ଓ୍ବାଣ୍ଡର୍ସ,୮।୨: ଦକ୍ଷିଣ ଆଫ୍ରିକା ମହିଳା କ୍ରିକେଟ ଦଳ ୱେଷ୍ଟଇଣ୍ଡିଜକୁ ୬ ଉଇକେଟରେ ପରାସ୍ତ କରି ୪ ମ୍ୟାଚ ବିଶିଷ୍ଟ ସିରିଜ ୨-୧ରେ ଜିତିଛ। ସିରିଜର ଚତୁର୍ଥ ତଥା ଅନ୍ତିମ ମ୍ୟାଚରେ ଦକ୍ଷିଣ ଆଫ୍ରିକାର ବିଜୟ ଅପେକ୍ଷା ଲୌରା ୱଲୱାର୍ଡଙ୍କ ‘ସୁପରଗର୍ଲ’ କ୍ୟାଚ ଉପରେ ଆଲୋଚନା ହେଉଛି। ମହିଳା କ୍ରିକେଟରେ ଏହିପରି କ୍ୟାଚ କ୍ୱଚିତ୍ ଦେଖାଯାଏ। ଲୌରା ଏହି ଚମତ୍କାର କ୍ୟାଚକୁ ଦେଖି ପ୍ରସିଦ୍ଧ ଫିଲ୍ଡର ଜଣ୍ଟି ରୋଡସ ମଧ୍ୟ ତାଙ୍କୁ ପ୍ରଶଂସା କରିଛନ୍ତି।
ଚତୁର୍ଥ ଦିନିକିଆରେ ଲୌରା ଗୋଟିଏ ହାତରେ କ୍ୟାଚ୍ ଧରି ସମସ୍ତଙ୍କ ହୃଦୟ ଜିତିଥିଲେ। ଆୟୋଜକ ଦଳର ଖେଳାଳି ଲୌରା ଡ୍ରାଇଭ୍ ମାରି ଗୋଟିଏ ହାତରେ କ୍ୟାଚ୍ ଧରିଥିଲେ, ସମସ୍ତେ ଦେଖି ଆଶ୍ଚର୍ଯ୍ୟ ହୋଇଗଲେ। ଏହାକୁ ସୋସିଆଲ ମିଡିଆରେ ଉଚ୍ଚ ପ୍ରଶଂସା କରାଯାଉଛି। ଦକ୍ଷିଣ ଆଫ୍ରିକାର ଶ୍ରେଷ୍ଠ ଫିଲ୍ଡର ଜଣ୍ଟି ରୋଡସ ଏହି ଭିଡିଓ ଶେୟାର କରି ଲୌରାଙ୍କୁ ପ୍ରଶଂସା କରିଛନ୍ତି।
ୱିଣ୍ଡିଜ ଦଳ ବର୍ତ୍ତମାନ ଦକ୍ଷିଣ ଆଫ୍ରିକା ଗସ୍ତରେ ଅଛି। ବର୍ଷା ହେତୁ ସିରିଜର ପ୍ରଥମ ଦିନିକିଆ ଧୋଇ ଯାଇଥିଲା। ସୁପର ଓଭରରେ ୱିଣ୍ଡିଜ ଦ୍ୱିତୀୟ ମ୍ୟାଚ ଜିତିଥିଲା। ତୃତୀୟ ଦିନିକିଆରେ ଦିକ୍ଷିଣ ଆଫ୍ରିକା ୯୬ ରନରେ ଏକ ବଡ଼ ବିଜୟ ହାସଲ କରିଥିବାବେଳେ ଚତୁର୍ଥ ତଥା ଶେଷ ମ୍ୟାଚରେ ଦକ୍ଷିଣ ଆଫ୍ରିକା ୱିଣ୍ଡିଜକୁ ୬ ଉଇକେଟରେ ପରାସ୍ତ କରିଛି।
What a catch from Laura Wolvaardt🤩 #SAWvWIW #AlwaysRising #BePartOfIt pic.twitter.com/uiF4FUAd98
— Cricket South Africa (@OfficialCSA) February 6, 2022
