ଲହୁଣୀପଡା,୧।୫(ଡି.ଏନ.ଏ.): ସୁନ୍ଦରଗଡ଼ ଜିଲା ଲହୁଣୀପଡା ଥାନା ଅନ୍ତର୍ଗତ ଶସ୍ୟକଳା ପଞ୍ଚାୟତ ବରସୁଆଁ ବସଷ୍ଟାଣ୍ଡ ନିକଟରେ ରହୁଥିବା ଜଣେ ମହିଳା ୨ ସନ୍ତାନ ସହ ନିଖୋଜ ହୋଇଯାଇଛନ୍ତି। ନିଜ ସ୍ବାମୀକୁ ନ ଜଣାଇ ପୁଅ ଝିଅଙ୍କୁ ସାଙ୍ଗରେ ନେଇ କୁଆଡ଼େ ଚାଲି ଯାଇଛନ୍ତି ବୋଲି ଥାନାରେ ଅଭିଯୋଗ ହୋଇଛି। ପ୍ରକାଶ ଯେ, ଝାଡ଼ଖଣ୍ଡ ସିଂହଭୂମ ଜିଲା ମନୋହରପୁରୁ ଥାନା ଅନ୍ତର୍ଗତ ଇଛାପିର ଗ୍ରାମର ହରିନାଥ ମାହାତୋଙ୍କ ପୁଅ ରମାକାନ୍ତ ମାହାତୋ ଅନେକ ଦିନ ହେବ ବରସୁଆଁରେ ରହି କାମ କରୁଥିଲେ। ବରସୁଆଁ ବସଷ୍ଟାଣ୍ଡ ନିକଟରେ ଏକ ଭଡା ଘରେ ସ୍ତ୍ରୀ ଶର୍ମିଳା (୩୦) ଓ ୧୦ବର୍ଷର ପୁଅ ଓ ୫ ବର୍ଷର ଝିଅକୁ ନେଇ ରହି ଆସୁଥିଲେ। କିନ୍ତୁ ଗତ ୨୮ ତାରିଖ ସକାଳ ପ୍ରାୟ ୧୦ ଟାରୁ ଘରେ ତାଲା ପକାଇ ପୁଅଝିଅକୁ ନେଇ ତାଙ୍କର ସ୍ତ୍ରୀ କେଉଁଆଡ଼େ ଚାଲି ଯାଇଛନ୍ତି। ନିଜର ସମ୍ପର୍କୀୟ ଓ ବନ୍ଧୁବାନ୍ଧବଙ୍କ ଘରେ ଖୋଜାଖୋଜି କରି ନ ପାଇବାରୁ ବାଧ୍ୟହୋଇ ଲହୁଣୀପଡା ଥାନାରେ ରମାକାନ୍ତ ଲିଖିତ ଅଭିଯୋଗ କରିଛନ୍ତି।
