ଭୁବନେଶ୍ୱର,୨୬।୧୦(ବ୍ୟୁରୋ): ଭୁବନେଶ୍ୱର ଉପକଣ୍ଠ କଳିଙ୍ଗବିହାରରୁ ଦୀପାବଳିରେ ଜଣେ ନବବଧୂଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା। ଏହି ଘଟଣାରେ ବୁଧବାର ତାଙ୍କ ଶାଶୁଙ୍କୁ ଗିରଫ କରାଯାଇଛି। ମାତ୍ର ଏଯାବତ୍ ତାଙ୍କ ସ୍ବାମୀ ଓ ଶ୍ୱଶୁରଙ୍କ ପତ୍ତା ମିଳୁନାହିଁ। ମୃତ ନବବଧୂଜଣକ ହେଲେ ସୁଶ୍ରୀ ସଙ୍ଗୀତା ବସ୍ତିଆ (୨୮)।
୨୦୨୧, କଟକ ନିଆଳି ଅଞ୍ଚଳର ସଙ୍ଗୀତା ଜାନୁୟାରୀ ୨୦ରେ କଟକ ଗୋବିନ୍ଦପୁର ଥାନା ନୂଆଗାଁର ପ୍ରବୀଣ ଚନ୍ଦ୍ର ନାୟକଙ୍କୁ ବିବାହ କରିଥିଲେ । ତେବେ ଦୀପାବଳି ଦିନ କୌଣସି କାରଣକୁ ନେଇ ପାରିବାରିକ ବିବାଦ ଉପୁଜିଥିଲା । ପରେ ସୁଶ୍ରୀଙ୍କ ପରିବାରକୁ ପ୍ରବୀଣଙ୍କ ଘର ଲୋକ ଫୋନ୍ କରି ତମ ଭଉଣୀ ଦେହ ଭଲ ନାହିଁ, ବୋଲି ଶାଶୁ ଘର ଲୋକେ କହିଥିଲେ। ବାପ ଘର ଲୋକ ନିଆଳିରୁ ଆସି ପହଞ୍ଚିବା ପରେ ଝିଅର ମୃତ୍ୟୁ ହୋଇଥିବା ମୃତଦେହ ଏମ୍ସରେ ଥିବା ଶାଶୁ ଘର ଲୋକେ କହିଥିଲେ। ଝିଅକୁ ମାରିଦେଇ ଶାଶୁ ଘର ଲୋକେ ସବୁ ପ୍ରମାଣ ନଷ୍ଟ କରିଛନ୍ତି ବୋଲି ସଙ୍ଗୀତାଙ୍କ ପରିବାର ଲୋକ ଅଭିଯୋଗ କରିଥିଲେ। ପରେ ପୋଲିସ ଘଟଣାର ତଦନ୍ତ କରିଥିଲେ।
