ନୂଆଦିଲ୍ଲୀ,୨୯।୫: ମଧ୍ୟପ୍ରଦେଶରେ ବିଧାନସଭା ନିର୍ବାଚନ ସମ୍ପର୍କରେ ଦଳର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କ ଅଧ୍ୟକ୍ଷତାରେ କଂଗ୍ରେସ ମୁଖ୍ୟାଳୟରେ ଏକ ବୈଠକ ଅନୁଷ୍ଠିତ ହୋଇଛି। ଏହି ବୈଠକ ପରେ କଂଗ୍ରେସ ନେତା ରାହୁଲ ଗାନ୍ଧୀ ପ୍ରଥମ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି, ଏକ ଦୀର୍ଘ ଆଲୋଚନା ହୋଇଛି ଏବଂ ଆମେ କର୍ନାଟକର ପୁନରାବୃତ୍ତି କରିବୁ।
ଆମର ଆଭ୍ୟନ୍ତରୀଣ ମୂଲ୍ୟାଙ୍କନ ହେଉଛି ଯେ ଆମେ କର୍ନାଟକରେ ୧୩୬ଟି ସିଟ ପାଇଛୁ। ଆଉ ମଧ୍ୟପ୍ରଦେଶରେ ୧୫୦ଟି ସିଟ ପାଇବାକୁ ଯାଉଛୁ। ରାହୁଲ ଗାନ୍ଧୀ କହିଛନ୍ତି, ସେ କର୍ନାଟକରେ ଯାହା କରିଛନ୍ତି ତାହା ପୁନରାବୃତ୍ତି କରିବେ।
ସୂଚନାଯୋଗ୍ୟ, ଦିଲ୍ଲୀରେ ଅନୁଷ୍ଠିତ ବୈଠକରେ କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖାର୍ଗେ, ମଧ୍ୟପ୍ରଦେଶj ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ ଏବଂ ଅନ୍ୟ ନେତାମାନେ ଉପସ୍ଥିତ ଥିଲେ। ଏଥିସହ ସାଧାରଣ ସମ୍ପାଦକ କେ.ସି ଭେଣୁଗୋପାଲ ଦିଗବିଜୟ ସିଂ ଏବଂ ଅନ୍ୟ ନେତାମାନେ ମଧ୍ୟ ଉପସ୍ଥିତ ଥିଲେ।
