ନୂଆଦିଲ୍ଲୀ, ୨୪।୮ : ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରାଯାଇଛି। ଏନଆଇଏ ଅନୁଯାୟୀ ଆତଙ୍କବାଦୀମାନେ ଦେଶରେ ଏକ ନୂତନ ହାଇ-ଟେକ ନେଟୱାର୍କ ସ୍ଥାପନ କରିଛନ୍ତି। ଏହା ମାଧ୍ୟମରେ ଉଭୟ ଆତଙ୍କବାଦୀ ସଂଗଠନ ଆଇଏସଆଇଏସ ଏବଂ ଅଲ କାଇଦା ମିଳିତ ଭାବେ ସ୍ଲିପର ସେଲ ପ୍ରସ୍ତୁତ କରୁଛନ୍ତି।
ଏହି ଆତଙ୍କବାଦୀ ସଂଗଠନଗୁଡ଼ିକ ଏଥିପାଇଁ ଟେକ୍ନୋଲୋଜିର ସାହାଯ୍ୟ ନେଉଛନ୍ତି। ବାସ୍ତବରେ, ଆତଙ୍କବାଦୀ ସଂଗଠନଗୁଡ଼ିକ ମୋବାଇଲ ଆପକୁ ନିଜ ନିଜ ମଧ୍ୟରେ ଯୋଗାଯୋଗ ପାଇଁ ବ୍ୟବହାର କରୁଛନ୍ତି। ଏହି ଆତଙ୍କବାଦୀ ସଂଗଠନ ଦେଶର ବିଭିନ୍ନ ରାଜ୍ୟରେ ସକ୍ରିୟ ଅଛନ୍ତି।
ଆତଙ୍କବାଦୀ ସଂଗଠନଗୁଡ଼ିକ ସେମାନଙ୍କ ଗୁପ୍ତଚର ଆଲୋଚନା ପାଇଁ ମୋବାଇଲ ଆପ୍ର ସାହାଯ୍ୟ ନେଉଛନ୍ତି। ଯୋଗାଯୋଗ ପରେ, ସେମାନେ ମଧ୍ୟ ଆପ ଡିଲିଟ କରନ୍ତି ଯାହା ଦ୍ୱାରା ସେମାନେ ସହଜରେ ଚିହ୍ନଟ ହୋଇପାରିବେ ନାହିଁ । ତେବେ ନିକଟରେ ସୋସିଆଲ ମିଡିଆ ଚାଟ ମାଧ୍ୟମରେ ଏହି ଆତଙ୍କବାଦୀ ଗୋଷ୍ଠୀକୁ ଖୋଜିବାରେ ଏନଆଇଏ ସଫଳତା ହାସଲ କରିଛି।
ଏନଆଇଏ ଜାଣିବାକୁ ପାଇଛି ଯେ ଏହି ଆତଙ୍କବାଦୀ ସଂଗଠନ ଯୋଗାଯୋଗ ପରେ ଆପରୁ ସମସ୍ତ ଡିଜିଟାଲ ତଥ୍ୟ ଡିଲିଟ୍ କରିଥାନ୍ତି। ପରେ ଯୋଗାଯୋଗ ପାଇଁ ଅନ୍ୟ ଏକ ନୂତନ ଆପ ବିକଶିତ କରନ୍ତି।
ଏନଆଇଏ ଦେଶର ଅନେକ ରାଜ୍ୟରେ ଆଇଏସ ଏବଂ ଅଲ କାଏଦା ସକ୍ରିୟ ଥିବାର ସୂଚନା ପାଇଛି। ଏନଆଇଏ ଅନୁଯାୟୀ ଦେଶର ୧୦ ଟି ରାଜ୍ୟରେ ଏହି ଆତଙ୍କବାଦୀ ସଂଗଠନ ସକ୍ରିୟ ଅଛନ୍ତି। ନିକଟ ଅତୀତରେ, ଏନଆଇଏ ସେମାନଙ୍କୁ ଖୋଜିବା ପାଇଁ ଅନେକ ଗୁଇନ୍ଦା କାର୍ଯ୍ୟାନୁଷ୍ଠାନ ମଧ୍ୟ ନେଇଛି, କିନ୍ତୁ ଏପର୍ଯ୍ୟନ୍ତ ଜାତୀୟ ଅନୁସନ୍ଧାନ ଏଜେନ୍ସି କୌଣସି ସଫଳତା ପାଇପାରି ନାହିଁ। ନିକଟରେ ୭ ଟି ରାଜ୍ୟର ୧୪ ଟି ସହର ମଧ୍ୟ ଆଇଏସଆଇଏସ ଏବଂ ଅଲ କାଇଦା ସଂଗଠନଗୁଡ଼ିକୁ ଚିହ୍ନଟ କରିବା ପାଇଁ ଏନଆଇଏ ଦ୍ୱାରା ଚଢ଼ାଉ କରାଯାଇଥିଲା ।
ଆତଙ୍କବାଦୀ ସଂଗଠନମାନେ ସୋସିଆଲ ମିଡିଆର ସାହାଯ୍ୟ ନେଉଛନ୍ତି ଏବଂ ଘୃଣା ବିସ୍ତାର କରୁଛନ୍ତି। ପ୍ରଥମେ ସୋସିଆଲ ମିଡିଆରେ ଘୃଣା-ପ୍ରଚାର ଏବଂ ଧାର୍ମିକ ଭାବନା ପୋଷ୍ଟ କରନ୍ତି । ତା’ପରେ ଯେଉଁମାନେ ଏଭଳି ପୋଷ୍ଟକୁ ପସନ୍ଦ କରନ୍ତି ତାଙ୍କୁ ଫଲୋ କରନ୍ତି ଓ ସେମାନଙ୍କୁ ଟାର୍ଗେଟ କରାଯାଏ। ଏହି ସଂଗଠନମାନେ ଏଭଳି ଯୁବବର୍ଗଙ୍କୁ ଆତଙ୍କବାଦୀ ସଂଗଠନ ଆଇଏସ ଏବଂ ଅଲ କାଇଦାରେ ଯୋଗଦେବା ପାଇଁ ବ୍ରେନ୍ ଓ୍ବାଶ୍ କରିଥାନ୍ତି ଏବଂ ସେମାନଙ୍କ ସହ ଯୋଗଦେବାକୁ ରାଜି ହୋଇଥିବା ଯୁବବର୍ଗମାନଙ୍କୁ ସ୍ଲିପର ସେଲରେ ପରିଣତ କରିଥାନ୍ତି।
