ନୂଆଦିଲ୍ଲୀ,୧୩।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଗାତର ଦ୍ୱିତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ହୋଇଛନ୍ତି। ୭୧ ବର୍ଷ ବୟସରେ ମଧ୍ୟ ସେ ଦେଶର ଦାୟିତ୍ୱ ପରିଚାଳନା କରିବା ପାଇଁ ପ୍ରତିଶ୍ରୁତିବଦ୍ଧ। ନିଜର ଆଗାମୀ ଲକ୍ଷ୍ୟ ବିଷୟରେ ମତ ରଖି ମୋଦି କହିଛନ୍ତି, ସେ ଦୁଇଥର ଦେଶର ପ୍ରଧାନମନ୍ତ୍ରୀ ହୋଇଥିଲେ ମଧ୍ୟ ତାଙ୍କର ଉଦ୍ଦେଶ୍ୟ ‘ବିଶ୍ରାମ‘ ନୁହେଁ, ବରଂ ସରକାରୀ ଯୋଜନାର ଶତପ୍ରତିଶତ ଲକ୍ଷ୍ୟ ହାସଲ କରିବା। ଏଥିପାଇଁ ସେ ନୂତନ ସଂକଳ୍ପ ଏବଂ ନୂତନ ଶକ୍ତି ସହିତ ଆଗକୁ ବଢିବାକୁ ପ୍ରସ୍ତୁତ ହେଉଛନ୍ତି।
ଭିଡିଓ କନଫରେନ୍ସ ଜରିଆରେ ‘ଉତ୍କର୍ଷ ସମାରୋହ’କୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ କହିଛନ୍ତି, ଦିନେ ବିରୋଧୀ ଦଳର ଜଣେ ବଡ ନେତା ତାଙ୍କୁ ଭେଟିବାକୁ ଆସିଥିଲେ ଏବଂ ସେ ତାଙ୍କୁ କହିଥିଲେ ଯେ, ମୋଦି ଜି ଆଉ କ’ଣ କରିବାର ଅଛି,ଦେଶ ଆପଣଙ୍କୁ ଦୁଇଥର ପ୍ରଧାନମନ୍ତ୍ରୀ କରାଇଲା। ଏବେ ଆଉ କଣ କରିବେ।
ପ୍ରଧାନମନ୍ତ୍ରୀ ଉକ୍ତ ନେତାଙ୍କ ନାମ ରଖି ନାହାଁନ୍ତି, କିନ୍ତୁ ରାଜନୈତିକ ସ୍ତରରେ ତାଙ୍କୁ ବିରୋଧ ଜାରି ରଖିଛନ୍ତି ବୋଲି କହିଛନ୍ତି, କିନ୍ତୁ ମୁଁ ମଧ୍ୟ ତାଙ୍କୁ ସମ୍ମାନ ଦେଉଛି। ସେ ଜାଣନ୍ତି ନାହିଁ ଯେ ମୋଦି ଏକ ଭିନ୍ନ ମାଟିରୁ ଆସିଛନ୍ତି। ଗୁଜରାଟ ମାଟିି ତାଙ୍କୁ ପ୍ରସ୍ତୁତ କରିଛି। ଯାହା ବି ହେଉ, ବିଶ୍ରାମ ନୁହେଁ,ମୋର ସ୍ବପ୍ନ – ପରିପୂର୍ଣ୍ଣତା। ସରକାରୀ ଯୋଜନାଗୁଡିକ ୧୦୦% ଲକ୍ଷ୍ୟ ଆଡକୁ ଆଗକୁ ବଢିଛି। ଲୋକଙ୍କ ନିକଟରେ ସବୁ ଯୋଜନାଗୁଡିକ ପହଞ୍ଚାଇବାକୁ ପଡ଼ିବ ବୋଲି ମୋଦି କହିଛନ୍ତି।
