Posted inଫୁରସତ

ଲିଜର ଟାଇମ୍‌

ଅଧୁନା ସମସ୍ତେ ନିଜ କାର୍ଯ୍ୟକୁ ନେଇ ନିଜ ନିଜ କ୍ଷେତ୍ରରେ ବେଶ୍‌ ତତ୍ପର। ନିଜ ଲକ୍ଷ୍ୟ ପୂରଣ କରି ଜଣେ ସଫଳ ବ୍ୟକ୍ତିତ୍ୱର ଅଧିକାରୀ ହେବାକୁ ମଧ୍ୟ ସେମାନେ ନିଜ ସଂଗ୍ରାମ ଜାରି ରଖନ୍ତି। ଖାଲି ଯେ ସଫଳ ହେବା ପାଇଁ ସେମାନେ ଦିନ ରାତି ଏକ କରିଦିଅନ୍ତି, ତା’ ନୁହେଁ ବରଂ ସେଥିରୁ ସମୟ ବାହାର କରି ଅନ୍ୟାନ୍ୟ କ୍ଷେତ୍ରରେ ମଧ୍ୟ ନିଜକୁ ନିୟୋଜିତ କରନ୍ତି; ଯାହା ସେମାନଙ୍କୁ ମାନସିକ ଶାନ୍ତି ଦେବା ସହ ସେମାନଙ୍କଠାରେ ସୃଷ୍ଟି କରିଥାଏ ସକାରାତ୍ମକ ଭାବନା…
ଟ୍ୟୁଶନ୍‌ କରିପାରିବେ: କୁହାଯାଏ, ପଢ଼ିଥିବା ପାଠକୁ ଅନ୍ୟକୁ ପଢ଼ାଇଲେ ତାହା ବେଶି ମନେରୁହେ। ତେଣୁ, ଯଦି ଆପଣ ଭଲ ପାଠ ପଢ଼ୁଛନ୍ତି, ତେବେ ସେଥିରୁ ସମୟ ବାହାର କରି ପିଲାଙ୍କୁ ପଢ଼ାଇପାରିବେ। ଏହା ଦ୍ୱାରା ଆପଣ ନିଜ ଜ୍ଞାନର ପରିସରକୁ ବୃଦ୍ଧି କରିବା ସହ ନିଜ କମ୍ୟୁନିକେଶନ ସ୍କିଲ୍‌ ଏବଂ ଭୋକାବୁଲାରିକୁ ମଧ୍ୟ ଷ୍ଟ୍ରଙ୍ଗ୍‌ କରିପାରିବେ। ପଢ଼ାଉଥିବା ବିଷୟରେ ଅଧିକ ଜ୍ଞାନ ମଧ୍ୟ ଆହରଣ କରିପାରିବେ।
ପାର୍ଟ ଟାଇମ୍‌ ଜବ୍‌ରୁ କରିହେବ ରୋଜଗାର: ଯଦି ଆପଣ ଏବେ ଛାତ୍ର ଅଛନ୍ତି କିମ୍ବା କୌଣସି କାର୍ଯ୍ୟରେ ଜଡ଼ିତ, ତେବେ ଆପଣ ଚାହିଁଲେ ବିଭିନ୍ନ କ୍ଷେତ୍ରରେ ଉଭୟ ଅନ୍‌ଲାଇନ୍‌ ଏବଂ ଅଫ୍‌ଲାଇନ୍‌ ପାର୍ଟ ଟାଇମ୍‌ ଜବ୍‌ କରିପାରିବେ। ନିଜ ଫିଲ୍ଡ ବ୍ୟତୀତ ରୁଚି ଥିବା ଯେକୌଣସି ଦିଗ ଯଥା ଡ୍ରାଇଭିଂ, ଟେଲରିଂ ଆଦି କରିପାରିବେ। ଏଥିରୁ ଆପଣ ରୋଜଗାର ବି କରି ନିଜ ପଢ଼ା ଖର୍ଚ୍ଚ ତୁଲାଇ ପାରିବେ। ଲକ୍ଷ୍ୟ ପୂରଣ କରିବା ଦିଗରେ ଚେଷ୍ଟା ଜାରି ରଖିବା ସହ ଅନେକ ନୂଆ ନୂଆ କ୍ଷେତ୍ର ବିଷୟରେ ମଧ୍ୟ ଜାଣିପାରିବେ, ଯାହା ଭବିଷ୍ୟତରେ ବହୁତ ସାହାଯ୍ୟ କରିବ।
ମାନସିକ ଶାନ୍ତି ଦେବ ଗାର୍ଡେନିଂ: ବାସସ୍ଥାନ ଆଉ ବଗିଚା, ଉଭୟେ ପରସ୍ପରର ପରିପୂରକ। ଦିନସାରା କାର୍ଯ୍ୟବ୍ୟସ୍ତତା ମଧ୍ୟରେ ରହି ଯଦି କିଛି ସମୟ ବଗିଚାରେ ବିତାଉଛନ୍ତି, ତେବେ ଏହା ଆପଣଙ୍କୁ ନିଶ୍ଚୟ ରିଲାକ୍ସ ଫିଲ୍‌ କରାଇବ। ବଗିଚାରେ ଥିବା ଗଛଗୁଡ଼ିକର ହାଲୁକା ପବନ ସାଙ୍ଗକୁ ପକ୍ଷୀମାନଙ୍କର କିଚିରିମିଚିରି ଶବ୍ଦ ମନକୁ ଶାନ୍ତି ପ୍ରଦାନ କରିବା ସହ ନିଜ ଲକ୍ଷ୍ୟ ସ୍ଥଳରେ ପହଞ୍ଚତ୍ବା ପାଇଁ ଏହା ସକାରାତ୍ମକ ଭାବନା ସୃଷ୍ଟି କରିବ। ଗାର୍ଡେନିଂ ଏପରି ଏକ କାମ, ଯାହା ଆପଣଙ୍କୁ ଉଭୟ ଶାରୀରିକ ଓ ମାନସିକ ଭାବେ ଦୃଢ଼ କରିବାରେ ସାହାଯ୍ୟ କରିବ।
ଟ୍ରାଏ କରନ୍ତୁ ନୂଆ ରେସିପି: ବର୍ତ୍ତମାନ ହେଉଛି ସୋସିଆଲ ମିଡିଆର ଯୁଗ। ଯେ କୌଣସି ନୂଆ କାର୍ଯ୍ୟ କରିବାକୁ ଚାହିଁଲେ ଆମେ ଏଥିରୁ ସହଜରେ ଶିଖିପାରିବା। ଯଦି ଆପଣଙ୍କୁ ନୂଆ ନୂଆ ଆଇଟମ୍‌ ଖାଇବାକୁ ପସନ୍ଦ ଅବା କୁକିଂ ପ୍ରତି ରୁଚି ରହିଛି, ତେବେ ନିଜ ଦୈନନ୍ଦିନ ଜୀବନରୁ କିଛି ସମୟ ଫାଙ୍କା ପାଇଲେ କିଛି ନୂଆ ରେସିପି ଟ୍ରାଏ କରନ୍ତୁ।
ଘରେ ମା’ଙ୍କଠାରୁ ବି ନୂଆ ନୂଆ ରେସିପି ଶିଖି ରାନ୍ଧି ଅନ୍ୟମାନଙ୍କୁ ଖୁଆଇପାରିବେ। ଏହା ଏକ ପ୍ରକାର ଖୁସି ଦେବା ସହ ନୂଆ ନୂଆ ଜିନିଷ ଜାଣିବା ପାଇଁ ମନରେ ଆଗ୍ରହ ସୃଷ୍ଟି କରିବ।
ଲେଖାଲେଖି ବି କରିପାରିବେ: ଅନେକ ଲୋକ କାର୍ଯ୍ୟବ୍ୟସ୍ତତା ମଧ୍ୟରେ ରହି ନିଜର ଅବସର ସମୟକୁ ଅଯଥାରେ ସାରିଦିଅନ୍ତି। ହେଲେ, ଯଦି ଆପଣଙ୍କର ଲେଖାଲେଖିରେ ରୁଚି ରହିଛି ଏବଂ ସମୟ ଅଭାବରୁ ଏହା କରିପାରୁନାହାନ୍ତି, ତେବେ ଏହି ଲିଜର୍‌ ଟାଇମ୍‌ ଆପଣଙ୍କ ପାଇଁ ବେଷ୍ଟ ସମୟ। ଲେଖିବା ଦ୍ୱାରା ଆପଣଙ୍କ ସୃଜନଶୀଳତା ବୃଦ୍ଧି ହେବ। କେବଳ ଏତିକି ନୁହେଁ, ବିଭିନ୍ନ ବିଷୟରେ ଲେଖାଲେଖି କରି ଖବରକାଗଜ, ମାଗାଜିନ୍‌ ଏବଂ ଓ୍ବେବ୍‌ସାଇଟ୍‌ ଆଦିକୁ ନିଜ ଲେଖା ପଠାଇ ଫ୍ରିଲାନ୍ସ ରାଇଟର୍‌ ଭାବେ କାର୍ଯ୍ୟ କରିପାରିବେ ଏବଂ କିଛି ଅର୍ଥ ରୋଜଗାର ବି କରିପାରିବେ।

ଘର ସଜାଇପାରିବେ: ନିଜ କାର୍ଯ୍ୟ କରିବା ମଧ୍ୟରେ ଯଦି କିଛି ସମୟ ପାଉଛନ୍ତି, ନିଜ ଇଚ୍ଛା ମୁତାବକ ଘରକୁ ସଜାଇପାରିବେ। ଯଦି ଡ୍ରଇଂ କିମ୍ବା କ୍ରାଫ୍ଟ କରିବାରେ ଆପଣଙ୍କର ଆଗ୍ରହ ଥାଏ, ତେବେ ପେପର୍‌ କିିମ୍ବା ଡ୍ରଇଂ ସିଟ୍‌ରେ ବିଭିନ୍ନ ଓ୍ବାଲ୍‌ ହ୍ୟାଙ୍ଗିଙ୍ଗ୍‌ ପ୍ରସ୍ତୁତ କରି କାନ୍ଥରେ ଟାଙ୍ଗିପାରିବେ। ଏହା ଘରକୁ ଆକର୍ଷଣୀୟ ଲୁକ୍‌ ଦେବା ସହ କାମ କରିବା ପାଇଁ ଉତ୍ସାହ ଯୋଗାଇବ।

କ’ଣ କୁହନ୍ତି ଏମାନେ…

ସିତେଶ୍‌ କୁମାର ସାହୁ (କଣ୍ଟିଲୋ, ନୟାଗଡ଼)- ଆକ୍ଟିଂରେ କ୍ୟାରିୟର୍‌ ଗଢ଼ିବା ମୋ ଲକ୍ଷ୍ୟ, ହେଲେ ଯେହେତୁ ଏବେ ଛାତ୍ର ଅଛି ସେଥିପାଇଁ ପାଠକୁ ବେଶି ଗୁରୁତ୍ୱ ଦେଉଛି। ତଥାପି ଆକ୍ଟିଂ ଶିଖିବା ପାଇଁ ସମୟ ବାହାର କରୁଛି। ଏହା ସହ ଫାଙ୍କା ସମୟରେ ବାପା ବାହାରେ ରହୁଥିବାରୁ ଘର ପାଇଁ ପରିବା ଆଣିବା, ଇଲେକ୍ଟ୍ରି ବିଲ୍‌ ଦେବା, ସାନ ଭାଇ କଥା ବୁଝିବା ଆଦି ସବୁ ମଧ୍ୟ ବୁଝିଥାଏ। ତେଣୁ ପ୍ରତିଦିନ ଅବସର ସମୟକୁ ପରିବାର ସହ ହିଁ କଟାଏ। ସେମାନେ ବି ମୋତେ ଆକ୍ଟିଂ କରିବା ଦିଗରେ ଉତ୍ସାହିତ କରୁଥିବାରୁ ମୋତେ ଆଗକୁ ବଢ଼ିବାକୁ ଏହା ପ୍ରେରଣା ଦିଏ।
ସ୍ବାଗତିକା ହୋତା (ଦାରିଙ୍ଗବାଡ଼ି, କନ୍ଧମାଳ)- କୋଭିଡ୍‌ ପାଇଁ ଏବେ ଘରେ ରହୁଥିବାରୁ ପାଠକୁ ହିଁ ବେଶି ସମୟ ଦେଉଛି। ଯେହେତୁ ନୂଆ ନୂଆ ରେସିପି କରିବାକୁ ମୋତେ ଭଲ ଲାଗେ, ସେଥିପାଇଁ ପାଠରୁ ସମୟ ମିଳିଲେ ମା’ଙ୍କ ସହ ମିଶି ରୋଷେଇ କରେ ଏବଂ ତାଙ୍କଠାରୁ ନୂଆ ରେସିପି ମଧ୍ୟ ଶିଖେ। ଏଇ ୨ ବର୍ଷ ହେଲା ଘରେ ରହି ଅନେକ ଆଇଟମ୍‌ କରିବା ଶିଖିଗଲିଣି। ଏହା ଛଡ଼ା ଘର ସଜାଇବାରେ ରୁଚି ଥିବାରୁ ମଝିରେ ମଝିରେ ଘର ବି ସଜାଏ। ଘର ପାଖରେ ଛୋଟ ଛୋଟ ପିଲା ୨ଜଣ ଥିବାରୁ ସେମାନଙ୍କ ସହ ଖେଳେ ଆଉ ସେମାନଙ୍କୁ ପାଠ ବି ପଢ଼ାଏ।
ତିତିଲି ପାତ୍ର (ପୁରୀ)- ପଢ଼ାପଢ଼ି ଛଡ଼ା ଅବସର ବିନୋଦନ ପାଇଁ ମୋତେ ଟ୍ରାଭେଲିଂ କରିବାକୁ ଭଲ ଲାଗେ। ନୂଆ ଜାଗାକୁ ଯାଏ ଓ ନୂଆ ଲୋକଙ୍କ ସହ ମିଶି ସେମାନଙ୍କ ବିଷୟରେ ବି ଜାଣେ, ଖାସ୍‌ କରି ସେଠାକାର ଖାଇବା ଶୈଳୀ। ଆଉ ସେସବୁ ବିଷୟରେ ମୁଁ ସୋସିଆଲ ମିଡିଆରେ ଅପଲୋଡ୍‌ କରି ଖୁସି ବି ସାଉଁଟେ। ଫ୍ରି ସମୟରେ ସାଙ୍ଗମାନଙ୍କ ସହ ହିଁ ବୁଲିବାକୁ ପଳାଏ। ସବୁବେଳେ ସ୍କୁଟିରେ ଲଙ୍ଗ୍‌ ଡ୍ରାଇଭ୍‌ କରିବାକୁ ଭଲପାଏ। ଏମିତି ବାହାରେ ଟିକେ ବୁଲାବୁଲି କରି ଅବସର ସମୟରେ ଭରପୂର ମଜା ନିଏ।


Enter your email to get our daily news in your inbox.

All Right Reserved By Dharitri.Com

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ଟେଷ୍ଟ କ୍ରିକେଟରୁ ଅବସର ନେଇ ବଡ଼ ଭୁଲ କରିଦେଲେ କୋହଲି-ଶାମି: କପିଳଙ୍କ ଚାଞ୍ଚଲ୍ୟକର ଦାବି, କହିଲେ-୧୦ ବର୍ଷ ପରେ…

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟର ଦିଗ୍ଗଜ ବ୍ୟାଟର ବିରାଟ କୋହଲି ଏବଂ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। କୋହଲି ୨୦୨୫ ଜୁନରେ…

ବିଲ୍‌ରେ ୫୦ ପଇସା ଅଧିକ ନେବା ପଡ଼ିଲା ମହଙ୍ଗା, ରେଷ୍ଟୁରାଣ୍ଟକୁ ୧୦ ହଜାର ଟଙ୍କା ଜରିମାନା

ରେଷ୍ଟୁରାଣ୍ଟରେ ଖାଇବା ପରେ ବିଲ୍‌ରେ ଅଳ୍ପ କିଛି ଟଙ୍କା ଅଧିକ ନିଆଗଲେ ଅନେକ ଗ୍ରାହକ ଏହାକୁ ସାମାନ୍ୟ କଥା ଭାବି ଅଣଦେଖା କରିଦିଅନ୍ତି । କିନ୍ତୁ ରାଜସ୍ଥାନର…

ଟିମ ଇଣ୍ଡିଆକୁ ବଡ଼ ଝଟ୍‌କା: ପୁଣି ଆହତ ହେଲେ ଷ୍ଟାର୍‌ ଖେଳାଳି

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଦଳର ଅନେକ ଷ୍ଟାର୍‌ ଖେଳାଳି ଏବେ ସୟଦ ମୁସ୍ତାକ ଅଲ୍ଲୀ ଟ୍ରଫି ୨୦୨୬ରେ ଖେଳୁଥିବା ନଜର ଆସୁଛନ୍ତି। ଏହି ଟୁର୍ନାମେଣ୍ଟରେ ଭଲ ପ୍ରଦର୍ଶନ…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?