ପୁରୁଷୋତ୍ତମପୁର,୧୯/୫(ଡିଏନଏ): ଗଞ୍ଜାମ ଜିଲା ତଥା ଦକ୍ଷିଣ ଓଡିଶାର ପ୍ରସିଦ୍ଧ ଇଷ୍ଟଦେବୀ ଆଦିଶକ୍ତି ପୀଠ ତଥା ପର୍ଯ୍ୟଟନସ୍ଥଳ ମା ତାରାତାରିଣୀଙ୍କ ମନ୍ଦିର ନବକଳେବର ହୋଇ ନୂତନ ରୁପରେଖରେ ଝଲସି ଉଠିଛି।ଏହା ଭକ୍ତ ମାନଙ୍କୁ ଆକୃଷ୍ଟ କରିବାରେ ଲାଗିଥିବା ବେଳେ ଏହାକୁ ପର୍ଯ୍ଯଟକଙ୍କୁ ଆହୁରି ଅଧିକରୁ ଅଧିକ ଆକୃଷ୍ଟ କରିବା ଲାଗି ମା ତାରାତାରିଣୀଙ୍କ ମନ୍ଦିର ରହିଥିବା ରତ୍ନଗିରି ପାହାଡର ପାଦଦେଶରେ ବୋହିଯାଇଥିବା ପବିତ୍ର ଋଷିକୁଲ୍ୟା ନଦୀ ତଟର ଉନ୍ନତି କରଣ ସହ ଶୋଭା ବର୍ଦ୍ଧନ ଲାଗି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ମାଙ୍କ ଚାଲିଥିବା ନୂତନ ମନ୍ଦିର ପ୍ରତିଷ୍ଠା ଉତ୍ସବର ଦର୍ଶନ ଲାଗି ଆସିଥିବା ବେଳେ ଏଠାରେ ଅନୁଷ୍ଠିତ ହୋଇଥବା ସାଧାରଣ ସଭାରେ ଯୋଗଦେଇ ୨୮ କୋଟି ଟଙ୍କା ବ୍ୟୟ ଅଟକଳରେ କାର୍ଯ୍ୟଲାଗି ଭିଡିଓ କନଫରେନ୍ସ ମାଧ୍ୟମରେ ଶିଳାନ୍ଯାସ କରିଥିଲେ ।
ଏହାକୁ ନେଇ ପ୍ରଶାସନିକ ସ୍ତରରେ ଏକ ମାଷ୍ଟର ପ୍ଲାନ ପ୍ରସୁତ କରାଯାଇଛି । ଏହି ମାଷ୍ଟର ପ୍ଲାନରେ ଋଷିକୁଲ୍ଯା ନଦୀ ତଟ ସମ୍ମୁଖର ଉନ୍ନତି କରଣ , ପାର୍କିଙ୍ଗ ଓ ପ୍ରବେଶ ସ୍ଥଳ , ଉପାନ ଦେବୀ ମନ୍ଦିର ଓ ପ୍ରବେଶ ସ୍ଥଳ ,ପ୍ରବେଶ ପଥର ମୂଖ୍ୟ ଦ୍ଵାର , ବଗିଚାର ପ୍ରବେଶପଥ ଦ୍ବାର, ଉପାନଦେବୀ ମନ୍ଦିର ଓ ଫୁଡ୍ କୋର୍ଟ, ପର୍ଯ୍ଯଟକମାନେ ବସିବା ଲାଗି ସୁନ୍ଦର ବଗିଚା, ଶିଶୁ ମାନଙ୍କ ମନୋରଞ୍ଜନ ଲାଗି ଖେଳଣିୟ ସ୍ଥଳ , ତିନି ଗୋଟି ଭିୟୁ ପଏଣ୍ଟ, ଆଦି ୨୧ ଗୋଟି ବିଭିନ୍ନ ପ୍ରକାର ଉନ୍ନୟନ ମୂଳକ କାର୍ଯ୍ୟମାନ କରିବାର ସ୍ଥିର କରାଯାଇଛି । ଏହି କାର୍ଯ୍ୟ ମାନ ସମ୍ପୂର୍ଣ୍ଣ ରୁପେ ପ୍ରସୁତ ହୋଇଥିବା ମାଷ୍ଟରପ୍ଳାନର ଢାଞ୍ଚାରେ ନିର୍ମାଣ କରାଯିବ। ଏଥିଲାଗି ପ୍ଲାନରେ ୨୯କୋଟି ୭୫ ଲକ୍ଷ ୬୦ହଜାର ଟଙ୍କା ବ୍ୟୟ ଅଟକଳ ସ୍ଥିର କରାଯାଇଛି । ଏହି ମାଷ୍ଟର ପ୍ଲାନକୁ ଓଡିଶା ସରକାରଙ୍କ ପକ୍ଷରୁ ଲୋକାର୍ପିତ କରାଯାଇଛି
