ଅଭିନେତ୍ରୀ ମୌନୀ ରୟ ପ୍ରେମିକ ସୁରଜ ନାମ୍ବିଆର୍ଙ୍କୁ ଖୁବ୍ଶୀଘ୍ର ବିବାହ କରିବେ। ସେ ୨୭ ଜାନୁୟାରୀ ୨୦୨୨ରେ ଗୋଆରେ ଏକ ସମୁଦ୍ରକୂଳରେ ବିବାହ କରିବେ। ତେବେ ଜାଣନ୍ତୁ ମୌନୀ ଓ ସୁରଜଙ୍କ ପ୍ରେମ କାହାଣୀକୁ ନେଇ ରୋଚକ କଥା। କିପର ସେ ପଡ଼ିଥିଲେ ସୁରଜଙ୍କ ପ୍ରେମରେ। ଉଭୟଙ୍କ ପ୍ରଥମ ଦେଖା ଦୁବାଇରେ ହୋଇଥିଲା । ପରେ ଦୁହେଁ ଡେଟିଂ ଆରମ୍ଭ କରିଥିଲେ। ଯଦିଓ ସେମାନେ ନିଜ ସମ୍ପର୍କକୁ ଆନୁଷ୍ଠାନିକ ଭାବରେ ନିଶ୍ଚିତ କରିନାହାଁନ୍ତି, ଅନେକ ଥର ପାର୍ଟିରେ ସେମାନଙ୍କୁ ଏକାଠି ଦେଖିବାକୁ ମିଳିଥିଲା। ଏପରି କି ମୌନୀ ସୁରଜ ଏବଂ ତାଙ୍କ ପରିବାର ସହିତ ୨୦୨୧ ନୂତନ ବର୍ଷ ମଧ୍ୟ ପାଳନ କରିଥିଲେ । ପରେ ମାର୍ଚ୍ଚ ମାସରେ, ସେ ତାଙ୍କ ଘନିଷ୍ଠ ବନ୍ଧୁ ମନ୍ଦିରା ବେଦୀଙ୍କ ଘରେ ସୁରଜଙ୍କ ପିତାମାତାଙ୍କୁ ମଧ୍ୟ ଭେଟିଥିଲେ। ସେବେଠାରୁ ସେମାନଙ୍କ ବିବାହ ନେଇ ଆଲୋଚନା ହେଉଥିଲା। ବର୍ତ୍ତମାନ ୨୭ ଜାନୁୟାରୀ ୨୦୨୨ରେ ଉଭୟ ବିବାହ କରିବାକୁ ନେଇ ଖବର ଆସିଛି।
