କୋଲକାତା,୨୯।୩: ପଶ୍ଚିମବଙ୍ଗ ପ୍ରତି କେନ୍ଦ୍ରର ଭେଦଭାବପୂର୍ଣ୍ଣ ମନୋଭାବକୁ ବିରୋଧ କରି ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାରରୁ କୋଲକାତାରେ ଦୁଇ ଦିନିଆ ବିକ୍ଷୋଭ ପ୍ରଦର୍ଶନ ଆରମ୍ଭ କରିଛନ୍ତି। ୨୦୨୪ରେ ଲୋକ ସଭା ନିର୍ବାଚନ ସାଧାରଣ ଜନତା ଏବଂ ଭାଜପା ମଧ୍ୟରେ ହେବ। ଭାଜପାକୁ ଗାଦିଚ୍ୟୁତ କରି ଦେଶର ଗଣତନ୍ତ୍ରକୁ ବଞ୍ଚାଇବା ପାଇଁ ଦେଶର ସମସ୍ତ ନାଗରିକ ଆଗେଇ ଆସନ୍ତୁ। ଏହାସହ ଭାଜପା ସରକାରକୁ ହଟାଇବା ପାଇଁ ସମସ୍ତ ଦଳ ଏକଜୁଟ ହେବା ଉଚିତ ବୋଲି ମମତା କହିଛନ୍ତି।
ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଯୁକ୍ତି ଗ୍ୟାରେଣ୍ଟି ଆକ୍ଟ (ମନରେଗା) ଏବଂ ଗୃହ ଓ ସଡ଼କ ବିଭାଗର ଅନ୍ୟାନ୍ୟ ଯୋଜନା ଅନୁଯାୟୀ କେନ୍ଦ୍ର ରାଜ୍ୟକୁ ଅର୍ଥ ପ୍ରଦାନ ନ କରିବା ଅଭିଯୋଗରେ ମମତା ବାନାକର୍ଜୀ କୋଲକାତାରେ ବି.ଆର ଆମ୍ବେଦକରଙ୍କ ପ୍ରତିମୂର୍ତ୍ତି ସାମ୍ନାରେ ବିରୋଧ ପ୍ରଦର୍ଶନ କରିଛନ୍ତି। ବିରୋଧ ପ୍ରଦର୍ଶନବେଳେ ମମତା ଏକ ନିଆରା ଉପାୟ ଆପଣାଇଛନ୍ତି। ତୃଣମୂଳ କଂଗ୍ରେସ ଦ୍ୱାରା ପ୍ରସ୍ତୁତ ମଞ୍ଚରେ ଏକ ପ୍ରତୀକାତ୍ମକ ୱାଶିଂ ମେଶିନ ସ୍ଥାପନ କରାଯାଇଥିଲା। ଏହାକୁ ‘ଭାଜପା ୱାଶିଂ ମେଶିନର ଯାଦୁ’ କୁହାଯାଉଥିଲା।
ମୁଖ୍ୟମନ୍ତ୍ରୀ ମମତା ବାନାର୍ଜୀ ଏଥିରେ କଳା ପୋଷାକ ରଖି ଧଳା ପୋଷାକ ବାହାର କରିଥିଲେ। ଭାଜପା ଶାସନ ଅଧୀନରେ ବିରୋଧୀ ଦଳକୁ କେନ୍ଦ୍ରୀୟ ଏଜେନ୍ସି ମାଧ୍ୟମରେ କରାଯାଉଛି।କିନ୍ତୁ ବିରୋଧୀଦଳର ନେତା ଭାଜପାରେ ଯୋଗଦେବା ମାତ୍ରେ ସେମାନେ ନିର୍ଦ୍ଦୋଷ ହୋଇଯାଉଛନ୍ତି।
