ତେଲ ଆଭିଭ,୧।୮: ଇସ୍ରାଏଲର ଅନ୍ୟ ଜଣେ ଶତ୍ରୁଙ୍କ ମୃତ୍ୟୁ ନିଶ୍ଚିତ ହୋଇଛି। ସୂଚନାଯୋଗ୍ୟ, ଇସ୍ରାଏଲ କହିଛି ଯେ ଜୁଲାଇ ମାସରେ ହମାସର ବରିଷ୍ଠ ସାମରିକ କମାଣ୍ଡର ମହମ୍ମଦ ଦାଇଫଙ୍କୁ ହତ୍ୟା କରାଯାଇଥିଲା। ଅକ୍ଟୋବର ୭ ରେ ଇସ୍ରାଏଲ ଉପରେ ହୋଇଥିବା ଆକ୍ରମଣର ମାଷ୍ଟରମାଇଣ୍ଡ ମହମ୍ମଦ ଦାଇଫ ଥିଲେ। ଏୟାର ଷ୍ଟ୍ରାଇକରେ ମହମ୍ମଦ ଦାଇଫଙ୍କର ମୃତ୍ୟୁ ଘଟିଛି। ଇସ୍ରାଏଲ ସେନା ଗୁରୁବାର ଏକ ବିବୃତ୍ତି ଜାରି କରି କହିଛି ଯେ ଜୁଲାଇରେ ହୋଇଥିବା ଏୟାର ଷ୍ଟ୍ରାଇକରେ ହମାସ ସାମରିକ କମାଣ୍ଡର ମହମ୍ମଦ ଦାଇଫଙ୍କ ମୃତ୍ୟୁ ଘଟିଛି। ଏହି ଏୟାର ଷ୍ଟ୍ରାଇକ ଗାଜାର ଦକ୍ଷିଣ ଅଞ୍ଚଳ ଖାନ ୟୁନିସରେ କରାଯାଇଥିଲା। ଇସ୍ରାଏଲ ସେନାର ଏହି ବିବୃତ୍ତି ହମାସର ରାଜନୈତିକ ୱିଙ୍ଗର ମୁଖ୍ୟ ଇସମାଇଲ ହାନିୟାଙ୍କ ମୃତ୍ୟୁର ଗୋଟିଏ ଦିନ ପରେ ଆସିଛି। ବୁଧବାର ଇରାନର ରାଜଧାନୀ ତେହେରାନରେ ହାନିୟାଙ୍କୁ ହତ୍ୟା କରାଯାଇଥିଲା।
ଇସ୍ରାଏଲ ସେନା କହିଛି ଯେ କିଛି ଘଣ୍ଟା ପୂର୍ବରୁ ସେମାନେ ଗୁପ୍ତଚର ତଥ୍ୟ ଗ୍ରହଣ କରିଥିଲେ ଯେ ମହମ୍ମଦ ଦାଇଫଙ୍କର ଜୁଲାଇରେ ମୃତ୍ୟୁ ଘଟିଛି। ଇସ୍ରାଏଲ ସେନା ଜୁଲାଇ ୧୩ରେ ଖାନ ୟୁନିସ ଅଞ୍ଚଳରେ ଅବସ୍ଥିତ ଏକ କମ୍ପାଉଣ୍ଡକୁ ଟାର୍ଗେଟ କରି ଏୟାର ଷ୍ଟ୍ରାଇକ କରିଥିଲା। ଏହି ଆକ୍ରମଣରେ ମହମ୍ମଦ ଦାଇଫଙ୍କର ମୃତ୍ୟୁ ହୋଇଥିଲା। ଇସ୍ରାଏଲ ସେନା ସୂଚନା ପାଇଥିଲେ ଯେ ମହମ୍ମଦ ଦାଇଫ ଏହି କମ୍ପାଉଣ୍ଡକୁ ଆସିଥିଲେ। ଦାଇଫଙ୍କୁ ତାଙ୍କ ଆଗମନ ବିଷୟରେ ସୂଚନା ଦିଆଯିବା ମାତ୍ରେ କମ୍ପାଉଣ୍ଡରେ ଏକ ଏୟାର ଷ୍ଟ୍ରାଇକ କରାଯାଇଥିଲା, କିନ୍ତୁ ଆକ୍ରମଣରେ ଦାଇଫଙ୍କ ମୃତ୍ୟୁ ଘଟିଛି କି ନାହିଁ ତାହା ନିଶ୍ଚିତ ହୋଇପାରି ନାହିଁ। ଏବେ ନିଶ୍ଚିତ ହେବା ପରେ ଇସ୍ରାଏଲ ସେନା ଏହାକୁ ଏକ ବଡ଼ ସଫଳତା ବୋଲି କହିଛନ୍ତି। ଇସ୍ରାଏଲର ଜଣେ ମନ୍ତ୍ରୀ କହିଛନ୍ତି ଯେ ହମାସ ସମାପ୍ତ ହେବାକୁ ଯାଉଛି।
