ମଧ୍ୟ ପ୍ରଦେଶର ଜଣେ ଶିକ୍ଷକ ଶଗଡ ଚଢି ଚର୍ଚ୍ଚାକୁ ଆସିଛନ୍ତି। ରାୟସେନ ଜିଲାର ସାଲେଗଡ ଗ୍ରାମର ପ୍ରାଥମିକ ସ୍କୁଲରେ ଶିକ୍ଷକ ଥିବା ନୀରଜ ସକ୍ସେନା ଶଗଡରେ ବହି ବୋହି ସ୍କୁଲକୁ ନେଉଥିବାର ଦୃଶ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। ଇଣ୍ଟଖେଡି ସଙ୍କୁଲ କେନ୍ଦ୍ରରୁ ସରକାରୀ ବହି ଶଗଡ ଗାଡିରେ ଲଦି ୫ କିମି ଜଙ୍ଗଲ ରାସ୍ତା ଦେଇ ସ୍କୁଲରେ ପହଞ୍ଚିଥିଲେ ନୀରଜ। ଗାଁରେ ପକ୍କା ରାସ୍ତା ନାହିଁ। ବର୍ଷା ହେଲେ ଗାଁକୁ କୌଣସି ଗାହି ଯିବା ଅସମ୍ଭବ ହୋଇପଡେ। ଏହି କାରଣରୁ ସେ ଶଗଡରେ ବହି ନେବା କଥା ଚିନ୍ତା କରିଥିଲେ ବୋଲି କହନ୍ତି ନୀରଜ। କରୋନା ଯୋଗୁ ଛାତ୍ରୀଛାତ୍ରଙ୍କ ପାଠପଢା ବ୍ୟାହତ ଘଟିଛି। ସ୍କୁଲ ଖୋଲିବା ମାତ୍ରେ ତୁରନ୍ତ ପିଲାଙ୍କୁ ବହି ଯୋଗାଇ ଦିଆଯିବ। ଏଥିପାଇଁ ବହି ଷ୍ଟକ ରହିବା ଆବଶ୍ୟକ ବୋଲି ସେ କହିଛନ୍ତି। ୨୦୦୯ରୁ ସେ ଏଠାରେ ପଢାଇ ଆସୁଛନ୍ତି। ସେତେବେବେଳେ ସ୍କୁଲରେ ମାତ୍ର ୧୫ ଛାତ୍ରଛାତ୍ରୀ ପାଠ ପଢୁଥିଲେ। ନୀରଜ ଗାଁ ଗାଁ ବୁଲି ଛାତ୍ରଛାତ୍ରୀ ଏହି ସ୍କୁଲରେ ପଢାଇବା ପାଇଁ ଅନୁରୋଧ କରିଥିଲେ। ଏବେ ୯୪ ଜଣ ଛାତ୍ରଛାତ୍ରୀ ଉକ୍ତ ସ୍କୁଲରେ ପଢୁଛନ୍ତି। ନୀରଜଙ୍କ ପ୍ରଚେଷ୍ଠାରୁ ସବୁ ସମ୍ଭବ ହୋିଥିବା ସ୍ଥାନୀୟ ଗ୍ରାମବାସୀ କହିଛନ୍ତି।
