ନିମ୍ନମାନର କାର୍ଯ୍ୟ, ଅର୍ଥ ହରିଲୁଟ୍‌ ମସୁଧା

ନିମାପଡ଼ା,୧୪।୫(ଡି.ଏନ.ଏ.): ପୁରୀ ଜିଲା ନିମାପଡ଼ା ବ୍ଲକ ଅନ୍ତର୍ଗତ କଳାପାଞ୍ଚଣ ପଞ୍ଚାୟତରେ ବିଭିନ୍ନ ଉନ୍ନୟନମୂଳକ ଓ ନୂତନ ପ୍ରକଳ୍ପ ନିର୍ମାଣ କାର୍ଯ୍ୟରେ ଦୁର୍ନୀତି ହୋଇଥିବା ଅଭିଯୋଗ ହୋଇଛି। ନିର୍ମାଣ କାର୍ଯ୍ୟରେ ଚଞ୍ଚକତା କରାଯାଇ ଅତି ନିମ୍ନମାନର କାର୍ଯ୍ୟ କରି ଲକ୍ଷ ଲକ୍ଷ ଟଙ୍କା ହରିଲୁଟ କରାଯାଇଛି। ଏହି ପଞ୍ଚାୟତରେ ଏମ୍‌ଜିଏନ୍‌ଆର୍‌ଇଜିଏସ୍‌ ଯୋଜନାରେ ପାର୍କ, ଖେଳପଡ଼ିଆ, ଆଦର୍ଶ ପୁଷ୍କରିଣୀ ନିର୍ମାଣ ନିମନ୍ତେ ଲକ୍ଷାଧିକ ଟଙ୍କା ମଞ୍ଜୁର ହୋଇଛି। ହେଲେ ସରକାରୀ ନୀତି ନିୟମ ଓ ଏଷ୍ଟିମେଟକୁ ଉଲ୍ଲଂଘନ କରାଯାଇ ମନମୁଖି ଭାବେ କାର୍ଯ୍ୟ କରାଯାଉଛି। ନୂତନ ପ୍ରକଳ୍ପର କାର୍ଯ୍ୟ ମାତ୍ର ଅଳ୍ପ ପରିମାଣର କରାଯାଇ ଲକ୍ଷାଧିକ ଟଙ୍କାର ବିଲ୍‌ କରି ସରକାରୀ ଅର୍ଥ ହଡ଼ପ ପାଇଁ ମସୁଧା ଚାଲିଛି। ପଞ୍ଚାୟତବାସୀଙ୍କ ସୁବିଧା ନିମନ୍ତେ ପଞ୍ଚାୟତର ମଧ୍ୟସ୍ଥଳରେ ପାର୍କ ନିର୍ମାଣ କରାଯିବାର ନିୟମ ଥିବାବେଳେ ତାହା କରା ନ ଯାଇ ସରପଞ୍ଚଙ୍କ ନିଜ ଗ୍ରାମ ତଥା ଘର ନିକଟରେ କରାଯାଉଛି। ସରକାରୀ ଜାଗା ପରିବର୍ତ୍ତେ ସ୍ଥାନୀୟ ଠାକୁରଙ୍କ ଦେବୋତ୍ତର ବିଭାଗ ଜମି ଓ ପୂର୍ବରୁ ନିର୍ମିତ ଧାନଖଳାରେ ଏହି ପାର୍କ ନିର୍ମାଣ ହେଉଥିବାରୁ ପଞ୍ଚାୟତବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଏଷ୍ଟିମେଷ୍ଟ ଅନୁଯାୟୀ ଖନନ କରା ନ ଯାଇ ମାତ୍ର ନିମ୍ନମାନର ରଡ୍‌, ସିମେଣ୍ଟ ବ୍ୟବହାର କରାଯାଇ ପାର୍କର ପାଚେରି ନିର୍ମାଣ ହେଉଥିବା ଅଭିଯୋଗ ହୋଇଛି। ଫଳରେ କମ୍‌ ଦିନ ମଧ୍ୟରେ ଏହି ପାଚେରି ଭୁଶୁଡ଼ି ପଡ଼ିବାର ଆଶଙ୍କା ଦେଖାଦେଇଛି।
ସେହିପରି ଉକ୍ତ ପଞ୍ଚାୟତର ଷଣ୍ଢପୁର ଗ୍ରାମରେ ୫ଲକ୍ଷ ଟଙ୍କା ବ୍ୟୟ ଅଟକଳରେ ସିଙ୍ଗଡ଼ା ପୋଖରୀକୁ ଆଦର୍ଶ ପୁଷ୍କରିଣୀରେ ପରିଣତ କରାଯିବା ପାଇଁ କାର୍ଯ୍ୟ ଚାଲିଛି। ହେଲେ ପୋଖରୀରୁ ଦଳ ସଫା ନ କରି ହୁଡ଼ାର ଦୁଇ ପାର୍ଶ୍ୱରେ ଅଳ୍ପ କିଛି ମାଟି ପକାଯାଇ ଲକ୍ଷାଧିକ ଟଙ୍କା ବିଲ୍‌ କରି ଅର୍ଥ ହଡ଼ପ ପାଇଁ ମସୁଧା ଚାଲିଛି। ଷଣ୍ଢପୁର ଗ୍ରାମର ମୁଖ୍ୟ ରାସ୍ତାକଡ଼ ଗାଈଗୋଠ ଓ ମନ୍ଦିର ନିକଟରେ ଥିବା ଅତି ସଂକୀର୍ଣ୍ଣ ଜାଗାରେ ଖେଳପଡ଼ିଆ ନିର୍ମାଣ ଚାଲିଛି। ସେହିପରି ପଞ୍ଚାୟତ କାର୍ଯ୍ୟାଳୟର ପାଚେରି ନିର୍ମାଣ ଓ ରଙ୍ଗ କରାଯିବା କାର୍ଯ୍ୟ ନିମ୍ନମାନର ବୋଲି ଜଣାପଡ଼ିଛି। ଏଭଳି ଅନେକ ଉନ୍ନୟନ କାର୍ଯ୍ୟ ନିମ୍ନମାନର କରାଯାଇ ଅର୍ଥ ଆତ୍ମସାତ୍‌ ପାଇଁ ଯୋଜନା ଚାଲିଥିବା ସୁବାସ ଚନ୍ଦ୍ର ଲେଙ୍କା, ସୁଶାନ୍ତ ପାତ୍ର, ଶରତ ଗିଲି, ଅଶୋକ ଲେଙ୍କା, ପ୍ରଦୀପ ବାରିକ, ସାବିତ ଖଁା, ଜଇମୁର ଖଁାଙ୍କ ସମେତ ଶତାଧିକ ଲୋକ ଅଭିଯୋଗ କରିଛନ୍ତି। ଏଥିସହ ପଞ୍ଚାୟତବାସୀ ପଞ୍ଚାୟତିରାଜ ସଚିବ, ୫-ଟି ସଚିବ, ଜିଲାପାଳ, ଜିଲା ପ୍ରକଳ୍ପ ନିର୍ଦ୍ଦେଶକ, ବିଡିଓଙ୍କ ନିକଟକୁ ଦାବିପତ୍ର ପଠାଇବା ସହ ତଦନ୍ତ କରି କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି। ପଞ୍ଚାୟତର କର୍ମୀ ବ୍ଲକ ବିଜେଡି ସଭାପତି ଅଶୋକ ସାହୁଙ୍କ ନିକଟରେ ଅଭିଯୋଗ କରିଛନ୍ତି। ପଦକ୍ଷେପ ନିଆ ନ ଗଲେ ଗଣଆନ୍ଦୋଳନ କରାଯିବ ବୋଲି ସୁବାସ ଲେଙ୍କା, ସୁଶାନ୍ତ ପାତ୍ର, ଶରତ ଗିଲି, ଶିଶିର ସେନାପତି ପ୍ରମୁଖ ଚେତାବନୀ ଦେଇଛନ୍ତି। ଏ ନେଇ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ କହ୍ନେଇ ଚରଣ ପ୍ରଧାନ ଏବଂ ସରପଞ୍ଚ ଅଭିମନ୍ୟୁ ସାହୁ କହିଛନ୍ତି, ନୂତନ ପ୍ରକଳ୍ପଗୁଡ଼ିକର ନିର୍ମାଣ କାର୍ଯ୍ୟ ସରକାରୀ ନିୟମ ଅନୁସାରେ ଓ ଏଷ୍ଟିମେଟ ଅନୁଯାୟୀ କରାଯାଉଛି। କୌଣସି ଅନିୟମିତତା ହୋଇନାହିଁ। ଏ ନେଇ ଯାହା ଅଭିଯୋଗ ହୋଇଛି, ତାହା ସମ୍ପୂର୍ଣ୍ଣ ଭିିତ୍ତିହୀନ। ଉଦ୍ଦେଶ୍ୟମୂଳକ ଭାବେ ଏଭଳି କରାଯାଉଛି। ଅନ୍ୟପକ୍ଷେ ବିଡିଓ ମନୋଜ ବେହେରା ଏବଂ ବ୍ଲକ ସହକାରୀ ନିର୍ବାହୀ ଯନ୍ତ୍ରୀ ମନୋଜ ସେନାପତି କହିଛନ୍ତି, ଅଭିଯୋଗ ମିଳିଛି। ତଦନ୍ତ ପରେ ପଦକ୍ଷେପ ନିଆଯିବ।


Enter your email to get our daily news in your inbox.

All Right Reserved By Dharitri.Com

ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିକୁ ୨୫୦୦୦ ଟଙ୍କା ପ୍ରଦାନ

ଭଣ୍ଡାରିପୋଖରୀ,୨୮।୩(ଡି.ଏନ୍‌.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ବିଜୁ ଯୁବ ଜନତା ଦଳ ପକ୍ଷରୁ ମହାମାରୀ କରୋନା ସଂକ୍ରମଣର ଚିକିତ୍ସା ପାଇଁ ସ୍ଥାନୀୟ ବିଡିଓ ଉମେଶ ଚନ୍ଦ୍ର...

ଆଠମଲ୍ଲିକ ଏନ୍‌ଏସି ଦେଶରେ ଦ୍ୱିତୀୟ

ଅନୁଗୋଳ ଅଫିସ, ୨।୧: ଭାରତ ସରକାରଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟକାରିତାରେ ଅନୁଗୋଳ ଜିଲା ଆଠମଲ୍ଲିକ ଏନ୍‌ଏସି ଦେଶରେ ଦ୍ୱିତୀୟ ସ୍ଥାନ...

ଅଙ୍ଗନଓ୍ବାଡି କର୍ମୀଙ୍କ ସିଡିପିଓ ଅଫିସ ଘେରାଉ

ଲୋଇସିଂହା,୬।୯(ଡି.ଏନ୍‌.ଏ): ବଲାଙ୍ଗୀର ଜିଲା ଆଗଲପୁର ବ୍ଲକ ସିଡିପିଓ ଜ୍ୟୋତିର୍ମୟୀ ନାଏକ ଜନୈକ କର୍ମୀଙ୍କୁ ଦୁର୍ବ୍ୟବହାର କରିବା ପ୍ରତିବାଦରେ ଶୁକ୍ରବାର ଅଙ୍ଗନଓ୍ବାଡି କର୍ମୀ ସଂଘ ପକ୍ଷରୁ ସିଡିପିଓ...

ଅଲ ଇଣ୍ଡିଆ ଓପନ୍‌ ଚେସ୍‌: ଶୀର୍ଷରେ ଗୁସେନ

କଟକ ଅଫିସ,୨୦ା୪- ଟ୍ରିପଲ ସି’ ଚେସ୍‌ କ୍ଲବ ଆନୁକୂଲ୍ୟରେ ଜବାହରଲାଲ ନେହେରୁ ଇନ୍‌ଡୋର ଷ୍ଟାଡିୟମରେ ଚାଲିଥିବା ୪ର୍ଥ ଅଲ ଇଣ୍ଡିଆ ଓପନ ଚେସ୍‌ ଚାମ୍ପିୟନଶିପରେ ଶୁକ୍ରବାର...

ମହାନଦୀ ମଝିପଠାରେ ହାତୀପଲ, ଦେଖିବା ଲାଗି ଜମୁଛି ଲୋକଙ୍କ ଭିଡ଼

ନରାଜ,୧୭ା୯(ଡି.ଏନ.ଏ)- ମୁଣ୍ଡଳି ନିକଟସ୍ଥ ମହାନଦୀ ପଠାରେ ସୋମବାର ବିଳମ୍ବିତ ରାତିରେ ଏକ ହାତୀପଲ ଆସି ଅଟକି ଯାଇଥିବା ଦେଖାଯାଇଛି। ଏହି ହାତୀପଲରେ ୧୧ଗୋଟି ହାତୀ ଥିବାବେଳେ...

ଲାଞ୍ଚ ନେଇ ଧରାପଡ଼ିଲେ ଜିଲା ଶ୍ରମ ଅଧିକାରୀ

ତରବୋଡ଼,୮।୧: ନୂଆପଡ଼ା ଜିଲା ଖରିଆରରୋଡସ୍ଥିତ ଅଫିସରେ ଜଣେ ବ୍ୟକ୍ତିଙ୍କଠାରୁ ଲେବର କାର୍ଡ କରାଇ ଦେବା ପାଇଁ ୪୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଶୁକ୍ରବାର...

ମାସ୍କ ନ ପିନ୍ଧି ୧୪୨ ଜଣ ଗଣିଲେ ଜରିମାନା

ବରଗଡ଼ ଅଫିସ,୬ା୫: ଭୂତାଣୁ ସଂକ୍ରମଣକୁ ପ୍ରତିହତ ପାଇଁ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯାଇଛି । ଏହାକୁ ଉଲ୍ଲଂଘନ କଲେ ଜରିମାନା ନିଆଯାଉଛି। ଏହି କ୍ରମରେ ବରଗଡ଼...

କରଞ୍ଜିଆରେ ବିଜେଡି ଓ ଯଶିପୁରରେ ଭାଜପା ଆଗୁଆ

ବାରିପଦା ଅଫିସ,୨୩ା୫: ଚତୁର୍ଥ ରାଉଣ୍ଡ ଭୋଟ ଗଣତି ପରେ ମୟୂରଭଞ୍ଜ ଜିଲା କରଞ୍ଜିଆ ବିଧାନସଭା ନିର୍ବାଚନମଣ୍ଡଳୀରେ ବିଜେଡି ପ୍ରାର୍ଥୀ ୬୭୨ ଭୋଟରେ ଆଗୁଆ ଅଛନ୍ତି। ବିଜେଡି...

Advertisement


Archives

Model This Week

Why Dharitri