମସାବା ଜନ୍ମଗ୍ରହଣ କରିଥିଲେ। ନୀନା ଏବଂ ଭିଭିଆନ ଦୀର୍ଘ ସମୟ ଧରି ଡେଟିଂ କରୁଥିଲେ କିନ୍ତୁ ସେମାନେ ବିବାହ କରି ନ ଥିଲେ। ପରେ ଭିଭିଆନ ମରିୟନଙ୍କୁ ବିବାହ କରିଥିବା ବେଳେ ନୀନୀ ସିଏ ବିବେକ ମେହରଙ୍କୁ ବିବାହ କରିଥିଲେ।
