ମୁମ୍ବାଇ: ବି ଆର୍ ଚୋପ୍ରାଙ୍କ ମହାଭାରତର ଭୀମ ଚରିତ୍ରରେ ଅଭିନୟ କରୁଥିବା କଳାକାର ପ୍ରବିଣ କୁମାର ସୋବତିଙ୍କର ପରଲୋକ ହୋଇଛି । ସୋମବାର ୭୪ ବର୍ଷ ବୟସରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ବେଶ କିଛିଦିନ ହେବ ସେ ଅସୁସ୍ଥ ରହିବା ସହ ଆର୍ଥିକ ସମସ୍ୟା ଦେଇ ଗତି କରୁଥିଲେ । କେବଳ ଅଭିନୟ ନୁହେଁ ଖେଳ ଜଗତରେ ବି ସେ ଭଲ ପ୍ରଦର୍ଶନ କରିଛନ୍ତି । ପଞ୍ଜାବରେ ଜନ୍ମିତ ପ୍ରବିଣ କୁମାର ବଲିଉଡର କିଛି ମୁଭିରେ ବି ଅଭିନୟ କରିଛନ୍ତି । ଖେଳ ହେଉ ଅବା ଅଭିନୟ ସବୁଥିରେ ସେ ୧୦୦ ପ୍ରତିଶତ ଦେବାକୁ ଚେଷ୍ଟା କରିଥାଆନ୍ତି । ସେଥିପାଇଁ ମନୋରଞ୍ଜନ ଦୁନିଆରେ ରହିଛି ତାଙ୍କର ଏକ ଭିନ୍ନ ପରିଚୟ । ଅଭିନୟ ପୂର୍ବରୁ ପ୍ରବିଣ କୁମାର ଆଥଲେଟ ଥିଲେ । ସେ ଏସିଆନ ଓ କମନୱେଲ୍ଥ ଗେମ୍ସରେ ମେଡାଲ ଜିତି ଦେଶକୁ ଗୌରବ ଆଣି ଦେଇଛନ୍ତି । ଖେଳ ଦୁନିଆରେ ନାଁ କରିବା ପରେ ତାଙ୍କୁ ବିଏସଏଫରେ ଯୋଗ ଦେବାର ଅବସର ମିଳିଥିଲା । ହେଲେ ସେ ଅଭିନୟ ଆଡକୁ ମୁହାଁଇ ଆଉ ପଛକୁ ଫେରି ନ ଥିଲେ । ଫିଠିରେ ଯନ୍ତ୍ରଣା କାରଣରୁ ସେ ଖେଳକୁ ଅଲବିଦା କହି ଦେଇଥିଲେ ।
