ପୁରୁଣା ଭୁବନେଶ୍ୱର,୨।୪(ଡି.ଏନ୍.ଏ.): ରବିବାର ଶ୍ରୀଲିଙ୍ଗରରାଜଙ୍କ ବାହୁଡ଼ା ଯାତ୍ରା। ଭଉଣୀ ମା’ ରୁକୁଣା ଦେବୀ ପ୍ରଭୁ ଦୋଳଗୋବିନ୍ଦଙ୍କ ସାଙ୍ଗରେ ଧରି ଶ୍ରୀ ଲିଙ୍ଗରାଜ ରୁକୁଣା ରଥଯାତ୍ରାରେ ମାଉସୀ ଘର ତଥା ରାମେଶ୍ୱର ମନ୍ଦିରରେ ଅବସ୍ଥାନ କରିଥିଲେ। ତେବେ ଶୁକ୍ରବାର ମା’ ପାର୍ବତୀ ଅଭିମାନ କରି ଠାକୁରଙ୍କ ରଥ ଭାଙ୍ଗିଥିବା ବେଳେ ଶନିବାର ସୁଦ୍ଧା ସମସ୍ତ ପାରମ୍ପରିକ ରୀତିନୀତି ସମ୍ପନ୍ନ ହୋଇଯାଇଛି। ତେବେ ଶ୍ରୀ ଲିଙ୍ଗରାଜ ପ୍ରାୟ ୫ଦିନ ପରେ ରାମେଶ୍ୱର ମନ୍ଦିରରୁ ବାହୁଡ଼ା ଯାତ୍ରାରେ ସ୍ବମନ୍ଦିର ପ୍ରତ୍ୟାବର୍ତ୍ତନ କରିବେ। ଏ ନେଇ ରାମେଶ୍ୱରଠାରେ ଶନିବାର ରୁକୁଣା ରଥରେ ଥିବା ସିଂହାସନ ସବୁ ପରିବର୍ତ୍ତନ କରାଯାଇଛି। ଭୋରରୁ ସମସ୍ତ ରୀତିନୀତି ସମାପନ ପରେ ଅପରାହ୍ନ ପ୍ରାୟ ୩ଟା ୩୦ରେ ରଥଟଣା ଯିବ ବୋଲି ମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ଏଥିପାଇଁ ସେବାୟତ ସଂଘ ସହ ପୋଲିସ ପ୍ରଶାସନ ପକ୍ଷରୁ ମଧ୍ୟ ଶାନ୍ତିଶୃଙ୍ଖଳାରେ ନୀତି ସମାପନ କରିବାକୁ ସମସ୍ତ ବ୍ୟବସ୍ଥା କରାଯାଇଛି।
