ନାସା କାର୍ଯ୍ୟକାରୀ ମୁଖ୍ୟ

ସ୍ପେଶ୍‌ ଟୁରିଜମ୍‌ ବା ମହାକାଶ ପର୍ଯ୍ୟଟନକୁ ଏକବିଂଶ ଶତାବ୍ଦୀର ଏକ ସୁନ୍ଦର ଆକର୍ଷଣ ବୋଲି ଧରାଗଲାଣି। ମହାକାଶ ବିଜ୍ଞାନୀ ବା ମହାକାଶଚାରୀଙ୍କ ଭଳି ସାଧାରଣ ମଣିଷ ଅର୍ଥ ଖର୍ଚ୍ଚ କଲେ ମହାକାଶକୁ ଯାତ୍ରା କରିପାରିବେ। ସେଠାକୁ ଯିବା ଲାଗି ଯାନ ନିର୍ମାଣରେ ଲାଗିଛନ୍ତି କମ୍ପାନୀ। ସ୍ପେସେକ୍ସ, ଭର୍ଜିନ୍‌ ଗାଲକ୍‌ଟିକ୍‌ ଏବଂ ବ୍ଲ୍ୟୁ ଅରିଜିନ୍‌ ଭଳି ସଂସ୍ଥା ମହାକାଶ ପର୍ଯ୍ୟଟନକୁ ବାସ୍ତବତାରେ ପରିଣତ କରିବା ଲାଗି ଯେଭଳି ଅହରହ ଉଦ୍ୟମ କରୁଛନ୍ତି, ‘ସ୍ବର୍ଗକୁ ନିଶୁଣି ନାହିଁ’ ବୋଲି ରହିଥିବା ଆପ୍ତବାକ୍ୟ ଅପ୍ରାସଙ୍ଗିକ ହୋଇଗଲାଣି। ଅର୍ଥାତ୍‌ ମଣିଷ ତା’ର ବୁଦ୍ଧି ଓ ପ୍ରଯୁକ୍ତିକୁ ଉପଯୋଗ କରି ଦିନେ ଯାହା ସରଗପୁରୀ ବୋଲି ଏକ ଅଦୃଶ୍ୟ ଅଞ୍ଚଳ ଭାବେ ବର୍ଣ୍ଣନା କରାଯାଉଥିଲା, ସେଠାରେ ବୁଲିବାର ପର୍ଯ୍ୟାପ୍ତ ସୁଯୋଗ ମିଳିଯିବ। ମହାକାଶ ଯାନ ନିର୍ମାଣ ଲାଗି ଘରୋଇ କମ୍ପାନୀଗୁଡ଼ିକ ସକାଶେ ଯୋଜନା ପ୍ରସ୍ତୁତ କରିବା ସହ ସ୍ପେଶ୍‌ ଟୁରିଜମ୍‌କୁ ବାସ୍ତବ ରୂପ ଦେବାରେ ପ୍ରମୁଖ ଭୂମିକା ଗ୍ରହଣ କରିଥିବା ଭାରତୀୟ-ଆମେରିକୀୟ ହେଉଛନ୍ତି ଭବ୍ୟା ଲାଲ୍‌। ଜୋ ବାଇଡେନ୍‌ ଆମେରିକା ରାଷ୍ଟ୍ରପତି ହେବା ପରେ ନିଜସ୍ବ ଗୁଣରେ ଗରୀୟାନ୍‌ ହୋଇଥିବା ବ୍ୟକ୍ତିଙ୍କୁ ଖୋଜି ତାଙ୍କ ପ୍ରଶାସନରେ ସ୍ଥାନ ଦେଉଛନ୍ତି। ନିକଟରେ ଆମେରିକାର ସ୍ବାଧୀନ ମହାକାଶ ସଂସ୍ଥା ନ୍ୟାଶନାଲ ଏରୋନଟିକ୍ସ ଆଣ୍ଡ୍‌ ସ୍ପେଶ୍‌ ଆଡ୍‌ମିନିଷ୍ଟ୍ରେଶନ (ନାସା)ର କାର୍ଯ୍ୟକାରୀ ମୁଖ୍ୟ ଭାବେ ଭବ୍ୟା ନିଯୁକ୍ତ ହେବା ପରେ ତାଙ୍କ ଅଭିଜ୍ଞତା ଓ ଦୂରଦୃଷ୍ଟି ବିଷୟରେ ଅନେକ ବିଷୟ ଜାଣିବାକୁ ମିଳିଛି। ନାସା ପକ୍ଷରୁ କୁହାଯାଇଛି ଯେ, ତାଙ୍କର ଇଞ୍ଜିନିୟରିଂ ଓ ମହାକାଶ ପ୍ରଯୁକ୍ତି ବିଷୟରେ ଯଥେଷ୍ଟ ଜ୍ଞାନ ରହିଛି।
ଭବ୍ୟା ମାସାଚ୍ୟୁସେଟ୍‌ସ ଇନ୍‌ଷ୍ଟିଚ୍ୟୁଟ ଅଫ୍‌ ଟେକ୍‌ନୋଲଜିରୁ ନ୍ୟୁକ୍ଲିୟର ସାଇନ୍ସରେ ସ୍ନାତକ ଓ ସ୍ନାତକୋତ୍ତର ଏବଂ ଟେକ୍ନୋଲଜି ଆଣ୍ଡ୍‌ ପଲିସିରେ ସ୍ନାତକୋତ୍ତର ଡିଗ୍ରୀ ଅର୍ଜନ କରିଛନ୍ତି। ସେ ଜର୍ଜ ଓ୍ବାଶିଂଟନ ବିଶ୍ୱବିଦ୍ୟାଳୟରୁ ପବ୍ଲିକ୍‌ ପଲିସି ଆଣ୍ଡ୍‌ ପବ୍ଲିକ୍‌ ଆଡ୍‌ମିନିଷ୍ଟ୍ରେଶନରେ ଡକ୍ଟରେଟ୍‌ କରିଛନ୍ତି। ମହାକାଶ ପ୍ରଯୁକ୍ତି କ୍ଷେତ୍ରରେ ସେ କରିଥିବା ପରୀକ୍ଷଣ ତାଙ୍କୁ ସ୍ପେସ୍‌ ଟେକ୍ନୋଲଜି ଆଣ୍ଡ୍‌ ପଲିସି କମ୍ୟୁନିଟିର ସକ୍ରିୟ ସଦସ୍ୟ କରାଇପାରିଛି। ନ୍ୟାଶନାଲ ଏକାଡେମୀ ଅଫ୍‌ ସାଇନ୍ସ କମିଟିର ୫ଟି ଉଚ୍ଚତର କମିଟିରେ ଭବ୍ୟା ଅଧ୍ୟକ୍ଷତା ଓ ସହ-ଅଧ୍ୟକ୍ଷତା କରି ଦକ୍ଷତା ପ୍ରତିପାଦନ କରିପାରିଛନ୍ତି। ନ୍ୟାଶନାଲ ଓସେନିକ୍‌ ଆଣ୍ଡ୍‌ ଆଟମୋସ୍‌ଫିୟରିକ୍‌ ଆଡ୍‌ମିନିଷ୍ଟ୍ରେଶନ ଫେଡେରାଲ ଆଡ୍‌ଭାଇଜରି କମିଟି ଅନ୍‌ କମର୍ସିଆଲ୍‌ ରିମୋଟ୍‌ ସେନ୍ସିଂରେ ସେ କ୍ରମାଗତ ଦୁଇ ଥର କାର୍ଯ୍ୟ କରିଛନ୍ତି। ନାସାର ଇନୋଭେଟିଭ୍‌ ଆଡ୍‌ଭାନ୍ସଡ୍‌ କନ୍‌ସେପ୍ଟସ ପ୍ରୋଗ୍ରାମ୍‌ର ଏକ୍ସଟର୍ନାଲ କାଉନ୍‌ସିଲ୍‌ ସଦସ୍ୟ ହେବାରେ ଭବ୍ୟା ଗୌରବ ଅର୍ଜନ କରିଛନ୍ତି। ସ୍ପେସ୍‌ ଇକୋନମି ବା ମହାକାଶ ଅର୍ଥନୀତି ସଂକ୍ରାନ୍ତ ଏକ ଲେଖାରେ ସେ ପ୍ରକାଶ କରିଛନ୍ତି ଯେ, ଏହି କ୍ଷେତ୍ରରେ ପ୍ରାୟ ୧୭୦ ବିଲିୟନ ଆମେରିକୀୟ ଡଲାର କାରବାର ହେବାର ଆକଳନ କରାଗଲାଣି।
ନାସାର କାର୍ଯ୍ୟକାରୀ ମୁଖ୍ୟ ଭାବେ ଭବ୍ୟା ନାସା ମୁଖ୍ୟାଳୟର ଦୈନନ୍ଦିନ ବ୍ୟାପାର ବୁଝିବା ସହ ସ୍ପେସ୍‌ ଏଜେନ୍ସିଗୁଡ଼ିକୁ କୌଶଳାତ୍ମକ ନିର୍ଦ୍ଦେଶ ଦେବା କାର୍ଯ୍ୟରେ ନିଜକୁ ନିୟୋଜିତ କରିବେ। ସେ କହନ୍ତି, ୨୦୦୫ରୁ ୨୦୨୦ ଯାଏ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଡିଫେନ୍ସ ଆନାଲିସିସ୍‌ ସାଇନ୍ସ ଆଣ୍ଡ୍‌ ଟେକ୍ନୋଲଜି ପଲିସି ଇନ୍‌ଷ୍ଟିଚ୍ୟୁଟ୍‌ରେ ରିସର୍ଚ୍ଚ ଷ୍ଟାଫ୍‌ ଭାବେ କାର୍ଯ୍ୟ କରି ଅର୍ଜନ କରିଥିବା ଅଭିଜ୍ଞତା ତାଙ୍କୁ ଆଜି ନାସାର କାର୍ଯ୍ୟକାରୀ ମୁଖ୍ୟ ସ୍ତରକୁ ଆଣିପାରିଛି।


Enter your email to get our daily news in your inbox.

All Right Reserved By Dharitri.Com

ସହରୀକରଣ ଓ ରୋଜଗାର ସଙ୍କଟ

ଡ. ଲକ୍ଷ୍ମଣ ସାହୁ ଦେଶରେ ବସବାସ କରୁଥିବା ପ୍ରତ୍ୟେକ ଲୋକ ସହର ମୁହାଁ ହେବାକୁ ଚାହାନ୍ତି। ଗ୍ରାମ୍ୟ ଜୀବନର ଅସ୍ବାସ୍ଥ୍ୟକର ସ୍ବାସ୍ଥ୍ୟ, ଶିକ୍ଷା ପରିବେଶ, କର୍ମ...

ମହାମାରୀ ଓ ସୂର୍ଯ୍ୟୋପରାଗ

ଦୋଳଗୋବିନ୍ଦ ପଣ୍ଡା ସୂର୍ଯ୍ୟୋପରାଗ ଓ ଚନ୍ଦ୍ରଗ୍ରହଣ ହେଲେ ତା’ ପ୍ରଭାବରେ ପୃଥିବୀରେ ମହାମାରୀ, ଯୁଦ୍ଧ ବିଭୀଷିକା, ପ୍ରାକୃତିକ ବିପର୍ଯ୍ୟୟ ଆଦି ଘଟିଥାଏ ବୋଲି ଜ୍ୟୋତିଷୀମାନେ ଜ୍ୟୋତିଷଶାସ୍ତ୍ରର...

ଲୋକପ୍ରିୟ ପ୍ରଧାନମନ୍ତ୍ରୀ

ଜସିଣ୍ଡା ଆର୍ଡେର୍ନ ମାତ୍ର ୩୭ ବର୍ଷ ବୟସରେ ନ୍ୟୁଜିଲାଣ୍ଡର ପ୍ରଧାନମନ୍ତ୍ରୀ ହୋଇପାରିଥିଲେ। ଏବେ ତାଙ୍କୁ ମାତ୍ର ୪୦ ବର୍ଷ ଓ ସେ ଦ୍ୱିତୀୟ ଥର ପାଇଁ...

ଏଇ ଭାରତରେ

ଆଲ୍ଲାହାବାଦରେ ଅନୁଷ୍ଠିତ ସର୍ବପୁରାତନ ରାମଲୀଳା ମହୋତ୍ସବରେ ମୁସଲମାନଙ୍କ ଯୋଗଦାନ ସାମ୍ପ୍ରଦାୟିକ ସଦ୍‌ଭାବନାର ପ୍ରତୀକ ସାଜିଛିି। ଏହି ମହୋତ୍ସବରେ ହନୁମାନଙ୍କ ପ୍ରତିକୃତି ଗଢିଥାନ୍ତି ଏକ ମୁସଲମାନ ପରିବାର।...

ଇଏ କ’ଣ ସତରେ ଗପ

ସୁଧାକର ଦାସ ଏବେ ଦିନେ ସକାଳୁ ଇଚ୍ଛା ହେଲା, ଘରେ ଚା’ ନ ପିଇ ଛକ ଦୋକାନରେ ଚା’ ପିଇବାକୁ। ଏମିତିରେ ଶୀତୁଆ ସକାଳର କଅଁଳ...

ରାଜନୀତିରେ ଅପରାଧ ତତ୍ତ୍ୱ

ସୌଭାଗ୍ୟ ସୁନ୍ଦରରାୟ   ମାତ୍ର ୨ ବର୍ଷରେ ଦେଶର ଜନପ୍ରତିନିଧିଙ୍କ ଆପରାଧିକ ମାମଲା ୧୭% ବୃଦ୍ଧି ପାଇଛି। ଜନପ୍ରତିନିଧିଙ୍କ ବିରୋଧରେ ଥିବା ଆପରାଧିକ ମାମଲାର ତ୍ୱରିତ୍‌...

ମୋ ଘର

ଅଲେଖ ଚନ୍ଦ୍ର ମିଶ୍ର ଚାରିକାନ୍ଥ ଓ ଛପର ଦ୍ୱାରା ଆବଦ୍ଧ କ୍ଷେତ୍ର ଗୃହ, ବାସସ୍ଥାନ, ବସାଘର ବା ଭଡ଼ାଘର ହୋଇପାରେ (ହାଉସ)। କିନ୍ତୁ ଘର (ହୋମ୍‌)...

ବ୍ରିଟେନ ସ୍ବରାଷ୍ଟ୍ର ସଚିବ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ ୟୁରୋପୀୟ ସଂଘରୁ ବ୍ରିଟେନ୍‌ ଓହରିଯିବା ବା ବ୍ରେକ୍‌ଜିଟ ପ୍ରସଙ୍ଗ ଇଂଲିଶମାନଙ୍କ ପାଇଁ ଦୀର୍ଘଦିନ ହେବ ଅସ୍ପଷ୍ଟ ରହିଆସିଛି। ବ୍ରେକ୍‌ଜିଟ ସପକ୍ଷ ଓ...

Advertisement


Archives

Model This Week