ନୂଆଦିଲ୍ଲୀ,୧୯।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ଛତ୍ରପତି ଶିବାଜୀ ମହାରାଜଙ୍କ ଜୟନ୍ତୀ ଅବସରରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ପ୍ରଧାନମନ୍ତ୍ରୀ ଟୁଇଟ କରି କହିଛନ୍ତି, ମା ଭାରତୀଙ୍କ ଅମର ପୁତ୍ର ଛତ୍ରପତି ଶିବାଜୀ ମହାରାଜଙ୍କୁ ତାଙ୍କ ଜନ୍ମ ବାର୍ଷିକୀରେ ଶତ ଶତ ପ୍ରଣାମ। ତାଙ୍କର ଅଦମ୍ୟ ସାହସ, ଚମତ୍କାର ବୀରତ୍ୱ ଏବଂ ଅସାଧାରଣ ବୁଦ୍ଧିର ସାଗା ଦେଶବାସୀଙ୍କୁ ଯୁଗ ଯୁଗ ଧରି ପ୍ରେରଣା ଯୋଗାଇବ। ଜୟ ଶିବାଜୀ। ସେହିପରି ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ମଧ୍ୟ ଛତ୍ରପତି ଶିବାଜୀ ମହାରାଜଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସେ କହିଛନ୍ତି, ଜାତୀୟତାର ଏକ ପ୍ରତୀକ ଛତ୍ରପତି ଶିବାଜୀ ମହାରାଜ ତାଙ୍କର ଅନନ୍ୟ ବୁଦ୍ଧି, ଚମତ୍କାର ସାହସ ଏବଂ ଉତ୍କୃଷ୍ଟ ପ୍ରଶାସନିକ ଦକ୍ଷତା ସହିତ ଉତ୍ତମ ଶାସନ ପ୍ରତିଷ୍ଠା କରିଥିଲେ। ତାଙ୍କର ଦୂରଦୃଷ୍ଟି ସହିତ ସେ ଜନ କଲ୍ୟାଣ ନୀତି ଆରମ୍ଭ କରିଥିଲେ।
