ନୂଆଦିଲ୍ଲୀ, ୧୬।୮: ଭାରତୀୟ କ୍ରିକେଟ୍ର ସବୁଠାରୁ ସଫଳ ଅଧିନାୟକ ବିବେଚିତ ହୋଇଥିବା ମହେନ୍ଦ୍ର ସିଂ ଧୋନୀ ଶନିବାର ଅନ୍ତର୍ଜାତୀୟ କ୍ରିକେଟ୍ରୁ ସନ୍ନ୍ୟାସ ଗ୍ରହଣ କରିଛନ୍ତି। ଧୋନୀ ଅବସର ନେବା ସହିତ ଭାରତୀୟ କ୍ରିକେଟ୍ର ଏହି ସର୍ବୋତ୍ତମ ଯୁଗର ଅବସାନ ଘଟିଛି। ଧୋନୀ ତାଙ୍କ କ୍ୟାରିୟର ଆରମ୍ଭରେ ଜଣେ ବିସ୍ଫୋରକ ବ୍ୟାଟ୍ସମ୍ୟାନ ଭାବେ ବେଶ୍ ଖ୍ୟାତି ଅର୍ଜନ କରିଥିଲେ। ଏହାପରେ ଜଣେ ସଫଳ ଫିନିଶର୍ ଏବଂ ପରେ ଏହି ଝାଡ଼ଖଣ୍ଡ ଷ୍ଟାର୍ ବିଶ୍ୱର ସର୍ବଶ୍ରେଷ୍ଠ ଅଧିନାୟକ ଭାବେ ପରିଚୟ ସୃଷ୍ଟି କରିପାରିଥିଲେ। ଅଧିନାୟକ ଭାବେ ଧୋନୀ ଅନେକ ସଫଳତା ହାସଲ କରିଛନ୍ତି। ବିଶ୍ୱର ଏକମାତ୍ର ଅଧିନାୟକ ଭାବେ ସେ ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି)ର ୩ଟି ଯାକ ଟ୍ରଫି ଜିତିଛନ୍ତି।
ଭାବେ ଧୋନୀ ପ୍ରଥମ ଆଇସିସି ଟ୍ରଫି ୨୦୦୭ ଟି୨୦ ବିଶ୍ୱକପ୍ ଜିତି ହାସଲ କରିଥିଲେ। ଟି୨୦ ବିଶ୍ୱକପ୍ର ଏହି ପ୍ରଥମ ସଂସ୍କରଣରେ ଧୋନୀଙ୍କୁ ନେତୃତ୍ୱ ନେବାର ସୁଯୋଗ ମିଳିଥିଲା। ଯୁବ ଖେଳାଳିଙ୍କୁ ନେଇ ଧୋନୀ ଫାଇନାଲରେ ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ୫ ରନରେ ପରାସ୍ତ କରି କ୍ୟାରିୟରର ପ୍ରଥମଥର ଲାଗି ବିଶ୍ୱକପ୍ ଟ୍ରଫି ହାତେଇଥିଲେ।
ଥର ଲାଗି ଧୋନୀ ଆଇସିସି ଟ୍ରଫି ୨୦୧୧ରେ ଜିତିଥିଲେ। ସେହିବର୍ଷ ଅନୁଷ୍ଠିତ ଆଇସିସି ଦିନିକିଆ ବିଶ୍ୱକପ୍ରେ ଧୋନୀଙ୍କ ନେତୃତ୍ୱରେ ଭାରତ ଚାମ୍ପିୟନ ହୋଇଥିଲା। ଏପ୍ରିଲ ୨ରେ ମୁମ୍ବାଇର ଓ୍ବାଙ୍ଖlଡେ ଷ୍ଟାଡିୟମରେ ଖେଳାଯାଇଥିବା ଫାଇନାଲ ମ୍ୟାଚ୍ରେ ଭାରତ ୬ ଉଇକେଟ୍ରେ ଶ୍ରୀଲଙ୍କାକୁ ହରାଇ ୨ୟଥର ଲାଗି ଦିନିକିଆ ବିଶ୍ୱକପ୍ ଜିତିଥିଲା। ଫାଇନାଲରେ ଧୋନୀ ୯୧ ରନର ଅପରାଜିତ ଇନିଂସ ଖେଳି ଦଳକୁ ଜିତାଇବାରେ ପ୍ରମୁଖ ଭୂମିକା ଗ୍ରହଣ କରିଥିଲେ।
ଅନୁଷ୍ଠିତ ଆଇସିସି ଚାମ୍ପିୟନ୍ସ ଟ୍ରଫି ମଧ୍ୟ ଭାରତ ଧୋନୀଙ୍କ ନେତୃତ୍ୱରେ ଜିତିଥିଲା। ଏଜ୍ବାଷ୍ଟନରେ ଖେଳାଯାଇଥିବା ଫାଇନାଲ ମ୍ୟାଚ୍ରେ ଭାରତୀୟ ଦଳ ୫ ରନରେ ଘରୋଇ ଇଂଲଣ୍ଡକୁ ପରାସ୍ତ କରି ୨ୟ ଥର ଲାଗି ଏହି ସମ୍ମାନଜନକ ଟ୍ରଫି ହାସଲ କରିଥିଲା। ପୂର୍ବରୁ ୨୦୦୨ରେ ଭାରତ ଓ ଶ୍ରୀଲଙ୍କା ଯୁଗ୍ମଭାବେ ଆଇସିସି ଚାମ୍ପିୟନ୍ସ ଟ୍ରଫି ବିଜେତା ହୋଇଥିଲେ।
