ଦୃଷ୍ଟାନ୍ତମୂଳକ ଦଣ୍ଡ ଦିଆଯାଉ

ଅନୁଗୋଳ ଅଫିସ, ୨୬ା୭:  ଅନୁଗୋଳ ଜିଲାରେ ବଢ଼ୁଛି ବଳାତ୍କାର ଓ ହତ୍ୟା ମାମଲା। ଗତ ୩ ବର୍ଷ ମଧ୍ୟରେ ଶତାଧିକ ବଳାତ୍କାର ଅଭିଯୋଗ ପୋଲିସ ନିକଟକୁ ଆସିଛି। ହେଲେ ଏସବୁ ମାମଲାରେ ସମସ୍ତ ଅଭିଯୁକ୍ତଙ୍କୁ କଠୋର ଦଣ୍ଡ ଏଯାଏ ମିଳିପାରି ନାହିଁ। ଏହାଛଡ଼ା ଏପରି ଅପରାଧ ଓ ଦଣ୍ଡ ସମ୍ପର୍କରେ ପୋଲିସ ପକ୍ଷରୁ ସଚେତନତା ସୃଷ୍ଟି କରାଯାଉ ନାହିଁ। ଲୋକ ସମ୍ପର୍କ ବଢ଼ାଇବା ଦିଗରେ ମଧ୍ୟ ପୋଲିସ ଉଦ୍ୟମ କରୁନାହିଁ। ଫଳରେ ଏପରି ଆପରାଧିକ ମାନସିକତା ଥିବା ବ୍ୟକ୍ତିମାନଙ୍କ ମନରେ ଆଇନ ପ୍ରତି ଭୟ ସୃଷ୍ଟି ହେଉନାହିଁ। ଦୃଷ୍ଟାନ୍ତମୂଳକ ଦଣ୍ଡ ଓ ଏ ନେଇ ବ୍ୟାପକ ପ୍ରଚାର ପ୍ରସାର କରାଗଲେ ଏପରି ଜଘନ୍ୟ ଅପରାଧକୁ ରୋକାଯାଇପାରନ୍ତା ବୋଲି ଅନୁଗୋଳବାସୀ ମତ ଦେଇଛନ୍ତି।
୨୦୧୯ ଜାନୁୟାରୀ ୨୦ ତାରିଖରେ ଅନୁଗୋଳ ଥାନା କାଙ୍ଗୁଲା ଅଞ୍ଚଳରେ ଘଟିଥିଲା ନାବାଳିକା ବଳାତ୍କାର ଓ ହତ୍ୟା ଘଟଣା। ବାପାଙ୍କ ପାଇଁ ଖାଇବା ନେଇ ଯାଉଥିବା ଜଣେ ଅଷ୍ଟମ ଶ୍ରେଣୀର ଛାତ୍ରୀଙ୍କୁ ଏକୁଟିଆ ପାଇ ଅଭିଯୁକ୍ତ ଅନାମ ଦେହୁରୀ ବଳାତ୍କାର ପରେ ହତ୍ୟା କରିଥିଲେ। ଏପରି କି ମୃତଦେହକୁ ମଧ୍ୟ ବଳାତ୍କାର କରିବାକୁ ପଛାଇ ନ ଥିଲେ। ଏହି ଘଟଣା ସେତେବେଳେ ଅନୁଗୋଳ ଜିଲାରେ ଚାଞ୍ଚଲ୍ୟ ଖେଳାଇ ଦେଇଥିଲା। ଘଟଣାର ୪ ଦିନ ପରେ ଅଭିଯୁକ୍ତଙ୍କୁ କୋଲକାତାରୁ ଅନୁଗୋଳ ପୋଲିସ ଗିରଫ କରିଥିଲା। ହେଲେ ଏଯାଏ ଏହି ଘଟଣାର ଦୋଷୀଙ୍କୁ ଦୃଷ୍ଟାନ୍ତମୂଳକ ଦଣ୍ଡ ମିଳିପାରି ନାହିଁ। ସେହିପରି ୨୦୧୯ ଜୁଲାଇ ୨୧ ତାରିଖରେ ଅନୁଗୋଳ ସହରରେ ପରିବାର ସହ ଶୋଇଥିବା ଯାଯାବର ସମ୍ପ୍ରଦାୟର ଜଣେ ୮ ବର୍ଷୀୟା ନାବାଳିକାଙ୍କୁ ଉଠାଇ ନେଇ ଅମଲାପଡ଼ା ଅଞ୍ଚଳର ଶିବୁ ପଟ୍ଟାନୟକ ବଳାତ୍କାର କରିଥିବା ଅଭିଯୋଗ ହୋଇଥିଲା। ମୁମୂର୍ଷୁ ଅବସ୍ଥାରେ ନାବାଳିକାଙ୍କୁ ଉଦ୍ଧାର କରାଯିବା ସହ ଅଭିଯୁକ୍ତଙ୍କୁ ଗିରଫ କରାଯାଇଥିଲା। ହେଲେ ଦୃଷ୍ଟାନ୍ତମୂଳକ ଦଣ୍ଡ ତ ଦୂରର କଥା ଉକ୍ତ ମାମଲାର ବିଚାର ଏଯାଏ ଶେଷ ହୋଇପାରି ନାହିଁ। ଏହି ଦୁଇ ଚର୍ଚ୍ଚିତ ଘଟଣାରେ ଦଣ୍ଡ ବିଧାନକୁ ଜିଲାବାସୀ ଚାହିଁ ବସିଥିବା ବେଳେ ୨୦୨୧ ଜୁଲାଇ ୨୪ ତାରିଖରେ ବଅଁରପାଳ ଥାନା ମହୀଧରପୁର ଫାଣ୍ଡି ଅଞ୍ଚଳରେ ଘଟିଥିବା କଲେଜ ଛାତ୍ରୀଙ୍କ ବଳାତ୍କାର ଓ ହତ୍ୟା ଘଟଣା ଜିଲାବାସୀଙ୍କୁ ବ୍ୟଥିତ କରିଦେଇଛି। ଅଭିଯୁକ୍ତମାନେ ସାବାଳକ ହୁଅନ୍ତୁ ବା ନାବାଳକ, ସେମାନଙ୍କ ବିରୋଧରେ କଠୋରରୁ ଅତି କଠୋର ଦଣ୍ଡବିଧାନ କରାଗଲେ ଆଗାମୀ ଦିନରେ ଏପରି ଅପରାଧ ଘଟାଇବାକୁ ଏହି ବିକୃତ ମାନସିକଧାରୀମାନେ ଅନେକ ଥର ଭାବିବାକୁ ବାଧ୍ୟ ହେବେ ବୋଲି ବୁଦ୍ଧଜୀବୀମାନେ କହିଛନ୍ତି।

ଅଭିଯୋଗ ଆସିଲେ ପୋଲିସ ନଜର ରଖନ୍ତା
ଜିଲାର ବିଭିନ୍ନ ଥାନାକୁ ଆସୁଥିବା ବଳାତ୍କାର ଅଭିଯୋଗର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଯେଉଁ ଘଟଣା ଥାନାକୁ ଆସୁନାହିଁ, ତାହା ସମ୍ପର୍କରେ ପୋଲିସ ଜାଣିବା କଷ୍ଟକର ହୋଇପଡ଼ୁଛି। ପିଙ୍କ୍‌ ପାଟ୍ରୋଲିଂ ପରେ ବିଭିନ୍ନ ଘଟଣା ପୋଲିସ ସାମ୍ନାକୁ ଆସିଛି। ଏପରି ଅଭିଯୋଗ ଆସିଲେ ଦୁଷ୍ଟ ପ୍ରକୃତିର ମାନସିକତା ଥିବା ଲୋକମାନଙ୍କ ଉପରେ ପୋଲିସ ନଜର ରଖିପାରିବ।
-ଜଗମୋହନ ମୀନା, ଅନୁଗୋଳ ଏସ୍‌ପି

ସମାଜ ବିରୋଧୀ ମାନସିକତା
ନିଶା ପାଇଁ ଅନେକ ବ୍ୟକ୍ତି ବିଚାର ଶକ୍ତି ହରାଇ ବସୁଛନ୍ତି। ଇଣ୍ଟରନେଟ୍‌ରେ ଅଶ୍ଳିଳ ଭିଡିଓ ଦେଖୁଥିବା ପିଲା ପଥଭ୍ରଷ୍ଟ ହେଉଛନ୍ତି। କେତେଜଣ ଲୋକ ସମାଜ ବିରୋଧୀ କାର୍ଯ୍ୟ କରିବାକୁ ଭଲ ପାଇଥାନ୍ତି। ସେହିପରି ପରିବାରର ବଡ଼ମାନଙ୍କ ଖରାପ କାର୍ଯ୍ୟ ପିଲାମାନଙ୍କୁ ଏପରି ଅପରାଧୀ କରିଦେଉଛି। ଏଭଳି ମାନସିକଧାରୀଙ୍କ ପାଇଁ କଠୋର ଆଇନ ଲୋଡ଼ା।
-ଡାକ୍ତର ରଶ୍ମିତା ଭଞ୍ଜଦେଓ, ମାନସିକ ରୋଗ ଡାକ୍ତର, ଅନୁଗୋଳ

ଗଳାବାଟ ଦେଇ ଖସି ଯାଉଛନ୍ତି
ଅନେକ ସମୟରେ ଏପରି ଜଘନ୍ୟ ଅପରାଧ କରୁଥିବା ଅଭିଯୁକ୍ତ ଆଇନ୍‌ର ଗଳାବାଟ ଦେଇ ଖସି ଯାଉଛନ୍ତି। ତେଣୁ ଆଇନକୁ ଅତ୍ୟନ୍ତ କଠୋର କରିବାକୁ ପଡ଼ିବ। ବିଚାର ପ୍ରକ୍ରିୟା ଶୀଘ୍ର ଶେଷ କରି ଦଣ୍ଡବିଧାନକୁ ଦୃଢ଼ କରିବାକୁ ହେବ। ସମାଜରେ ଅନୈତିକ କାର୍ଯ୍ୟ ପାଇଁ ଭୟ କମୁଥିବାରୁ ଏଭଳି ଘଟଣା ଅଧିକ ଦେଖାଯାଉଛି। ସମସ୍ତେ ସଜାଗ ରହିଲେ ପରିବର୍ତ୍ତନ ହେବ।
-ଅଧ୍ୟାପିକା ଅଞ୍ଜଳି ତ୍ରିପାଠୀ, ମନସ୍ତତ୍ତ୍ବ ବିଭାଗ, ଅନୁଗୋଳ ମହିଳା କଲେଜ

ମହିଳାମାନେ ଅସୁରକ୍ଷିତ ମଣୁଛନ୍ତି
ଏଭଳି ଘଟଣା ଜିଲାରେ ବଢ଼ୁଥିବାରୁ ନାବାଳିକା, ଯୁବତୀ ଓ ମହିଳାମାନେ ନିଜକୁ ଅସୁରକ୍ଷିତ ମଣୁଛନ୍ତି। ବାହାରକୁ ଯିବାକୁ ଭୟ କରୁଛନ୍ତି। ପୋଲିସର ଲୋକ ସମ୍ପର୍କ ଅଭାବ ଓ ଅପରାଧୀମାନଙ୍କ ଉପରେ ନଜର ରହୁ ନ ଥିବାରୁ ଅପରାଧ ବଢ଼ିଚାଲିଛି। ଏ ନେଇ ପୋଲିସ ଅଧିକ ସଜାଗ ରହିଲେ ମହିଳାମାନେ ସୁରକ୍ଷିତ ରହିପାରିବେ।
-ସୁଶ୍ରୀ ସଙ୍ଗୀତା ମହାନ୍ତି, ଗୃହିଣୀ,ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଉଇହୁଙ୍କା ରୂପେ ପୂଜା ପାଉଛନ୍ତି କୀର୍ତ୍ତନିଆ ଋଷି

ବେଗୁନିଆ, ୮।୪(ଡି.ଏନ୍‌.ଏ.): ପୁରୀ-ଶରଣକୂଳ ନୂଆ ଜଗନ୍ନାଥ ସଡ଼କ ପାଶର୍‌ବରେ ଛଣଗିରି ଓ ହଜ ମଧ୍ୟରେ କଳକଳ ନାଦ କରି ବହିଯାଉଛି ମଲାଗୁଣି ବା ମନ୍ଦାକିନୀ ନଦୀ।...

ବ୍ୟବସାୟର ଢଙ୍ଗ ବଦଳିଛି, ମିଳୁନି ଆତ୍ମସନ୍ତୋଷ

ଭଦ୍ରକ ଅଫିସ, ୨୩ । ୬-ଠେଲାଗାଡି ବ୍ୟବସାୟୀଙ୍କ ଦାନାପାଣି ଛଡାଇ ନେଇଛି ମହାମାରୀ କରୋନା। ପ୍ରଶାସନିକ ସ୍ତରରେ ସେମାନଙ୍କୁ ଅନୁମତି ମିଳି ନ ଥିବାରୁ ସେମାନେ...

ଉଗ୍ରତାରା ଛକରୁ ଲୁଟ୍‌ ହୋଇଥିବା କୋଟିଏରୁ ଊର୍ଦ୍ଧ୍ୱ ମୂଲ୍ୟର ସିଗାରେଟ୍‌ ଦିଲ୍ଲୀରୁ ଜବତ: ୨ ଗିରଫ

ଖୋର୍ଦ୍ଧା ଅଫିସ, ୪।୧୨: ଖୋର୍ଦ୍ଧା ଜିଲା ଟାଙ୍ଗୀ ଥାନା ଉଗ୍ରତାରା ଛକରୁ ଚୋରି ହୋଇଥିବା ୧ କୋଟି ୨ ଲକ୍ଷ ଟଙ୍କାର ୨୩୮ କାର୍ଟୁନ ସିଗାରେଟ୍‌...

ରାଜ୍ୟରେ ଆଜି ୨୬୯୭ ପଜିଟିଭ୍‌ ଚିହ୍ନଟ, ଖୋର୍ଦ୍ଧାରୁ ସର୍ବାଧିକ

ଭୁବନେଶ୍ୱର,୯ା୧୦(ବ୍ୟୁରୋ): ଶୁକ୍ରବାର ମୋଟ୍‌ ୩୦ ଜିଲାରୁ ୨୬୯୭ ନୂଆ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୨, ୪୬, ୮୩୯ରେ...

ଦୁର୍ନୀତି ବିରୋଧରେ ରାଜ୍ୟ ସରକାରଙ୍କ କଡ଼ା ଆଭିମୁଖ୍ୟ: ୬ ଅଧିକାରୀଙ୍କୁ ଚାକିରିରୁ ବରଖାସ୍ତ, ୨ ଅଧିକାରୀଙ୍କୁ ବାଧ୍ୟତାମୂଳକ ଅବସର

ଭୁବନେଶ୍ୱର,୨୪।୨(ବ୍ୟୁରୋ): ରାଜ୍ୟ ସରକାର ଦୁର୍ନୀତି ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି। ଏ ନେଇ ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୬ ଅଧିକାରୀଙ୍କୁ ଚାକିରିରୁ ବରଖାସ୍ତ...

କୋଟିପତି ପିଏସ୍‌ ଗିରଫ

ଭୁବନେଶ୍ୱର,୩୧।୭(ବ୍ୟୁରୋ): ଓଡ଼ିଶା ଷ୍ଟାଫ ସିଲେକ୍ସନ କମିଶନ(ଓଏସ୍‌ଏସ୍‌ସି) ସଦସ୍ୟଙ୍କ କୋଟିପତି ବ୍ୟକ୍ତିଗତ ସଚିବ ଗିରଫ। ଶନିବାର ପିଏସ୍‌ ବିରଞ୍ଚି ନାରାୟଣ ସାହୁଙ୍କୁ ଗିରଫ କରିଛି ଭିଜିଲାନ୍ସ। ଆୟ...

ଆଜି ମନ୍ତ୍ରୀ ପରିଷଦ, କ୍ୟାବିନେଟ୍‌ ବୈଠକ

ଭୁବନେଶ୍ୱର, ୨୭।୩(ବ୍ୟୁରୋ): ବିଧାନସଭାର ବଜେଟ ଅଧିବେଶନ ଗତ ୨୫ତାରିଖରୁ ଆରମ୍ଭ ହୋଇଥିବା ବେଳେ ଆସନ୍ତା ୩୧ ପର୍ଯ୍ୟନ୍ତ ଚାଲିବ। ଆସନ୍ତା ୩୦ ତାରିଖରେ ରାଜ୍ୟ ସରକାର...

‘ଇମୋଶନାଲ ଟଚ୍‌’ ବଜାୟ ରଖୁ

ରିୟଲ୍‌ ଇଷ୍ଟେଟ୍‌ ହେଉଛି ତାଙ୍କ ପାରିବାରିକ ବ୍ୟବସାୟ। ହେଲେ ଅଳଙ୍କାର କ୍ଷେତ୍ରରେ କିଛି ନୂଆ କରିବା ଲକ୍ଷ୍ୟ ରଖି ବଡ଼ଭାଇ ଓମ୍‌ପ୍ରକାଶ ମିଶ୍ରଙ୍କ ସହଯୋଗରେ ଆରମ୍ଭ...

Advertisement
Archives

Model This Week