ମୁମ୍ବାଇ,୩୧।୩: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)ର ଗୁରୁବାର ସପ୍ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସକୁ ୬ ଉଇକେଟରେ ପରାସ୍ତ କରିଛି ଲକ୍ଷ୍ନୌ ସୁପର ଜିଆଣ୍ଟ୍ସ। ଫଳରେ ଚଳିତ ଆଇପିଏଲ୍ ସିଜନରେ ଲକ୍ଷ୍ନୌ ତାର ବିଜୟ ଅଭିଯାନ ଆରମ୍ଭ କରିଛି।
ଟସ୍ ଜିତି ବୋଲିଂ ନିଷ୍ପତ୍ତି ନେଇଥିବା ଲକ୍ଷ୍ନୌ ଆଗରେ ଚେନ୍ନାଇ ସୁପର କିଙ୍ଗ୍ସ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୭ ଉଇକେଟ ହରାଇ ୨୧୦ ରନ୍ କରିଥିଲା। ଫଳରେ ଲକ୍ଷ୍ନୌ ଆଗରେ ବିଜୟ ପାଇ ୨୧୧ ରନ୍ର ଟାଗେର୍ଟ ରଖିଥିଲା ଚେନ୍ନାଇ। ହେଲେ ଲକ୍ଷ୍ନୌ ୧୯.୩ ଓଭରରେ ୪ ଉଇକେଟ ହରାଇ ୨୧୧ ରନ୍ର ବିଜୟ ଲକ୍ଷକୁ ହାସଲ କରି ନେଇଥିଲା।
ଲକ୍ଷ୍ନୌର ଦୁଇ ଓପନର ଅଧିନାୟକ କେ.ଏଲ୍ ରାହୁଲ ଏବଂ କ୍ୱିଣ୍ଟନ ଡି କକ୍ ଦଳକୁ ଭଳ ଷ୍ଟାଟ ଦେଇଥିଲେ। ୧୦.୨ ଓଭରରେ ରାହୁଲ ଏବଂ ଡି କକ୍ ୯୯ ରନ୍ ଜୋଡିଥିଲେ। ହେଲେ ରାହୁଲ ୨୬ ବଲ୍ରେ ୪୦ ରନ୍(୨ ଚଉକା ଏବଂ ୩ ଛକା) କରି ପ୍ରଥମ ଉଇକେଟ ଭାବେ ଡୱାଇନ ପ୍ରିଟୋରିୟସଙ୍କ ବଲ୍ରେ ଆଉଟ ହୋଇଥିଲେ। ମନୀଷ ପାଣ୍ଡେ ବ୍ୟାଟିଂ କରିବାକୁ ଆସି ୫ ରନ୍ କରି ବିଫଳ ହୋଇଥିଲେ। ଡି କକ୍ ଧର୍ଯ୍ୟର ସହ ବ୍ୟାଟିଂ କରି ଦଳକୁ ଆଗକୁ ଦେଇଥିଲେ। ସେ ୪୫ ବଲ୍ରେ ୬୧ ରନ୍ କରି ଦଳର ସ୍ଥିତିକୁ ମଜଭୁତ କରିଥିଲେ। ହେଲେ ଇଭିନ ଲୁଇସ ୨୩ ବଲ୍ରେ ୫୫ ରନ୍ର ବିସ୍ଫୋରକ ଇନିଂସ ସହ ଆୟୁଷ ବାଡୋନଙ୍କ ୯ ବଲ୍ରେ ୧୯ରନ୍ର ଦମ୍ଦାର ପ୍ରଦର୍ଶନ କରି ଚେନ୍ନାଇ ହାତରୁ ମ୍ୟାଚ ଛଡାଇ ଆଣିଥିଲେ।
