ମୁମ୍ବାଇ: ମନୋରଞ୍ଜନ ଦୁନିଆର ଆଉ ଜଣେ ଜଣାଶୁଣା ଚେହେରା ହେଲେ ନର୍ଗିସ ଫାଖରି । ଏବେ ସେ ଇଟାଲୀରେ ତାଙ୍କ ପୁରୁଷ ବନ୍ଧୁଙ୍କ ସହ ଛୁଟି କଟାଇ ଆସିଛନ୍ତି ଚର୍ଚ୍ଚାକୁ । ସୋସିଆଲ ମିଡିଆରେ ନର୍ଗିସ ବେଳେ ବେଳେ ରୋଷେଇ କରୁଥିବାର ତ ପୁଣି କେତେବେଳେ ଇଟାଲୀ ରାସ୍ତାରେ ବୁଲୁଥିବାର ଫଟୋ ଶେୟାର କରି ତାଙ୍କ ପ୍ରଶଂସକଙ୍କୁ ଚମକାଇ ଦେଉଛନ୍ତି । ନିକଟରେ ସେ ଏମିତି ଏକ ଫଟୋ ଶେୟାର କରିଛନ୍ତି ଯାହା ତାଙ୍କ ପ୍ରଶଂସକଙ୍କୁ ଆଦୌ ପସନ୍ଦ ଆସିନି । କେହି କେହି ତାଙ୍କ ଲୁକ୍କୁ ପସନ୍ଦ କରିଥିବା ବେଳେ କେହି କେହି ତାଙ୍କ ଓଠକୁ ନେଟ ତାଙ୍କୁ ଟ୍ରୋଲ କରିଛନ୍ତି । ବ୍ଲଣ୍ଡ ହେୟାର ସହ ଲାଲ ଲିପ୍ଟିକରେ ଅବଶ୍ୟ ସୁନ୍ଦର ଲାଗୁଛନ୍ତି ନର୍ଗିସ । ହେଲେ ସୋସିଆଲ ମିଡିଆ ୟୁଜର୍ସଙ୍କ ମଧ୍ୟରୁ କେହି କହିଛନ୍ତି ଏହା ପ୍ଲାଷ୍ଟିକ ସର୍ଜରୀର କମାଲ । ପୁଣି କିଏ କହିଛି ନ୍ୟାଚୁରାଲ ବିୟୁଟି ହରାଇଲେ ଅଭିନେତ୍ରୀ । ଆଉ କିଏ ଲେଖିଛି ଭୂତ ବୋଲି । ପୁଣି କିଏ କହୁଛି ଅଭିନେତ୍ରୀଙ୍କ ମୁଣ୍ଡ ଖରାପ ହୋଇ ଯାଇଛି । ଯଦିଓ ନର୍ଗିସଙ୍କର ଏହି ଫଟୋ ଭାଇରାଲ ହୋଇଛି ତଥାପି ଅନେକ ୟୁଜର୍ସ ଏହାକୁ ଆଦୌ ପସନ୍ଦ କରି ନାହାନ୍ତି ।
