ମୁମ୍ବାଇ,୧୩ ।୧୦: ବଲିଉଡ୍ ଷ୍ଟାର ଶାହାରୁଖଙ୍କ ପୁଅ ଆର୍ଯ୍ୟନ ଖାଁଙ୍କୁ ଏଥର ବି ଜାମିନ ମିଳିଲାନି । ବୁଧବାର ତାଙ୍କ ଜାମିନ ଆବେଦନର ଶୁଣାଣି ଥିବା ବେଳେ ସେଶଂସ କୋର୍ଟ ଏହାକୁ ଗୋଟିଏ ଦିନ ଘୁଞ୍ଚାଇ ଦେଇଛନ୍ତି । ଫଳରେ ତାଙ୍କୁ ଆଉ ଗୋଟିଏ ରାତି ଜେଲ୍ରେ କାଟିବାକୁ ପଡିବ । କୋର୍ଟରେ ଆର୍ଯ୍ୟନଙ୍କ ଓକିଲ ଓ ଏନ୍ସିବି ମଧ୍ୟରେ ଲମ୍ବା ଯୁକ୍ତିତର୍କ ପରେ କୋର୍ଟ ଜାମିନ ଆବେଦନର ଶୁଣାଣିକୁ ଗୁରୁବାରକୁ ସ୍ଥଗିତ ରଖିଦେଇଛନ୍ତି । ସୂଚନାଯୋଗ୍ୟ, ଦିନ ପ୍ରାୟ ୩ଟାରୁ ଏହି ଶୁଣାଣି ଆରମ୍ଭ ହୋଇଥିବା ବେଳେ ଏହା ପାଖାପାଖି ସନ୍ଧ୍ୟା ସାଢେ ୬ଟା ପର୍ଯ୍ୟନ୍ତ ଚାଲିଥିଲା । ହେଲେ ଆର୍ଯ୍ୟନଙ୍କୁ ଜାମିନ ନ ମିଳିବାରୁ ପୁଣିଥରେ ତାଙ୍କୁ ଆର୍ଥର ରୋଡ ଜେଲକୁ ପଠାଇ ଦିଆଯାଇଛି । ଏହାର ପରବର୍ତ୍ତି ଶୁଣାଣି ଗୁରୁବାର ଅର୍ଥାତ୍ ଅକ୍ଟୋବର ୧୪ରେ ହେବ ।
