ବେଙ୍ଗାଲୁରୁ,୧୮।୨: କର୍ନାଟକ ସରକାରର ମନ୍ତ୍ରୀ କେ.ଏସ ଇଶ୍ୱରପ୍ପାଙ୍କ ଇସ୍ତଫା ଦାବିରେ ଗୁରୁବାର ରାତିସାରା ବିଧାନସଭାରେ ଉତ୍ତେଜନା ପ୍ରକାଶ ପାଇଥିଲା। କଂଗ୍ରେସ ବିଧାୟକମାନେ ଏଠାରେ ଏକ ନିଆରା ଢଙ୍ଗରେ ବିରୋଧ କରିଥିଲେ। ପାର୍ଟି ବିଧାୟକମାନେ ରାତିସାରା ବିଧାନସଭାରେ ହଙ୍ଗାମା ସୃଷ୍ଟି କରିବା ସହ ଇଶ୍ୱରପ୍ପାଙ୍କୁ କ୍ୟାବିନେଟରୁ ବରଖାସ୍ତ କରିବାକୁ ଦାବି କରିଥିଲେ।
ଗ୍ରାମ୍ୟ ଉନ୍ନୟନ ମନ୍ତ୍ରୀ ତଥା ପଞ୍ଚାୟତିରାଜ ରାଜ କେ.ଏସ ଇଶ୍ୱରପ୍ପାଙ୍କ ଲାଲ କିଲ୍ଲାରେ ସାଫ୍ରନ୍ ପତାକା ଉତ୍ତୋଳନ କରିବା ଟିପ୍ପଣୀ ନେଇ ଏହି ବିରୋଧ ପ୍ରଦର୍ଶନ ହୋଇଛି। ଇଶ୍ୱରପ୍ପା ଦାବି କରଥିଲେ ଯେ ଭବିଷ୍ୟତରେ କେବଳ ସାଫ୍ରନ୍ ପତାକା ଜାତୀୟ ପତାକା ହୋଇପାରିବ। ତାଙ୍କ ମନ୍ତବ୍ୟକୁ ରାଷ୍ଟ୍ରୀୟ ବିରୋଧୀ ବୋଲି ବର୍ଣ୍ଣନା କରି କଂଗ୍ରେସ ବିଧାୟକମାନେ ବିଧାନସଭାରେ ହଙ୍ଗାମା ଆରମ୍ଭ କରିଥିଲେ।
କ୍ୟାବିନେଟ ମନ୍ତ୍ରୀଙ୍କ ବିବାଦୀୟ ମନ୍ତବ୍ୟ ପରେ କର୍ନାଟକ ବିଧାନସଭାରେ ବିରୋଧୀ ଦଳର ନେତା ସିଦ୍ଧରମୈୟା ଏବଂ କଂଗ୍ରେସ ରାଜ୍ୟ ସଭାପତି ଡି.କେ ଶିବକୁମାରଙ୍କ ନେତୃତ୍ୱରେ ବିରୋଧ ପ୍ରଦର୍ଶନ ଆରମ୍ଭ ହୋଇଥିଲା। ସେମାନଙ୍କର ଦାବି ଥିଲା ଯେ ଇଶ୍ୱରପ୍ପାଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ ହେବା ଉଚିତ ଏବଂ ତାଙ୍କୁ କ୍ୟାବିନେଟରୁ ବରଖାସ୍ତ କରାଯାଉ। ଏହା ପରେ ଉତ୍ତେଜନା ବଢିବାକୁ ଲାଗିଲା। ଏହି ସମୟରେ, ମୁଖ୍ୟମନ୍ତ୍ରୀ ବାସଭାରାଜ ବୋମ୍ମାଇ ଏବଂ ବିଧାନସଭା ବାଚସ୍ପତି ବିଶ୍ୱେଶ୍ୱର ହେଗଡେ ମଧ୍ୟ ଗୃହର ପ୍ରକ୍ରିୟାକୁ ସୁରୁଖୁରୁରେ ଚଳାଇବାରେ ସହଯୋଗ ପାଇଁ ବିରୋଧୀଙ୍କୁ ନିବେଦନ କରିଥିଲେ କିନ୍ତୁ ଉତ୍ତେଜନା ଥମି ନ ଥିଲା। ଏହାପରେ ଗୃହ ସ୍ଥଗିତ ରଖାଯାଇଥିଲା। ବିଧାନସଭା ସ୍ଥଗିତ ହେବା ପରେ ବିରୋଧୀ ଦଳର ନେତାମାନେ ତକିଆ ଓ କମ୍ବଳ ଧରି ବିଧାନସଭାରେ ପହଞ୍ଚି ସେଠାରେ ରାତି ବିତାଇ ବିରୋଧ କରିଥିଲେ। ଏହି ସମୟରେ ବାଚସ୍ପତି ସମସ୍ତ ନେତାଙ୍କ ଖାଦ୍ୟ ପାଇଁ ବ୍ୟବସ୍ଥା କରିଥିଲେ।
ବିରୋଧୀଙ୍କ ବିରୋଧ ମଧ୍ୟରେ ମୁଖ୍ୟମନ୍ତ୍ରୀ ବାସଭାରାଜ ବୋମାଇ କ୍ୟାବିନେଟ ମନ୍ତ୍ରୀ ଇଶ୍ୱରପ୍ପାଙ୍କୁ ରକ୍ଷା କରିଛନ୍ତି। ସେ କହିଛନ୍ତି, ବିରୋଧୀ ତାଙ୍କ ବିବୃତ୍ତିକୁ ଭୁଲ ବ୍ୟାଖ୍ୟା କରିଛନ୍ତି।
