ଆମେ ସମସ୍ତେ ସୂର୍ଯ୍ୟ ଉଦୟ ଏବଂ ଅସ୍ତ ହେବାର ପୃଥିବୀ ଗ୍ରହରେ ଦେଖିଛେ। ଏହି ସମୟରେ ଆକାଶର ଦୃଶ୍ୟ ସମସ୍ତଙ୍କୁ ଆକର୍ଷିତ କରିଥାଏ। କେବେ ଅନ୍ୟ ଗ୍ରହରେ ସୂର୍ଯ୍ୟ ଉଦୟ ଏବଂ ଅସ୍ତ ହେବାର ଫଟୋ ଦେଖିଛନ୍ତି କି? ଯଦି ନା ତେବେ ନାସା ଏବେ ମଙ୍ଗଳ ଗ୍ରହରେ କିପରି ସୂର୍ଯ୍ୟୋଦୟ ହୁଏ ତା’ର ଏକ ଫଟୋ ଶେୟାର କରିଛି। ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ନାସା ଦୀର୍ଘଦିନ ଧରି ମଙ୍ଗଳ ଗ୍ରହରେ କେମିତି ଜୀବନ ଜିଇଁବା ସମ୍ଭବ ତା’ର ସନ୍ଧାନରେ ଥିଲା। ଏବେ ନାସା ଦ୍ୱାରା ଶେୟାର କରାଯାଇଥିବା ମଙ୍ଗଳଗ୍ରହରେ ସୂର୍ଯ୍ୟୋଦୟ ଦେଖିଲେ ଜାଣିପାରିବେନି ଏହା ପୃଥିବୀରେ ନା ମଙ୍ଗଳ ଗ୍ରହରେ ବୋଲି। ମଙ୍ଗଳ ଗ୍ରହରେ ପର୍ବତ ପରି ଦେଖାଯାଉଥିବା ପଥର ମଧ୍ୟରେ ସୂର୍ଯ୍ୟୋଦୟ ଅତ୍ୟନ୍ତ ମନୋରମ। ସେହିପରି ଅସ୍ତ ହେବାର ଚିତ୍ର ମଧ୍ୟ ବେଶ୍ ମନଛୁଆଁ।
ଆମେରିକାର ସ୍ପେସ ଏଜେନ୍ସି ନାସା ଏହାର ଅଫିସିଆଲ ଇନ୍ଷ୍ଟାଗ୍ରାମ ଆକାଉଣ୍ଟରେ ଏହି ଫଟୋ ଶେୟାର କରିଛି। ଫଟୋ ଶେୟାର କରି ନାସା କ୍ୟାପଶନ ଲେଖିଛି, ‘ରେଡ୍ ପ୍ଲାନେଟରେ ଏକ ନୀଳ ସୂର୍ଯ୍ୟୋଦୟ’। ଏହା ମଙ୍ଗଳ ଗ୍ରହରେ ସୂର୍ଯ୍ୟୋଦୟର ପ୍ରଥମ ଫଟୋ।
ନାସା ଆହୁରି ମଧ୍ୟ ରିପୋର୍ଟ କରିଛି, ମଙ୍ଗଳ ଗ୍ରହରେ ଆମର ଏକ୍ସପ୍ଲୋରର ରୋବଟଗୁଡିକ ୧୯୭୦ ଦଶକରୁ ସୂର୍ଯ୍ୟୋଦୟକୁ ଦେଖୁଛନ୍ତି। ନାସା ଅନୁଯାୟୀ, ମଙ୍ଗଳ ଗ୍ରହରେ ସୂର୍ଯ୍ୟୋଦୟ ନୀଳ ଦେଖାଯାଏ ଏବଂ ଏହା ବାୟୁମଣ୍ଡଳର ଧୂଳିକଣା ଯୋଗୁ ହୋଇଥାଏ।
