ବାରଙ୍ଗ, ୨୬।୨(ଡି.ଏନ୍.ଏ.): ନନ୍ଦନକାନନ କର୍ତ୍ତୃପକ୍ଷ ପର୍ଯ୍ୟଟକମାନଙ୍କୁ ଆକୃଷ୍ଟ କରିବା ପାଇଁ ପ୍ରତିବର୍ଷ ନୂଆ ନୂଆ ଭେଟି ଦେଇଥାନ୍ତି । ଏଥର ମାଙ୍କଡ଼ ଏନ୍କ୍ଲୋଜରର ନବୀକରଣ କରି ଭେଟିଦେବାକୁ ଯାଉଛନ୍ତି। ନୂଆ ରୂପରେ ଶୋଭାପାଇବ ମାଙ୍କଡ଼ ଏନ୍କ୍ଲୋଜର। ଏଥିପାଇଁ ପ୍ରସ୍ତୁତିପର୍ବ ଆରମ୍ଭ ହୋଇଯାଇଛି। ଦେଢ଼କୋଟି ଟଙ୍କା ବ୍ୟୟ ବରାଦରେ ଏହାକୁ ନିର୍ମାଣ କରାଯିବା ପାଇଁ ଟେଣ୍ଡର ପ୍ରକ୍ରିୟା ସରିଥିବାରୁ ଶୁକ୍ରବାରଠାରୁ ଏହି ଏନ୍କ୍ଲୋଜରକୁ ଭାଙ୍ଗିବା କାର୍ଯ୍ୟ ଆରମ୍ଭ ହୋଇଯାଇଛି। ଫଳରେ ଏହି ଏନ୍କ୍ଲୋଜରରେ ରହୁଥିବା ମାଙ୍କଡ଼ ପ୍ରଜାତିର ଜୀବଜନ୍ତୁଙ୍କୁ ଦେଖିବାରୁ ପର୍ଯ୍ୟଟକମାନେ କିଛିଦିନ ବଞ୍ଚତ୍ତ ହେବେ। ସେଲ୍ ନଂ. ୭ ଓ ୮ରେ ବବୁନ ମାଙ୍କଡ଼ ଜଗା ଓ ସାବି ରହୁଥିଲେ। ସେଲ୍ ନଂ.୧୦ରେ ୬ଟି ବନେଟ ମାଙ୍କଡ଼, ସେଲ ନଂ.୧୭ବିରେ ୨ଟି ବନେଟ ମାଙ୍କଡ଼, ସେଲ୍ ନଂ.୧୪ରେ ୩ଟି ଓ ସେଲ ନଂ. ୧୭ରେ ୫ଟି ଅସାମାଜିକ ମାଙ୍କଡ଼ ରହୁଥିଲେ। ଏହି ୬ଟି ଏନ୍କ୍ଲୋଜରର ନବୀକରଣ ପାଇଁ ଏହାକୁ ଭଙ୍ଗାଯାଉଥିବାରୁ ଏଥିରେ ରହିଥିବା ୧୮ଟି ଜୀବଜନ୍ତୁଙ୍କୁ କ୍ୱାରାଣ୍ଟାଇନକୁ ସ୍ଥାନାନ୍ତର କରାଯାଇଥିବାରୁ ପର୍ଯ୍ୟଟକଙ୍କ ଆଢୁଆଳରେ ରହିବେ।
