ପୁରୁଷୋତ୍ତମପୁର,୧୨।୮(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଅଞ୍ଚଳରେ ପୁଣି ଲୁଟେରାମାନେ ସକ୍ରିୟ ହୋଇ ମନ୍ଦିରକୁ ଟାର୍ଗେଟ୍ କରିଛନ୍ତି। ଗତ ୨୦୨୪ନଭେମ୍ବର ୬ ତାରିଖରେ ପ୍ରଶିଦ୍ଧ ଶକ୍ତିପୀଠ ମା’ ତାରାତାରିଣୀଙ୍କ ପୀଠରୁ ଲୁଟିନେଇଥିବା ବେଳେ ବର୍ତ୍ତମାନ ଦକ୍ଷୀଣକାଳୀଙ୍କ ପୀଠରୁ ଲୁଟିନେଇଛନ୍ତି । ଏହି ଘଟଣା ଏଠାରେ ଚର୍ଚ୍ଚାର ବିଷୟ ପାଲଟିଛି । ମଙ୍ଗଳବାର ରାତିରେ ଦୁର୍ବୃତ୍ତମାନେ ଜଳେଶ୍ବରଖଣ୍ଡି ଗ୍ରାମରେ ପ୍ରତିଷ୍ଠିତ ମା’ ଦକ୍ଷିଣକାଳୀଙ୍କ ମନ୍ଦିରକୁ ଯାଇ ମୁଖ୍ୟ ଗ୍ରିଲ୍କୁ ଭଙ୍ଗାଭଙ୍ଗି କରିବା ସହ ପାଚେରି ଡେଇଁ ଭିତରେ ପଶି ହୁଣ୍ଡିକୁ ଭାଙ୍ଗି ସେଥିରେ ଥିବା ଭକ୍ତଙ୍କ ଦାନଟଙ୍କାକୁ ଲୁଟିନେବା ସହ ରୋଷଘର ଓ ଭୋଗଘର କବାଟଭାଙ୍ଗି ଜିନିଷପତ୍ର ଫିଙ୍ଗା ଫୋପଡାକରି, କିଛି ଜିନିଷ ପତ୍ରକୁ ନେଇଛନ୍ତି। ଏହାସହ ମନ୍ଦିରର ଓ ଭକ୍ତଙ୍କ ସୁରକ୍ଷା ସକାଶେ ଲଗାଯାଇଥିବା ସିସିଟିଭି କ୍ୟାମେରାକୁ ମଧ୍ୟ ଭାଙ୍ଗିଦେଇଛନ୍ତି । ସକାଳୁ ସେବାୟତମାନେଆସି ଦେଖି ମନ୍ଦିର ଟ୍ରଷ୍ଟି ସୁଦର୍ଶନ ନାୟକଙ୍କୁ ଖବରଦେଇଥିଲେ। ଫଳରେ ସେ ଏହାକୁ ନେଇ ପୁରୁଷୋତ୍ତମପୁର ପୋଲିସକୁ ଜଣାଇଥିଲେ । ପୁରୁଷୋତ୍ତମପୁର ଏସଡିପିଓ ସୁଜିତକୁମାର ନାୟକ ଓ ଆଇଆଇସି କୁଳମଣି ସେଠୀ ଘଟଣାସ୍ଥଳକୁଯାଇ ପାରିପାର୍ଶ୍ୱିିକ ସ୍ଥିତି ଓ ସିସିଟିଭି ଫୁଟେଜକୁ ନେଇ ତଦନ୍ତ ଆରମ୍ଭ କରିଛନ୍ତି ।
Dharitri – Odisha’s No.1 Odia Daily
