ଡେରାଡୁନ୍,୩୧।୮: କରୋନାର ଭାକ୍ସିନ୍ର ପ୍ରଥମ ଡୋଜ୍ ନେବା ପରେ ଉତ୍ତରାଖଣ୍ଡର ୧୦ ହଜାରରୁ ଅଧିକ ଲୋକ ଦ୍ୱିତୀୟ ଡୋଜ୍ ନେବାକୁ ଆସୁ ନାହାନ୍ତି। ସେମାନେ ହୁଏତ ଭୁଲି ଯାଇଛନ୍ତି ଅବା କୌଣସି କାରଣରୁ ଏଭଳି କରିଥିବା କୁହାଯାଉଛି। ଅନେକ ଚେଷ୍ଟା ପରେ ମଧ୍ୟ ସ୍ବାସ୍ଥ୍ୟ ବିଭାଗ ସେମାନଙ୍କ ସହ ଯୋଗାଯୋଗ କରିବାରେ ସମର୍ଥ ହୋଇପାରିନାହିଁ। ଟିକାକରଣର ଅନ୍ତିମ ପର୍ଯ୍ୟାୟରେ ଏସବୁ ଲୋକଙ୍କୁ ଚିହ୍ନଟ କରାଯିବାର ଯୋଜନା ଜାରି ରହିଛି। କରୋନା ଦ୍ୱିତୀୟ ଲହର ଯୋଗୁ କୋଭିଡ୍ର ଦ୍ୱିତୀୟ ତରଙ୍ଗ ସମୟରେ, ବହୁ ଲୋକ ଭୟଭୀତ ହୋଇ ପ୍ରଥମ ଡୋଜକୁ ବେଆଇନ ଭାବେ ନେଇଛନ୍ତି। ସେହିପରି କିଛି ଲୋକ ଅଛନ୍ତି ଗୋଟିଏ ମୋବାଇଲରେ ଅନେକ ଲୋକଙ୍କୁ ପଞ୍ଜୀକୃତ କରିଛନ୍ତି।
କେତେକ ଲୋକ ଟିକା ନେବା ପାଇଁ ବ୍ୟବହୃତ କରିଥିବା ନମ୍ବରରେ ରିଚାର୍ଜ ନ କରିଥିବା କାରଣରୁ ସେମାନଙ୍କ ସହ ଯୋଗାଯୋଗ କରିବା ସମ୍ଭବ ହେଉନାହିଁ। ଏକ ଆକଳନ ଅନୁଯାୟୀ, ରାଜ୍ୟରେ ପ୍ରଥମ ପରେ ଦ୍ୱିତୀୟ ଡୋଜ୍ ନେବାକୁ ଟିକାକରଣ କେନ୍ଦ୍ରକୁ ଆସି ନଥିବା ଲୋକଙ୍କ ସଂଖ୍ୟା ୧୦ ହଜାରରୁ ଅଧିକ। ଏନେଇ ନୈନିତାଲର ଜିଲା ଚିକିତ୍ସା ଅଧିକାରୀ ଡ. ଅଜୟ ଶର୍ମା କହିଛନ୍ତି ଯେ କରୋନା କଣ୍ଟ୍ରୋଲ ରୁମ ମାଧ୍ୟମରେ ଏଭଳି ଲୋକଙ୍କ ସହ ଯୋଗାଯୋଗ କରିବାକୁ ଉଦ୍ୟମ କରାଯାଉଛି। ସମ୍ପୃକ୍ତ ବ୍ୟକ୍ତିଙ୍କ ସହିତ ଫୋନ୍ ଏବଂ ମେସେଜ୍ ମାଧ୍ୟମରେ ଯୋଗାଯୋଗ କରିବାକୁ ଉଦ୍ୟମ କରାଯାଇଥିଲା। ମାତ୍ର ଏହା ସଫଳ ହୋଇ ନ ଥିବା ସେ କହିଛନ୍ତି।
