ଟୁନିସ୍,୨୪।୭: ଜାତୀୟ ସୁରକ୍ଷାକୁ ଦୃଷ୍ଟିରେ ରଖି ଟୁନିସିଆରେ ଜରୁରିକାଳୀନ ପରିସ୍ଥିତି(ଷ୍ଟେଟ୍ ଅଫ୍ ଏମ୍ରଜେନ୍ସି) ଘୋଷଣା କରାଯିବା ସହିତ ୨୦୨୨ ପର୍ଯ୍ୟନ୍ତ ଲକ୍ଡାଉନ୍ ସମୟ ସୀମାକୁ ବୃଦ୍ଧି କରାଯାଇଛି। ୨୦୨୧ ଜୁଲାଇ ୨୪ରୁ ୨୦୨୨ ଜାନୁୟାରୀ ୧୯ ପର୍ଯ୍ୟନ୍ତ ଦେଶରେ ଲକ୍ଡାଉନ୍ ଜାରି ରହିବ ବୋଲି ରାଷ୍ଟ୍ରପତି କୈସ୍ ସଇଦ୍ ଘୋଷଣା କରିଛନ୍ତି। ୨୦୧୫ ନଭେମ୍ବର ୨୪ରେ ଦେଶରେ ପ୍ରଥମ ଥର ପାଇଁ ଜରୁରିକାଳୀନ ପରିସ୍ଥିତି ଘୋଷଣା କରାଯାଇଥିଲା। ରାଷ୍ଟ୍ରପତିଙ୍କ ସୁରକ୍ଷାକର୍ମୀଙ୍କୁ ନେଇ ଯାଉଥିବା ଏକ ବସ୍ ଉପରେ ଟୁନିସ୍ ଏବଂ ସୌସେସ୍ଠାରେ ଆତଙ୍କବାଦୀ ଆକ୍ରମଣ କରାଯାଇଥିଲା। ଏଥିରେ ୧୨ ଏଜେଣ୍ଟ୍ଙ୍କର ମୃତ୍ୟୁ ଘଟିଥିଲା। ସେବେଠାରୁ ଦେଶରେ ବିଭିନ୍ନ ସମୟରେ ଜରୁରିକାଳୀନ ପରିସ୍ଥିତି ସମୟ ସୀମା ବଢ଼ାଯାଉଛି। ଏହା ଜରୁରିକାଳୀନ ପରିସ୍ଥିତି ଅନ୍ତର୍ଗତ ଜାରି ହୋଇଥିବା ୬ ମାସିଆ ଲକ୍ଡାଉନ୍ରେ ଲୋକଙ୍କ ଭିଡ଼ ଉପରେ ପ୍ରତିବନ୍ଧକ, ମିଡ଼ିଆ ଉପରେ ନିୟନ୍ତ୍ରଣ, କର୍ଫ୍ୟୁ ଜାରି ଆଦି କରାଯିବ ବୋଲି ସରକାରଙ୍କ ପକ୍ଷରୁ ସୂଚନା ପ୍ରଦାନ କରାଯାଇଛି। ଦେଶରେ ଆତଙ୍କବାଦୀ ବିରୋଧରେ ଲଢ଼େଇ ଜାରି ରହିଛି। ଏହା ସହିତ ଦେଶରେ ଅଶାନ୍ତି ସୃଷ୍ଟିକାରୀ ତତ୍ତ୍ୱଙ୍କ ଉପରେ ରୋକ ଲାଗଯିବା ଲଗି ସରକାରଙ୍କ ପକ୍ଷରୁ ଏଭଳି ନିଷ୍ପତ୍ତି ଗ୍ରହଣ କରାଯାଇଛି। ଯେକୌଣସି ସମୟରେ ସୁରକ୍ଷାକର୍ମୀ ସାଧାରଣ ଜନତାଙ୍କର ଆବଶ୍ୟକ ପ୍ରମାଣ ପତ୍ର ଯାଞ୍ଚ୍ କରିପାରିବେ ବୋଲି ସରକାରଙ୍କ ପକ୍ଷରୁ କୁହାଯାଇଛି। ଜାତୀୟ ସୁରକ୍ଷା ଦୃଷ୍ଟିରୁ ଏଭଳି କରାଯାଉଥିବା ସରକାର କହିଛନ୍ତି।
