ନୂଆଦିଲ୍ଲୀ,୨୮।୧୧: ଦେଶରେ ୧୯୭୧ ନିର୍ବାଚନ ପରଠାରୁ ମହିଳା ଭୋଟରଙ୍କ ସଂଖ୍ୟାରେ ୨୩୫.୭୧ ପ୍ରତିଶତ ବୃଦ୍ଧି ଘଟିଛି। ଦେଶରେ ମହିଳାଙ୍କ ଭୋଟର ନିର୍ବାଚନରେ ପୁରୁଷଙ୍କ ତୁଳନାରେ ଅଧିକ ମତଦାନ କରୁଛନ୍ତି। ଅଂଶଗ୍ରହଣ ୨୦୧୯ ସାଧାରଣ ନିର୍ବାଚନରେ ଭହିଳା ଭୋଟରଙ୍କ ସଂଖ୍ୟା୬୭ ପ୍ରତିଶତରୁ ଅଧିକ ରେକର୍ଡ କରାଯାଇଛି। ଏହି ସୂଚନା ଭାରତର ମୁଖ୍ୟ ନିର୍ବାଚନ କମିଶନର (ସିଇସି) ସୁଶୀଲ ଚନ୍ଦ୍ରା ପ୍ରଦାନ କରିଛନ୍ତି। ସ୍ବାଧୀନତାର ସାତ ଦଶନ୍ଧି ପରେ ଏହି ରିପୋର୍ଟ ମିଳିଛି। ୧୭ ଟି ସାଧାରଣ ନିର୍ବାଚନ ପରେ ଭାରତରେ ମହିଳାଙ୍କ ଭୋଟରଙ୍କ ସଂଖ୍ୟା ପୁରୁଷଙ୍କ ତୁଳନାରେ ଅଧିକ ହୋଇଛି। ଭାରତରେ ମହିଳାମାନେ ଦେଶ ସ୍ବାଧୀନତା ହାସଲ କରିବା ବର୍ଷଠାରୁ ଭୋଟ ଦେବାର ଅଧିକାର ପାଇଥିଲେ।
ମହିଳା, ଦିବ୍ୟାଙ୍ଗ ତଥା ବରିଷ୍ଠ ନାଗରିକଙ୍କ ନିର୍ବାଚନରେ ଅଂଶଗ୍ରହଣ ଉପରେ ଏକ ଅନ୍ତର୍ଜାତୀୟ ୱେବନାରକୁ ସମ୍ବୋଧିତ କରିବାବେଳେ ଚନ୍ଦ୍ର ଏହା କହିଛନ୍ତି। ଏଥିରେ ୨୪ ଟି ଦେଶର ପ୍ରାୟ ଶହେ ପ୍ରତିନିଧି ଅଂଶଗ୍ରହଣ କରିଥିଲେ। ଲିଙ୍ଗଗତ ବ୍ୟବଧାନ, ଏକ ଗୁରୁତ୍ୱପୂର୍ଣ୍ଣ ମାନଦଣ୍ଡ, ଯାହା ୧୯୬୨ରେ ମାଇନସ ୧୬.୭୧ ପ୍ରତିଶତକୁ ହ୍ରାସ ପାଇଥିଲା। ୨୦୧୯ରେ ଏହା ୦.୧୭ ପ୍ରତିଶତକୁ ବୃଦ୍ଧି ପାଇଛି ବୋଲି ସେ କହିଛନ୍ତି। ୧୯୭୨ ନିର୍ବାଚନ ପରଠାରୁ ଭାରତରେ ମହିଳା ଭୋଟରଙ୍କ ସଂଖ୍ୟା ବୃଦ୍ଧି ପାଇଛି। ମହିଳା, ଦିବ୍ୟାଙ୍ଗ, ବରିଷ୍ଠ ନାଗରିକ ଏବଂ କିନ୍ନରଙ୍କ ଅଂଶଗ୍ରହଣ ବୃଦ୍ଧି ପାଇଁ ନିର୍ବାଚନ ଆୟୋଗ କିପରି ଉଦ୍ୟମ କରିଥିଲେ ତାହା ମଧ୍ୟ ଚନ୍ଦ୍ରା ଦର୍ଶାଇଛନ୍ତି।
ସେ କହିଛନ୍ତି ଯେ ଅଧିକାଂଶ ଦେଶ ଏବଂ ଅଞ୍ଚଳରେ ମହିଳାମାନେ କ୍ରମାଗତ ଗୋଷ୍ଠୀଗତ ଭାବେ ଭୋଟ ଦେବାର ଅଧିକାର ପାଇଛନ୍ତି। ମହିଳାମାନଙ୍କୁ ସମାନ ମତଦାନ ଅଧିକାର ଦେବା ପାଇଁ ଆମେରିକାକୁ ୧୪୪ ବର୍ଷ ସମୟ ଲାଗିଥିଲା।ମାତ୍ର ଭାରତରେ ମହିଳାମାନେ ସ୍ବାଧୀନତା ବର୍ଷରୁ ଭୋଟ ଦେବାର ଅଧିକାର ପାଇଥିଲେ। ତେବେ ଏହି ସତ୍ୟକୁ ଅଣଦେଖା କରାଯାଇପାରିବ ନାହିଁ ଯେ ଅନେକ ଭାରତୀୟ ମହିଳା ସମାନ ଭୋଟ ଦେବାର ଅଧିକାର ଉପରେ ଗୁରୁତ୍ୱ ପ୍ରଦାନ କରିଥିଲେ। ସେ କହିଛନ୍ତି ଯେ ସ୍ବାଧୀନତା ସଂଗ୍ରାମରେ ଅଧିକରୁ ଅଧିକ ମହିଳାଙ୍କ ଅଂଶଗ୍ରହଣରେ ଆନ୍ଦୋଳନର ପଥକୁ ସୁଗମ କରିଥିଲା।
ତାଙ୍କ ସମ୍ବୋଧନ ସମୟରେ ସୁଶୀଲ ଚନ୍ଦ୍ରା କହିଛନ୍ତି ୨୦୨୦ରେ ମୁଖ୍ୟ ନିର୍ବାଚନ କମିଶନରଙ୍କ ଦ୍ୱାରା ନିଆଯାଇଥିବା ପଦକ୍ଷେପ ଦ୍ୱାରା ୮୦ ବର୍ଷରୁ ଅଧିକ ବୟସ୍କ ବରିଷ୍ଠ ନାଗରିକ ଏବଂ କୋଭିଡ ପ୍ରଭାବିତ ଭୋଟରଙ୍କ ପାଇଁ ଘରପାଖରେ ନିର୍ବାଚନ ସୁବିଧା ପହଞ୍ଚି ପାରିଛି। ସେ ଦର୍ଶାଇଛନ୍ତି ଯେ ଗତ ପାଞ୍ଚଟି ରାଜ୍ୟର ବିଧାନସଭା ନିବାଚନରେ ଡାକ ବାଲାଟ ପ୍ରକ୍ରିୟାରେ ୪.୫ ଗୁଣ ଅଧିକ ଭୋଟର ଅଂଶଗ୍ରହଣ କରିଛନ୍ତି। ସେହିପରି ଦେଶରେ ୮୦ ବର୍ଷରୁ ଅଧିକ ବୟସ୍କ ପ୍ରାୟ ଦେଢ଼ କୋଟି ଭୋଟର ଅଛନ୍ତି ବୋଲି ସେ ସୂଚନା ପ୍ରଦାନ କରିଛନ୍ତି।
