ବମ୍ବେ: ଦୀର୍ଘ ପାଞ୍ଚ ବର୍ଷ ଧରି ପରସ୍ପରକୁ ଡେଟ୍ କରିବା ପରେ ବ୍ରେକ୍ଅପ୍ କରିଛନ୍ତି ବଲିଉଡର ଅନ୍ୟତମ ଚର୍ଚ୍ଚିତ ଯୋଡ଼ି ମଲାଇକା ଅରୋରା ଏବଂ ଅର୍ଜୁନ କପୁର। ପରସ୍ପରପ୍ରତି ସମ୍ମାନ, ବିନା ଦ୍ୱେଶ, କ୍ରୋଧରେ ଦୁହେଁ ଅଲଗା ହୋଇଛନ୍ତି। ଏବେ ସେମାନେ ନିଜ ନିଜ ଜୀବନ ଉପରେ ଧ୍ୟାନ ଦେବେ ବୋଲି ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି।
୨୦୧୮ରୁ ଅର୍ଜୁନଙ୍କୁ ଡେଟ୍ କରି ଆସୁଥିଲେ ମଲାଇକା। ସେତେବେଳେ ଏକାଠି ଅନେକ ପାର୍ଟିରେ ନଜର ଆସୁଥିଲେ ହେଁ ସମ୍ପର୍କକୁ ନେଇ କେହି ମୁହଁ ଖୋଲୁ ନ ଥିଲେ। ପରେ ୨୦୧୯ରେ ଅର୍ଜୁନଙ୍କ ଜନ୍ମଦିନରେ ମଲାଇକା ଉଭୟଙ୍କ ଫଟୋ ଶେୟାର କରି ସମ୍ପର୍କକୁ ନେଇ ଘୋଷଣା କରିଥିଲେ। ସେବେଠାରୁ ସୋସିଆଲ ମିଡିଆରେ ଛୁଟିରେ ବିତାଇଥିବା ମୂହୁର୍ତ୍ତର ଫଟୋ ସେମାନେ ଶେୟାର କରିଆସୁଥିଲେ।
ପୂର୍ବରୁ ଅଭିନେତା-ପ୍ରଯୋଜକ ଅରବାଜ୍ ଖାନଙ୍କୁ ବିବାହ କରିଥିଲେ ମଲାଇକା। ୨୦୧୭ରେ ଦୁହେଁ ପରସ୍ପରକୁ ଛାଡ଼ପତ୍ର ଦେଇଥିଲେ। ସେମାନଙ୍କର ଏକ ପୁଅ ଅରବାଜ ରହିଛି। ନିକଟରେ ଅରବାଜ ମେକଅପ୍ ଆର୍ଟିଷ୍ଟ ସୁରା ଖାନଙ୍କୁ ବିବାହ କରିଛନ୍ତି।
