ପାଖରେ ପଇସା ଥିଲେ କିଛି ଲୋକ ଅନାବଶ୍ୟକ ଖର୍ଚ୍ଚ କରିବସନ୍ତି। ଯଦ୍ଦ୍ବାରା ପରବର୍ତ୍ତୀ ସମୟରେ ତାଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥାଏ। ଖାସ୍ ଏହି କାରଣ ପାଇଁ ଏକ ଜାପାନୀ କମ୍ପାନୀ ଏମିତି ଏକ ମନିପର୍ସ ତିଆରି କରିଛି, ଯାହା ଅଯଥା ଖର୍ଚ୍ଚ କରିବାରୁ ଲୋକଙ୍କୁ ରୋକିପାରିବ। ଅର୍ଥାତ୍ ଏହି ମନିପର୍ସରେ ଏମିତି ଏକ ଡିଭାଇସ୍ ରହିଛି, ଯାହା ମଧ୍ୟରେ ଟଙ୍କା କମ୍ ଥିଲେ ଯଦି ସେଥିରୁ ଆପଣ ଟଙ୍କା କାଢି କିଛି ଖର୍ଚ୍ଚ କରିବାକୁ ଚାହିଁବେ, ତା’ହେଲେ ମନିପର୍ସଟି ଆପଣଙ୍କ ହାତରୁ ଖସିଯିବ। ଏହାପରେ ବି ଯଦି ଆପଣ ସେହି ପର୍ସଟିକୁ ଜୋର୍ରେ ଜାବୁଡ଼ି ଧରି ଟଙ୍କା କାଢିବାକୁ ଚେଷ୍ଟା କରନ୍ତି,ତା’ହେଲେ ଏହା କାନ୍ଦିବା ଶବ୍ଦ କରିବା ସହ ସେହି ସ୍ବରରେ ଲୋକଙ୍କୁ ସାହାଯ୍ୟ ବି ମାଗିବ। କେବଳ ସେତିକି ନୁହେଁ ଏଥିରେ ଲାଗିଥିବା ସ୍ବତନ୍ତ୍ର ଡିଭାଇସ୍ ଆବଶ୍ୟକ ପଡିଲେ ଆପଣଙ୍କ ଘର ଲୋକଙ୍କ ପାଖକୁ ଆପଣଙ୍କର ଅଯଥା ଖର୍ଚ୍ଚ ସମ୍ପର୍କରେ ମେସେଜ୍ କିମ୍ବା ଇ-ମେଲ୍ ବି ପଠାଇପାରିବ। ସତରେ ଏହା ଏକ ଆଶ୍ଚର୍ଯ୍ୟକର ମନିପର୍ସ। ଏଭଳି ପର୍ସ ଥିଲେ ଲୋକେ ପଇସା ଖର୍ଚ୍ଚ କରିବାକୁ ଡରିବେ। ତେବେ ସେ ଯାହା ବି ହେଉନା କାହିଁକି ଉକ୍ତ କମ୍ପାନୀ ଏହି ମନିପର୍ସଟିକୁ କେବେ ମାର୍କେଟ୍କୁ ବିକ୍ରି ପାଇଁ ଛାଡୁଛି, ତାହା ଦେଖିବାକୁ କେବଳ ବାକି ରହିଲା।
