ମୁମ୍ବାଇ,୮।୪ : ଆଇପିଏଲ ସିରିଜ ୧୬ର ୧୨ ତମ ମ୍ୟାଚ ଶନିବାର ମୁମ୍ବାଇ ଇଣ୍ଡିଆନ୍ସ(ଏମଆଇ) ଏବଂ ଚେନ୍ନାଇ ସୁପର କିଙ୍ଗ୍ସ(ସିଏସକେ)ମଧ୍ୟରେ ମୁମ୍ବାଇର ଓ୍ବାଙ୍ଖଡେ କ୍ରିକେଟ ଷ୍ଟାଡିୟମରେ ସନ୍ଧ୍ୟା ସାଢ଼େ ୭ଟା ଖେଳାଯିବ। ଆଇପିଏଲ ୨୦୨୩ର ଏହି ମ୍ୟାଚ ରେ ପାଞ୍ଚ ଥର ଚମ୍ପିୟନ ମୁମ୍ବାଇ ଇଣ୍ଡିଆନ୍ସ ଚାରିଥର ଚମ୍ପିୟନ ଚେନ୍ନାଇ ସୁପର କିଙ୍ଗ୍ସକୁ ଭେଟିବ।
ପରିସଂଖ୍ୟାନ ବିଷୟରେ କହିବାକୁ ଗଲେ ଉଭୟ ଦଳ ଏପର୍ଯ୍ୟନ୍ତ ୩୪ ଥର ମୁହାଁମୁହିଁ ହୋଇଛନ୍ତି। ସେଥିମଧ୍ୟରୁ ୨୦ ଟି ମ୍ୟାଚ ମୁମ୍ବାଇ ଏବଂ ୧୪ ଟି ମ୍ୟାଚ ଚେନ୍ନାଇ ଜିତିଛି। ଏଥି ସହିତ ମୁମ୍ବାଇର ଓ୍ବାଙ୍ଖଡେ କ୍ରିକେଟ ଷ୍ଟାଡିୟମରେ ଉଭୟ ଦଳ ୧୦ ଥର ମୁହାଁମୁହିଁ ହୋଇଛନ୍ତି। ସେଥିରୁ ସାତୋଟି ମ୍ୟାଚ ମୁମ୍ବାଇ ଏବଂ ତିନୋଟି ମ୍ୟାଚ ଚେନ୍ନାଇ ଜିତିଛି। ଦୁଇ ଦଳ ମଧ୍ୟରେ ଶେଷ ପାଞ୍ଚଟି ମ୍ୟାଚ ବିଷୟରେ କହିବାକୁ ଗଲେ ମୁମ୍ବାଇ ତିନୋଟି ଏବଂ ସିଏସକେ ଦୁଇଟି ଜିତିଛି।
ଚେନ୍ନାଇ ସୁପର କିଙ୍ଗ୍ସର ପ୍ଲେଇଙ୍ଗ ୧୧ରେ ଡିଭନ କନୱେ, ରିତୁରାଜ ଗାଇକୱାଡ, ମୋଇନ ଅଲି, ବେନ ଷ୍ଟୋକ୍ସ, ଅମ୍ବାତି ରାୟୁଡୁ, ରବିନ୍ଦ୍ର ଜାଡେଜା, ଏମଏସ ଧୋନି (ଅଧିନାୟକ/ଓ୍ବିକେଟ କିପର), ଶିବମ ଦୁବେ, ମିଚେଲ ସାଣ୍ଟନର୍ / ସିସାଣ୍ଡ ମାଗାଲା, ଦୀପକ ଚହର, ରାଜଭାରଡ ହଙ୍ଗରଗେକର ଅଛନ୍ତି।
ମୁମ୍ବାଇ ଇଣ୍ଡିଆନ୍ସର ପ୍ଲେଇଙ୍ଗ ୧୧ରେ ରୋହିତ ଶର୍ମା (ଅଧିନାୟକ), ଇଶାନ କିଶନ (ଓ୍ବିକେଟ କିପର), ସୂର୍ଯ୍ୟକୁମାର ଯାଦବ, କ୍ୟାମେରନ ଗ୍ରୀନ / ଟ୍ରିଆଷ୍ଟ ଷ୍ଟବ୍ସ, ତିଲକ ବର୍ମା, ଟିମ ଡେଭିଡ, ନେହଲ ୱାଡେରା, ହ୍ରିତିକ ଶୋକିନ, ପୀୟୁଷ ଚାୱଲା, ଜୋଫ୍ରା ଆର୍ଚର, ଅର୍ଶଦ ଖାନ ରହିଛନ୍ତି।
