ବିଶ୍ୱର ପ୍ରାୟ ପ୍ରତ୍ୟେକ ଦେଶରେ ଫୁଟବଲ ଉତ୍ସାହୀଙ୍କୁ ଦେଖିଥିବେ। ଏପରିକି ଭାରତରେ ମଧ୍ୟ ଫୁଟବଲର ଭୂତ ଲୋକଙ୍କ ମୁଣ୍ଡରେ ରହିଥାଏ। ମେସି-ରୋନାଲଡୋଙ୍କ ପରି କିମ୍ବଦନ୍ତୀ ଖେଳାଳିଙ୍କୁ ଦେଖି ଦେଶର ପ୍ରତ୍ୟେକ ପିଲା ଫୁଟବଲର୍ ହେବାକୁ ଚାହିଁଥାନ୍ତି। କିନ୍ତୁ କେବଳ ଯୁବକମାନେ ଫୁଟବଲ ବିଷୟରେ ଯେ ପାଗଳ, ତାହା ନୁହେଁ; ବୃଦ୍ଧମାନେ ମଧ୍ୟ ଏହା ପାଇଁ କ୍ରେଜ କରନ୍ତି। ଆଜିକାଲି ଏପରି ଜଣେ ବୃଦ୍ଧିଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହା ଦେଖିଲେ ଆଶ୍ଚର୍ଯ୍ୟ ହେବେ।
ପ୍ରଦୀପ ନାମକ ଜଣେ ବ୍ୟକ୍ତି ସୋସିଆଲ ମିଡିଆରେ ବେଶ୍ ପ୍ରସିଦ୍ଧ। ସେ ଜଣେ ଫ୍ରିଷ୍ଟାଇଲ ଫୁଟବଲ ଭିଡିଓ ପ୍ଲେୟାର। ଯିଏକି ଫୁଟବଲ ସହିତ ଜଡ଼ିତ ସମସ୍ତ କାର୍ଯ୍ୟକଳାପକୁ ଶେୟାର କରିଥାନ୍ତି। ନିକଟରେ ପ୍ରଦୀପ ନିଜ ଇନ୍ଷ୍ଟାଗ୍ରାମରେ ଜଣେ ବ୍ୟକ୍ତି (୬୪ ବର୍ଷୀୟ ବ୍ୟକ୍ତି ଫୁଟବଲ ଖେଳୁଥିବା)ର ଏକ ଭିଡିଓ ଶେୟାର କରିଛନ୍ତି।
ଯେଉଁଥିରେ ଜଣେ ବୃଦ୍ଧ ଲୁଙ୍ଗି ପିନ୍ଧିଥିବାର ନଜର ଆସିଛନ୍ତି। ପ୍ରଥମେ ପ୍ରଦୀପ ତାଙ୍କର ଦକ୍ଷତା ପ୍ରଦର୍ଶନ କରନ୍ତି ଯାହା ପ୍ରକୃତରେ ପ୍ରଶଂସନୀୟ, କିନ୍ତୁ ବୃଦ୍ଧ ବ୍ୟକ୍ତି ନିଜର ଦକ୍ଷତା ଦେଖାଇବା ଆରମ୍ଭ କରିବା ମାତ୍ରେ ପ୍ରଦୀପଙ୍କ ଆଖି ଲାଖିଯାଏ। ସେ ଫ୍ରିଷ୍ଟାଇଲ ଫୁଟବଲର ଯାଦୁକର ବୋଲି ପ୍ରମାଣ କରୁଥିବା ଦେଖାଯାଏ। ପ୍ରଦୀପ କ୍ୟାପ୍ଶନରେ ଲେଖିଛନ୍ତି, ତାଙ୍କ ସହ ଉପସ୍ଥିତ ଥିବା ବ୍ୟକ୍ତି ୬୪ ବର୍ଷ ବୟସରେ ଏକ ଟ୍ରକ୍ ଚଳାନ୍ତି କିନ୍ତୁ ସେ ଫୁଟବଲକୁ ବହୁତ ଭଲ ପାଆନ୍ତି। ସେଥିପାଇଁ ସେ ତାଙ୍କ ଟ୍ରକ୍ରେ ଏକ ଫୁଟବଲ କିଟ୍ ନେଇଥାନ୍ତ। ସେ ଓ୍ବାୟାନାଡ୍ ଫୁଟବଲ ଦଳର ସଦସ୍ୟ ମଧ୍ୟ ଥିଲେ। ଏହି ବୟସରେ ମଧ୍ୟ ସେ ଫୁଟବଲ ଖେଳିବାକୁ ଭଲ ପାଆନ୍ତି।
ଭିଡିଓଟି ଇନ୍ଷ୍ଟାଗ୍ରାମରେ ଭାଇରାଲ ହେଉଛି। ଏହାକୁ ୪୬ ଲକ୍ଷରୁ ଅଧିକ ଲୋକ ଦେଖିସାରିଲେଣି। ୫ ଲକ୍ଷରୁ ଅଧିକ ଲୋକ ଏହି ଭିଡିଓକୁ ଲାଇକ୍ କରିଛନ୍ତି। ଜଣେ ୟୁଜର କହିଛନ୍ତି, ଏହି ବ୍ୟକ୍ତି କିମ୍ବଦନ୍ତୀଠାରୁ କମ୍ ନୁହନ୍ତି। ସେହିପରି ଆଉ ଜଣେ ୟୁଜର କହିଛନ୍ତି, ଏହି ବ୍ୟକ୍ତି ତାଙ୍କ ପାଇଁ ପ୍ରେରଣାଠାରୁ କମ୍ ନୁହନ୍ତି। ଅନେକ ୟୁଜର ଜେଜେଙ୍କ ଏପରି ପ୍ରତିଭାକୁ ପ୍ରଶଂସା କରିଛନ୍ତି।
