ରିଷିଡ଼ା,୨୬ା୭(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ତା ବ୍ଲକ ପୋରକେଲା ପଞ୍ଚାୟତ କୁନ୍ଦେଇପାଲିସ୍ଥିତ ତେଲନଦୀ ଛତିଘାଟ କୂଳରେ ମା’ ସୁରେଶ୍ୱରୀ ମନଖାଇଙ୍କ ଐତିହାସିକ ଘାଟ ଯାତ୍ରା ଓ ଡଙ୍ଗା ପୂଜା ଅନୁଷ୍ଠିତ ହୋଇଯାଇଛି। ଆଞ୍ଚଳିକ କୈବର୍ତ୍ତ ସଂଘ ସଭାପତି ହୁଦାନନ୍ଦ ମଲ୍ଲିକ, ମୁଖ୍ୟ ପୁରୋଧା ଦାମୋଦର ନାଏକ, ବ୍ଲକ ସଂଯୋଜକ ସୁଶାନ୍ତ ମଲ୍ଲିକ ଯାତ୍ରା ପରିଚାଳକ ପୂଜକ ଭଗବାନ ନାଏକ, ସୁରେନ୍ଦ୍ର ନାଏକଙ୍କ ନେତୃତ୍ୱରେ କାର୍ଯ୍ୟକ୍ରମ ହୋଇଥିଲା। ଏଥିରେ ବାରଦେହେରିଆ ଭାବରେ ଭମର ନାଏକ, ଗଣ୍ତାରାମ ନାଏକ, ଗୁଣନିଧି ନାଏକ,ରହିତ ନାଏକ, ବୀରମଣି ନାଏକ, ଲିଙ୍ଗରାଜ ନାଏକ, ଖିରସିନ୍ଧୁ ନାଏକ, ଟିକେଶ୍ବର ନାଏକ କୁଜବନ ସାଣ୍ତ, ନିଳକଣ୍ଠ କୁମୁରା, ଚିନ୍ତା ପରାପୁଏ, ପ୍ରେମ ରଞ୍ଜନ ଗହିର, ଥବିର ନାଏକ, ପ୍ରମୁଖ ସହଯୋଗ କରିଥିଲେ। ଯାତ୍ରାରେ ମା’ଙ୍କୁ ଦର୍ଶନ କରିବା ପାଇଁ ବହୁ ଭକ୍ତଙ୍କ ସମାଗମ ହୋଇଥିଲା। ମାନସିକ ପୂରଣ ହୋଇଥିବା କେତେକ ଭକ୍ତ କୁକୁଡ଼ା ଓ ବୋଦା ବଳି ଦେଇଥିଲେ।
