ପାଟନା, ୧।୯: ବିହାରର ରାଜଧାନୀ ପାଟନାରୁ ଏକ ବଡ଼ ଖବର ସାମ୍ନାକୁ ଆସିଛି। ମଙ୍ଗଳବାର ବିଏମ୍ପି କ୍ୟାମ୍ପରେ ଜଣେ ମହିଳା ଓ ପୁରୁଷ କନ୍ଷ୍ଟେବଳ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି। ଆତ୍ମହତ୍ୟା କରିଥିବା ମହିଳା ଓ ପୁରୁଷ କନ୍ଷ୍ଟେବଳଙ୍କ ନାମ ଯଥାକ୍ରମେ ବର୍ଷା ଓ ଅମର ବୋଲି ଜଣାପଡ଼ିଛି। ସକାଳେ ଏହି ଦୁଇଜଣ ନିଜକୁ ଗୁଳି କରି ଆତ୍ମହତ୍ୟା କରିଥିବା କୁହାଯାଉଛି। ଉଭୟ କନ୍ଷ୍ଟେବଳ ଦାର୍ଜିଲିଂର ବାସିନ୍ଦା। ଏହି ଘଟଣା ସମ୍ପର୍କରେ ସେମାନଙ୍କ ପରିବାର ଲୋକଙ୍କୁ ସୂଚନା ଦିଆଯାଇଛି।
ମୁତାବକ ପ୍ରଥମେ ଅମର ବର୍ଷାଙ୍କୁ ଗୁଳି କରି ହତ୍ୟା କରିବା ପରେ ନିଜେ ଆତ୍ମହତ୍ୟା କରିଥିଲେ। ପ୍ରେମ ବ୍ୟାପାରକୁ ନେଇ ଉଭୟ ଏହି ଘଟଣା ଘଟିଥିବା କୁହାଯାଉଛି। କିନ୍ତୁ ପୋଲିସ ପକ୍ଷରୁ ଏନେଇ କିଛି ସ୍ପଷ୍ଟ କରାଯାଇନାହିଁ। ଘଟଣାସ୍ଥଳରେ ବରିଷ୍ଠ ପୋଲିସ ଅଧିକାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଶବକୁ ପୋଷ୍ଟମର୍ଟମ ପାଇଁ ପଠାଯାଇଛି। ତେବେ ଗୋଟିଏ ରାଇଫଲ୍ରୁ ଗୁଳି ମରାଯାଇଥିବା ସ୍ପଷ୍ଟ ହୋଇଛି। ତେବେ ଏଠାରେ କିଏ କାହାକୁ ଗୁଳି କରିଛି ତାହାର ତଦନ୍ତ ଚାଲିଛି। ଉଭୟଙ୍କ ମୋବାଇଲ ଫରେନ୍ସିକ ଲ୍ୟାବ୍କୁ ପଠାଯାଇଥିବାବେଳେ ତଦନ୍ତ ପରେ ସବୁ ଘଟଣା ସ୍ପଷ୍ଟ ହେବ ବୋଲି ପୋଲିସ ପକ୍ଷରୁ କୁହାଯାଇଛି।
