ଆଚାର୍ଯ୍ୟ ଚାଣକ୍ୟ ଜଣେ କୁଶଳ ରାଜନୀତିଜ୍ଞ ହେବା ସହ କୁଟନୀତିଜ୍ଞ ମଧ୍ୟ ଥିଲେ। ତାଙ୍କର ନୀତି ଆଜି ବି ଲୋକଙ୍କ ମାର୍ଗଦର୍ଶନ କରିଥାଏ। ସେଥିରେ ଗୃହସ୍ଥ ଜୀବନକୁ ନେଇ ଅନେକ ମହତ୍ୱପୂର୍ଣ୍ଣ ବିଷୟରେ ବର୍ଣ୍ଣନା କରାଯାଇଛି। ସମୟରେ ନାରୀଙ୍କ ମଧ୍ୟରେ କେଉଁ ଗୁଣକୁ ଦେଖିବା ଉଚିତ ତାହା ଚାଣକ୍ୟ କହିଛନ୍ତି। ଆସନ୍ତୁ ଜାଣିବା:
ଚାଣକ୍ୟ କୁହନ୍ତି, ବିବାହ ପାଇଁ ନାରୀଙ୍କ ବାହାରର ସୁନ୍ଦରତା ନୁହେଁ ବରଂ ଭିତର ସୁନ୍ଦରତା ଦେଖିବା ଉଚିତ। ଯିଏ ନିଜ ଇଚ୍ଛାରେ ତୁମ ସହ ବିବାହ ପାଇଁ ରାଜି ହୋଇଛନ୍ତି, ସେଭଳି ନାରୀଙ୍କୁ ବିବାହ କରିବା ଉଚିତ। କାରଣ କାହାର ଚାପରେ ଆସି ବିବାହ କଲେ ତାହା ବେଶି ଦିନ ତିଷ୍ଠି ନ ଥାଏ।
ଚାଣକ୍ୟ କୁହନ୍ତି ଯେଉଁ ନାରୀ ଆପଣଙ୍କୁ ବହୁତ ପ୍ରେମ କରିଥାଏ, ଯିଏ ଆପଣଙ୍କ ଚିନ୍ତା କରିଥାଏ, ତାଙ୍କ ହାତ କେବେ ବି ଛାଡ଼ିବା ଉଚିତ ନୁହେଁ। ଯଦିବି କିଛି ବିବାଦ ଉପୁଜେ ତେବେ ମଧ୍ୟ ତାଙ୍କ ସହ ରହିବା ଉଚିତ। କାରଣ ଯିଏ ଆପଣଙ୍କୁ ଭଲପାଏ, ସେ ଆପଣଙ୍କୁ କେବେ ଦୁଃଖରେ ରଖିବ ନାହିଁ। ସେ ଆପଣଙ୍କ ସହ ପରିବାରର ଖୁସି ପ୍ରତି ଯତ୍ନବାନ ମଧ୍ୟ ରହିବ।
ଚାଣକ୍ୟ କୁହନ୍ତି, ସେ ନାରୀ ହେଉ ଅବା ପୁରୁଷ, ଉଭୟଙ୍କୁ ଧର୍ମ-କର୍ମ ପ୍ରତି ଆସ୍ଥା ରହିବା ଜରୁରୀ। ଏଥିପାଇଁ ଯେଉଁ ନାରୀଙ୍କୁ ବିବାହ କରୁଛନ୍ତି, ସେ ସ୍ତ୍ରୀ ଧର୍ମରେ ଆସ୍ଥା ରଖନ୍ତି କି ନାହିଁ ତାହା ଦେଖନ୍ତୁ। ଏହାଛଡ଼ା ସେ ଆପଣଙ୍କ ମଧ୍ୟରେ ନିଜର ପିତାଙ୍କ ଝଲକ ଦେଖୁଛି କି ନାହିଁ ତାହୋ ଜାଣନ୍ତି। କାରଣ ଯାହା ମନରେ ଏଭଳି ଭାବନା ରହିବ ସେ ନିଜ ସହ ଆପଣଙ୍କ ଆଦର ସମ୍ମାନ କରିବ। ସବୁ ପରିସ୍ଥିତିରେ ସେ ସାଙ୍ଗରେ ରହିବ।
