ଭାରତ ଏବଂ ପାକିସ୍ତାନ ମଧ୍ୟରେ ଏକ ଭିନ୍ନ ସମ୍ପର୍କ ରହିଛି। ଯଦିଓ ଦୁଇ ଦେଶ ମଧ୍ୟରେ ସମ୍ପର୍କ ତିକ୍ତ ହୋଇ ରହିଛି କିନ୍ତୁ ଯେତେବେଳେ ସାଂସ୍କୃତିକ ପ୍ଲାଟ୍ଫର୍ମ କଥା ଆସେ, ଉଭୟ ଦେଶରେ ପରସ୍ପରର ଗୀତ, ସଙ୍ଗୀତ ଏବଂ ଫିଲ୍ମ ପସନ୍ଦ ହୁଏ। ଏବେ ସେମିତି ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ଜଣେ ପାକିସ୍ତାନୀ ଯୁବତୀ ଏକ ଭାରତୀୟ ଗୀତରେ ଡ୍ୟାନ୍ସ ନୃତ୍ୟ କରୁଥିବା ଦେଖିବାକୁ ମିଳିଛି।
ଏହି ଯୁବତୀ ଜଣକ ଲତା ମଙ୍ଗେସକରଙ୍କ ଗୀତ ‘ମେରା ଦିଲ ୟେ ପୁକାରେ ଆଜା’ରେ ଜବରଦସ୍ତ ଷ୍ଟେପ୍ ଦେଇଛନ୍ତି। ଏହି ଭିଡିଓ ରେକର୍ଡ ଭାଙ୍ଗିବା ଦେଖାଯାଉଛି। ଲୋକମାନେ କେବଳ ଏହାକୁ ପସନ୍ଦ କରନ୍ତି ନାହିଁ ବରଂ ଏହାକୁ ପରସ୍ପର ସହିତ ଶେୟାର କରୁଛନ୍ତି।
ଏହି ପାକିସ୍ତାନୀ ଯୁବତୀଙ୍କ ନାଁ ଆୟେଶା। ସେ ଏକ କୁର୍ତ୍ତା ଏବଂ ପ୍ୟାଣ୍ଟ ପିନ୍ଧି ବିବାହ ଉତ୍ସବରେ ନାଚୁଛନ୍ତି। ଲତାଙ୍କ କଣ୍ଠରେ ପୁରୁଣା ଗୀତ ବ୍ୟାକ୍ଗ୍ରାଉଣ୍ଡରେ ବାଜୁଛି। ଯେଉଁଥିରେ ସେ ଡ୍ୟାନ୍ସ କରୁଥିବା ନଜର ଆସିଛନ୍ତି। ସେଠାରେ ଅନେକ ମହିଳା ବସିଛନ୍ତି। ଯେଉଁମାନେ ତାଙ୍କୁ ଉତ୍ସାହିତ କରୁଛନ୍ତି।
ଏହି ଭିଡିଓ ପ୍ରଥମେ ଟିକ୍ଟକ୍ରେ ଶେୟାର କରାଯାଇଥିଲା। ପରେ ଏହାକୁ ଇନ୍ଷ୍ଟାଗ୍ରାମରେ ମଧ୍ୟ ଶେୟାର କରାଯାଇଥିଲା। ଏହି ଭିଡିଓକୁ ୧ ହଜାରରୁ ଅଧିକ ଲୋକ ପସନ୍ଦ କରିଛନ୍ତି। ଇନ୍ଷ୍ଟାଗ୍ରାମରେ ଜଣେ ୟୁଜର କମେଣ୍ଟ ଦେଇଛନ୍ତି, ଯୁବତୀ ଜଣକ ଅନନ୍ୟ ପ୍ରତିଭାର ଅଧିକାରିଣୀ। ଆଉ ଜଣେ ୟୁଜର ଲେଖିଛନ୍ତି, ଯୁବତୀଙ୍କ ଷ୍ଟେପ୍ ଏବଂ ଭାବଭଙ୍ଗୀ ଚମତ୍କାର। ଏହା ବ୍ୟତୀତ ହଜାର ହଜାର ୟୁଜର ତାଙ୍କୁ ପ୍ରଶଂସା ବି କରିଛନ୍ତି।
