ଖରାଦିନେ
ସହଜରେ ମିଳୁଥିବା ଆମ୍ବରୁ ପ୍ରସ୍ତୁତ କରନ୍ତୁ ଫେସପ୍ୟାକ। ଏହି ଫେସପ୍ୟାକକୁ ଖରାଦିନେ ବ୍ୟବହାର କଲେ ତ୍ୱଚାର ଚମକ ବଢ଼ିବା ସହିତ ତ୍ୱଚା ଅଧିକ ସୁନ୍ଦର ଦେଖାଯିବ…
ଘରୋଇ ଉପାୟରେ ଆପଣ ବିଭିନ୍ନ ପ୍ରକାରରେ ମ୍ୟାଙ୍ଗୋ ଫେସ୍ ପ୍ୟାକ ପ୍ରସ୍ତୁତ କରିପାରିବେ। ତେଣୁ ସୁବିଧା ଅନୁସାରେ ଏହି ପ୍ୟାକ ନିଜେ ପ୍ରସ୍ତୁତ କରି ବ୍ୟବହାର କରନ୍ତୁ।
ମ୍ୟାଙ୍ଗୋ ଫେସ୍ ପ୍ୟାକ ପ୍ରସ୍ତୁତି ପାଇଁ ପ୍ରଥମେ ଗୋଟିଏ ପାଚିଲା ଆମ୍ବର ରସ ବାହାର କରି ନିଅନ୍ତୁ। ଆମ୍ବ ରସରେ ୧ ଚାମଚ ମହୁ ମିଶାନ୍ତୁ। ଏହି ପେଷ୍ଟକୁ ଭଲଭାବେ ମିଶାଇ ମୁହଁରେ ଲଗାନ୍ତୁ। ପ୍ରାୟ ୧୫ ମିନିଟ୍ ପର୍ଯ୍ୟନ୍ତ ଲଗାଇ ରଖିବା ପରେ ମୁହଁ ଧୋଇ ଦିଅନ୍ତୁ।
ପାଚିଲା ଆମ୍ବ ରସରେ ମୁଲତାନୀ ମାଟିକୁ ମଧ୍ୟ ବ୍ୟବହାର କରିପାରିବେ। ଆମ୍ବ ରସରେ ମୁଲତାନୀ ମାଟିକୁ ଭଲଭାବେ ମିଶାଇ ମୁହଁରେ ଲଗାନ୍ତୁ। ଏହି ପେଷ୍ଟକୁ ଲଗାଇବାର ୨୦ ମିନିଟ ପରେ ମୁହଁ ଧୋଇ ଦିଅନ୍ତୁ। ଏପରି କରିବା ଫଳରେ ମୁହଁରେ ବ୍ରଣ ସମସ୍ୟା ଦୂର ହେବା ସହିତ ଦାଗ ମଧ୍ୟ ଦୂର ହୋଇଥାଏ ଓ ତ୍ୱଚାର ଚମକ ବୃଦ୍ଧି ପାଇଥାଏ।
ଗୋଲାପ ଜଳ ସହିତ ପାଚିଲା ଆମ୍ବ ରସ ମିଶାଇ ଲଗାଇଲେ ତାହା ଏକ ସୁନ୍ଦର ଘରୋଇ ଫେସପ୍ୟାକ ଭଳି କାମ ଦେବ। ଏହି ପ୍ୟାକକୁ ଲଗାଇବାର ପ୍ରାୟ ଅଧଘଣ୍ଟା ପରେ ମୁହଁ ଧୋଇ ଦିଅନ୍ତୁ। ତ୍ୱଚା ବହୁତ ସୁନ୍ଦର ଦେଖାଯିବା ସହିତ କୋମଳ ହୋଇଯିବ।
