Advertisement

କୋଇଲା ପର୍‌ମିଟ୍‌ରେ ମାଟି ଚାଲାଣ

ସମ୍ବଲପୁର,୧୪ା୧୦(ବ୍ୟୁରୋ):ସମ୍ବଲପୁର ଜିଲା ତଲାବିରା କୋଇଲା ଖଣିରେ କୋଇଲା ପରିବହନ ଓ ଚୋରା ଚାଲାଣକୁ ନେଇ ନିୟମିତ ଆପରାଧିକ କାର୍ଯ୍ୟ ଘଟୁଛି। ଏପରିସ୍ଥଳେ ବୁଧବାର ରାତିରେ ଆଦାନୀ କମ୍ପାନୀର ଜଣେ ଡାଟା ଅପରେଟର ରାଜ କିଶୋର ସାହୁଙ୍କୁ ମାରପିଟ ଓ ହତ୍ୟା ଧମକ ଦିଆଯାଇଥିବା ଅଭିଯୋଗ ହୋଇଛି। ଆର଼୍ୟାନ ଇସ୍ପାତ କମ୍ପାନୀ ଏବେ ଆଦାନୀ କମ୍ପାନୀର କୋଇଲା ସାଇଡିଂରେ କୋଇଲା ବଦଳରେ ମାଟି ଖାଲି କରିବାକୁ ନେଇ ଏହି ଘଟଣା ଘଟିଛି। ଅଭିଯୋଗ ଆଧାରରେ ଠେଲକୋଲୋଇ ଥାନା ପୋଲିସ ଏକ ମାମଲା (ନଂ.୨୫୨/୨୨) ରୁଜୁକରି ତଦନ୍ତ ଆରମ୍ଭ କରିଛି। ଲପଙ୍ଗା ଗ୍ରାମର ଆୟୁଷ ବେହେରା ଓ ତାଙ୍କ ଦୁଇ ସହଯୋଗୀଙ୍କ ନାମରେ ମାମଲା ରୁଜୁ ହୋଇଥିବା ପୋଲିସ କହିଛି। ନିୟମିତ ଭାବେ ଆର଼୍ୟାନ ଇସ୍ପାତ ସାଇଡିଂ ଓ ଓଜନ ସ୍ଥାନରେ ଗଣ୍ଡଗୋଳ ଘଟୁଛି। ଅଭିଯୋଗ ପାଇ ପୋଲିସ ଘଟଣାସ୍ଥଳରେ ପହଞ୍ଚତ୍ଥିଲା। ହେଲେ କୋଇଲା ମାଫିଆଙ୍କ ସହ ଆଲୋଚନା ପରେ ଫେରିଆସିଥିଲା। ପରେ ଦୁର୍ବୃତ୍ତମାନେ କମ୍ପାନୀ ଭିତରକୁ ବଳପୂର୍ବକ ପ୍ରବେଶ କରି କୋଇଲା ସାଇଡିଂରେ ମାଟି ବୋଝେଇ ହୋଇଥିବା କୋଇଲା ଖାଲିକରି ଫେରାର ହୋଇଯାଇଥିଲେ।
କିଛିଦିନ ପୂର୍ବରୁ ଜଣେ କର୍ମଚାରୀଙ୍କ ମୃତଦେହ ପୋଲିସ ଉଦ୍ଧାର କରିଥିଲା। ଏହାକୁ ଆତ୍ମହତ୍ୟାର ରୂପ ଦିଆଯାଇଥିଲା। ସେହିପରି ପ୍ରାୟ ୩ମାସ ପୂର୍ବରୁ ଏକ କୋଇଲା ବୋଝେଇ ଟ୍ରକ୍‌ରେ ଜଣେ ଓଜନ କରିବା ସୁପରଭାଇଜରଙ୍କ ମୃତ୍ୟୁ ଘଟିଥିଲା। ଏହି ଘଟଣାକୁ ମଧ୍ୟ ପୋଲିସ ଦୁର୍ଘଟଣାର ରୂପ ଦେଇ ମାମଲା ଚାପି ଦେଇଥିଲା। ବାରମ୍ବାର ଆର଼୍ୟାନ ଇସ୍ପାତ ସାଇଡିଂରେ ଏଭଳି ଘଟଣା ଘଟୁଛି। ଏହାକୁ ନେଇ କୋଇଲା ମାଫିଆଙ୍କ ସମ୍ପୃକ୍ତି ଥିବା ସନ୍ଦେହ ହେଉଛି । ପୂର୍ବଘଟଣା ଓ ଗତକାଲି ରାତିର ଘଟଣାକୁ ଦେଖିଲେ ସାମଞ୍ଜସ୍ୟ ରହିଛି। ଏହି ଘଟଣାରେ ରାଜନୈତିକ ବ୍ୟକ୍ତିବିଶେଷ, ନେତା, ମନ୍ତ୍ରୀଙ୍କ ପରୋକ୍ଷ ସମ୍ପୃକ୍ତି ରହୁଛି ବୋଲି ଅଭିଯୋଗ ହେଉଛି। କୋଇଲା ପରିବହନକୁ ନେଇ ପୂର୍ବରୁ ଗାଡ଼ି ପୋଡ଼ିବା, ହତ୍ୟା ଧମକ, ଫାଙ୍କା ଗୁଳିଚାଳନା କରିବା ଭଳି ଘଟଣାର ଥାନାରେ ମାମଲା ରହିଛି। ଅନ୍ୟପଟେ ଆଦାନୀ କମ୍ପାନୀ, ଟ୍ରାନ୍ସପୋର୍ଟର ମିଳିମିଶି କୋଇଲା ଲୁଟ କରୁଥିବା ନେଇ ଅଞ୍ଚଳବାସୀ ଅଭିଯୋଗ କରିଛନ୍ତି। ପରିବହନ ସଂସ୍ଥା ଉପରେ କୌଣସି କାର୍ଯ୍ୟାନୁଷ୍ଠାନ ନ ହେବାରୁ କୋଇଲା ଚୋରା ଚାଲାଣ ବୃଦ୍ଧି ହେବାରେ ଲାଗିଛି। ଗତ ମାସରେ ଶାସନ ଥାନା ପୋଲିସ ଏକ କୋଇଲା ବୋଝେଇ ଟ୍ରକ୍‌ ଜବତ କରିଥିଲା। ଘଟଣାସ୍ଥଳରେ କୋଇଲା ମାଫିଆ, ରାଜନେତା ପହଞ୍ଚତ୍ ମାମଲାକୁ ରଫାଦଫା କରିଥିଲେ। ପୋଲିସକୁ ନକଲି କାଗଜପତ୍ର ଦାଖଲ କରି ଫେରାର ହେବାରେ ସକ୍ଷମ ହୋଇଥିଲେ। ପୋଲିସ ମଧ୍ୟ ଏହି ଘଟଣାକୁ ହାଲକା ଭାବେ ନେଇ ଚୁପ ବସିଯାଇଥିଲା। ଏ ସମ୍ପର୍କରେ ଠେଲକୋଲୋଇ ଥାନାଧିକାରୀ ବି. ମିଶ୍ର କହିଛନ୍ତି, ଆଦାନୀ କମ୍ପାନୀର ଡାଟା ଅପରେଟର ରାଜକିଶୋର ସାହୁଙ୍କ ଅଭିଯୋଗ କ୍ରମେ ମାମଲା ରୁଜୁ ହୋଇଛି। ଆୟୁଷ ବେହେରା ଓ ତାଙ୍କ ଦୁଇ ସମର୍ଥକଙ୍କ ନାମରେ ପୋଲିସ ମାମଲା ରୁଜୁକରି ଘଟଣାର ତଦନ୍ତ କରୁଛି। ଟ୍ରକ୍‌ ଜବତ ସହ ଡ୍ରାଇଭରଙ୍କୁ ଗିରଫ କରିବା ପରେ ଘଟଣାର ପର୍ଦ୍ଦଫାଶ ହୋଇପାରିବ। ଅନ୍ୟପଟେ କୋଇଲା ବଦଳରେ ମାଟି ପକାଇବା ଘଟଣାରେ ଟ୍ରାନ୍ସପୋର୍ଟର ଓ କମ୍ପାନୀ ପକ୍ଷରୁ କୌଣସି ଅଭିଯୋଗ କରାଯାଇ ନ ଥିବା ସେ ସୂଚନା ଦେଇଥିଲେ।


Enter your email to get our daily news in your inbox.

All Right Reserved By Dharitri.Com

ବନ୍ଦ ଲଜ୍‌ରେ ଦେହ ବେପାର

ପୁରୀ ଅଫିସ,୧୮ା୪: ବର୍ତ୍ତମାନ କରୋନା କଟକଣା ଜାରି କରାଯାଇଛି । ଲକ୍‌ଡାଉନ ଯୋଗୁ ବନ୍ଦ ରହିଛି ସମସ୍ତ ହୋଟେଲ, ଲଜ୍‌ ଏବଂ ଅନ୍ୟାନ୍ୟ ବ୍ୟବସାୟ ପ୍ରତିଷ୍ଠାନ।...

ସାଢେ ତିନିବର୍ଷ ଶିଶୁକନ୍ୟାଙ୍କୁ ବଳାତ୍କାର ପରେ ହତ୍ୟା: ଅଭିଯୁକ୍ତ ଯୁବକଙ୍କୁ ଫାଶୀ ଦଣ୍ଡାଦେଶ

କେନ୍ଦୁଝର,୧୯।୧୨(ସ୍ବ.ପ୍ର): ସାଢ଼େ ତିନିବର୍ଷର ଶିଶୁକନ୍ୟାକୁ ବଳାତ୍କାର ଓ ହତ୍ୟା ମାମଲାରେ ଗୁରୁବାର ସ୍ଥାନୀୟ ଜିଲା ଦୌରାଜଜ୍‌ କୋର୍ଟ ଜଣେ ଅଭିଯୁକ୍ତ ଯୁବକଙ୍କୁ ଫାଶୀ ଦଣ୍ଡାଦେଶ ଦେଇଛନ୍ତି।...

ନିଷିଦ୍ଧାଞ୍ଚଳରେ ପାଚେରି ନିର୍ମାଣକୁ ବିରୋଧ

ପୁରୀ ଅଫିସ, ୧୨।୧୦: ଶ୍ରୀମନ୍ଦିର ପରିକ୍ରମା ପ୍ରକଳ୍ପର ନିଷିଦ୍ଧାଞ୍ଚଳରେ ପାଚେରି ନିର୍ମାଣକୁ ନେଇ ସାଧାରଣରେ ଅସନ୍ତୋଷ ବଢିବାରେ ଲାଗିଛି। ପାଚେରି ନିର୍ମାଣ କାର୍ଯ୍ୟ ପ୍ରକଳ୍ପ ଅନୁମତି...

ଏସ୍‌ସିବି ଛାତରୁ ଖସିଲା କଂକ୍ରିଟ

କଟକ ଅଫିସ,୧୩।୯: କଟକ ବଡ଼ ଡାକ୍ତରଖାନାର ସର୍ଜରୀ ବିଭାଗ ଆଉଟଡୋରରେ ସୋମବାର ଛାତରୁ କଂକ୍ରିଟ ଖଣ୍ଡ ଖସି ପଡ଼ଛି। କଂକ୍ରିଟ ଖଣ୍ଡ ଖସିବା ଯୋଗୁ ଛାତରେ...

ସୁରଟରୁ ବସ୍‌ରେ ଭଦ୍ରକ ଆସୁଥିଲେ ମହିଳା: ରାସ୍ତାରେ ସନ୍ତାନ ପ୍ରସବ

ଭଦ୍ରକ ଅଫିସ,୪ା୫: ସୁରଟରୁ ଭଦ୍ରକ ଜିଲା ତିହିଡ଼ି ଅଞ୍ଚଳକୁ ବସ୍‌ରେ ଫେରିବାବେଳେ ନାଗପୁରଠାରେ ପ୍ରସବ ଯନ୍ତ୍ରଣା ହେବାରୁ ଜଣେ ମହିଳାଙ୍କ ପାଇଁ ବସ୍‌ ଅଟକି ଥିଲା।...

ଉଷା ଆପ୍‌ରେ ବସ୍ତି ବାସିନ୍ଦାଙ୍କ ତଥ୍ୟ ସଂଗ୍ରହ

ବ୍ରହ୍ମପୁର ଅଫିସ,୬ା୧୨: ବ୍ରହ୍ମପୁର ମହାନଗର ନିଗମ (ବିଏମ୍‌ସି) ଅଧୀନରେ ବସବାସ କରୁଥିବା ବସ୍ତିବାସିନ୍ଦାଙ୍କୁ ଜାଗା ମିଶନ ଯୋଜନାରେ ପଟ୍ଟା ପ୍ରଦାନ କରାଯିବ। ଏ ନେଇ ବିଏମସି...

ଆରମ୍ଭ ହେଲା ରଥ ଭଙ୍ଗା

ପୁରୀ ଅଫିସ, ୨୭ା୭: ସିଂହଦ୍ୱାର ସମ୍ମୁଖରେ ଥିବା ତିନିରଥ ମଧ୍ୟରୁ ଶୁକ୍ରବାର ଦେବୀ ସୁଭଦ୍ରାଙ୍କ ଦର୍ପଦଳନ ରଥ ଭଙ୍ଗା ଆରମ୍ଭ ହୋଇଛିି। ଭୋଇ ସର୍ଦ୍ଦାର ରବି...

ଘରେ ଶୋଇଥିବା ଯୁବକଙ୍କୁ ଛୁରି ଭୁସି ହତ୍ୟା

ଦିଗପହଣ୍ଡି,୬ା୧୦(ଡି.ଏନ.ଏ.)-ସାମାନ୍ୟ ବଚସାକୁ ନେଇ ଦିଗପହଣ୍ଡି ଥାନା ଗୋକର୍ଣ୍ଣପୁର ଗ୍ରାମରେ ଘରେ ଶୋଇଥିବା ରବି ଓରଫ ରବୀନ୍ଦ୍ର ବାଡ଼ତ୍ୟାଙ୍କୁ ଛୁରି ଭୁସି ହତ୍ୟା କରାଯାଇଛି। ସଙ୍କଟାପନ୍ନ ଅବସ୍ଥାରେ...

Advertisement
Archives

Model This Week