ପାଟଣା, ୨୨।୪(ବୀର କିଶୋର ଦାଶ):କେନ୍ଦୁଝର ଜିଲା ବୈତରଣୀ ମିଶନ ଶକ୍ତି ଫେଡରେଶନ ପକ୍ଷରୁ କାର୍ଯ୍ୟରତ ମହିଳାମାନେ ସରକାରଙ୍କ ଜାନୁୟାରୀ ୨୨ର ବିଜ୍ଞପ୍ତି ବିରୋଧରେ ହାଇକୋର୍ଟର ଦ୍ବାରସ୍ଥ ହୋଇଥିଲେ। ସୂଚନା ଯେ, ଏହି ବିଜ୍ଞପ୍ତିର ଜିଲାଠାରୁ ପଞ୍ଚାୟତ ଯାଏ ବିଭିନ୍ନ କମିଟିର ପୁନର୍ଗଠନ ପାଇଁ ବିଜ୍ଞପ୍ତି ବାହାରିଥିଲା। ଏଥିରେ ନିର୍ଦ୍ଦେଶ ଥିଲା ୨ଥରରୁ ଅଧିକ ସମୟ ଧରି ଥିବା କାର୍ଯ୍ୟକାରୀ ସଦସ୍ୟ ପଦରେ ରହିପାରିବେନି ବୋଲି ଉଲ୍ଲେଖ ଥିଲା। ଏଥିସହ ଗୋଟିଏ ପରିବାରର ୨ ସଦସ୍ୟ ମଧ୍ୟ କମିଟିରେ ରହିପାରିବେନି କଟକଣା ଥିଲା । ଏହି ବିଜ୍ଞପ୍ତି ବିରୋଧରେ କେନ୍ଦୁଝର ବୈତରଣୀ ମିଶନ ଶକ୍ତି ଫେଡରେଶନ ପକ୍ଷରୁ କୋର୍ଟର ଦ୍ବାରସ୍ଥ ହୋଇ ଥିଲେ । ମିଶନ ଶକ୍ତି ଫେଡରେଶନ ପକ୍ଷରୁ ଏହି ମାମଲାକୁ ଆଇନଜୀବି ଆରକେ ମହାନ୍ତ ଜଷ୍ଟିସ ଶଶିକାନ୍ତ ମିଶ୍ରଙ୍କ କୋର୍ଟରେ ମାମଲା ଦାୟର କରିଥିଲେ। ଜଷ୍ଟିସ ମିଶ୍ର ହାଇକୋର୍ଟ ଅର୍ଡର ଡ ବ୍ଲୁପି(ସି)୧୦୪୬୭ ଓଏଲଏ ୬୩୨୬ରେ ମଧ୍ୟବର୍ତ୍ତୀକାଳୀନ ରହିତାଦେଶ ଜାରି କରି ପରବର୍ତ୍ତୀ ଶୁଣାଣି ମେ ୧୫କୁ ଧାର୍ଯ୍ୟ କରିଛନ୍ତି। ଫଳରେ ରାଜ୍ୟ ସରକାରଙ୍କ ମିଶନ ଶକ୍ତି ପୁନର୍ଗଠନ ସଂପର୍କିତ ବିଜ୍ଞପ୍ତି ଉପରେ କିଛିଦିନ ପାଇଁ ଲାଗିଛି ଅଙ୍କୁଶ। ରହିତାଦେଶ ସଂପର୍କରେ ରାଜ୍ୟ ସରକାର ଓ ମିଶନ ଶକ୍ତି ସଚିବଙ୍କୁ ହାଇକୋର୍ଟ ନୋଟିସ ଦେଇଛନ୍ତି।
