ଜମି ହରାଉଛନ୍ତି ଏସ୍‌ସି, ଏସ୍‌ଟି

ଯାଜପୁର ଅଫିସ,୧୧ା୧୨:ରାଜ୍ୟର ୯ ଜିଲାରେ ୨୦୦୯-୧୦ରୁ ୨୦୧୯-୨୦ ବର୍ଷ ମଧ୍ୟରେ ଅନୁସୂଚିତ ଜାତି(ଏସ୍‌ସି) ଓ ଜନଜାତି(ଏସ୍‌ଟି)ଙ୍କ ୨୩୩୭.୮୧୧ ଏକର ଜମି ବିକ୍ରି ପାଇଁ ୭,୮୪୭ ସାଧାରଣ ବର୍ଗଙ୍କ ସପକ୍ଷରେ ଅନୁମତି ତଥା ଭୂସଂସ୍କାର (ଓଏଲ୍‌ଆର୍‌) ପ୍ରମାଣପତ୍ର ଦିଆଯାଇଛି। ଏଥିରେ ଖଣି ଓ ଶିଳ୍ପ ସମୃଦ୍ଧ ଯାଜପୁର ଜିଲାରେ ସର୍ବାଧିକ ୨,୨୯୩ ସାଧାରଣ ବର୍ଗର ଲୋକ ଏସ୍‌ସି/ଏସ୍‌ଟିଙ୍କ ୨୧୪.୧୪ ଏକର ଜମି କିଣିଛନ୍ତି। ସେଥିମଧ୍ୟରେ ସର୍ବାଧିକ ୫,୩୫୮ ଜଣ ଏସ୍‌ସି ବର୍ଗର ହୋଇଥିବାବେଳେ ଏସ୍‌ଟି ୨୦୪୨ ରହିଛନ୍ତି। ତେବେ ଖୋର୍ଦ୍ଧା ଜିଲାର ସାରୁଅ ଜମି ମାମଲା ଭଳି ରାଜ୍ୟର ଅନ୍ୟ କୌଣସି ଜିଲାରେ ଏସ୍‌ସି ଏବଂ ଏସ୍‌ଟିଙ୍କ ଜମି ହଡ଼ପ ବିଷୟରେ ଅଭିଯୋଗ ନ ଥିବା ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ସୁଦାମ ମାରାଣ୍ଡି ଗତ ବିଧାନସଭାରେ ପ୍ରଶ୍ନର ଉତ୍ତରରେ ଦର୍ଶାଇଛନ୍ତି।
ଓଡ଼ିଶା ଭୂସଂସ୍କାର ଆଇନ ୧୯୬୦ ଅନୁସାରେ ଏସ୍‌ସି ଏସ୍‌ଟିଙ୍କ ଜମିକୁ ସୁରକ୍ଷା ଦେବା ପାଇଁ ନିୟମ ରହିଛି। ସାଧାରଣ ଲୋକ ସେମାନଙ୍କ ଜମିକୁ ସହଜରେ କିଣିପାରିବେ ନାହିଁ। ଯଦି କୌଣସି ଏସ୍‌ସି ଏସ୍‌ଟି ବ୍ୟକ୍ତି ଜମି ବିକ୍ରି କରିବାକୁ ଚାହାନ୍ତି ତେବେ ସେ ସ୍ଥାନୀୟ ପ୍ରଶାସନ ନିକଟରୁ ଅନୁମତି ଲୋଡ଼ିବେ। ଗତ ୧୦ବର୍ଷର ତଥ୍ୟକୁ ଅବଲୋକନ କଲେ ଯାଜପୁର ଜିଲା କଳିଙ୍ଗନଗର ଶିଳ୍ପାଞ୍ଚଳ,ଯାଜପୁରରୋଡ ସହର ଏବଂ ଏହାର ଆଖପାଖ ଅଞ୍ଚଳରେ ହିଁ ସର୍ବାଧିକ ମାତ୍ରାରେ ଏସ୍‌ସି ଏବଂ ଏସ୍‌ଟିଙ୍କ ଜମି ବିକ୍ରି ଅନୁମତି ନେଇ ଅକ୍ତିଆର କରାଯାଇଛି। ଜିଲାରେ ୧୯ ଏସ୍‌ଟି ପରିବାରଙ୍କ ୧.୦୫ ଏକର ଏବଂ ୨,୨୭୪ ଏସ୍‌ସି ପରିବାରଙ୍କ ୨୧୪.୧୪ ଏକର ଜମି କିଣିବାକୁ ସାଧାରଣ ବର୍ଗଙ୍କ ସପକ୍ଷରେ ଓଏଲ୍‌ଆର ପ୍ରଦାନ କରାଯାଇଛି। ସେହିପରି ସମ୍ବଲପୁର ଜିଲାର ୪୧୨ ଏସ୍‌ଟିଙ୍କ ୨୪୧.୭ ଏକର ଓ ୨୦୧ ଏସ୍‌ସି ବର୍ଗ ପରିବାରଙ୍କ ୨୩୯.୨୨ ଏକର ଜମିକୁ ୬୧୩ ଜଣ ସାଧାରଣ ବର୍ଗଙ୍କ ପାଇଁ ଅନୁମତି ମିଳିଛି। ବରଗଡ଼ ଜିଲାର ୪୦୦ ଏସ୍‌ଟିଙ୍କ ୨୯୦.୩ ଏକର ଓ ୪୫୧ ଏସ୍‌ସି ବର୍ଗ ପରିବାରଙ୍କ ୨୪୭.୭୬ ଏକର ଜମିକୁ ୮୫୧ ଜଣ ସାଧାରଣ ବର୍ଗ ଲୋକ କିଣିଛନ୍ତି। ବଲାଙ୍ଗୀର ଜିଲାର ୨୬୩ ଏସ୍‌ଟିଙ୍କ ୩୮୨.୩ ଏକର ଓ ୨୮୪ ଏସ୍‌ସି ବର୍ଗ ପରିବାରଙ୍କ ୨୩୭.୨୧୧ ଏକର ଜମିକୁ ୫୪୭ ଜଣ ସାଧାରଣ ବର୍ଗଙ୍କୁ ବିକ୍ରି ପାଇଁ ଅନୁମତି ମିଳିଛି। ସେହିପରି ଜଗତ୍‌ସିଂହପୁର ଜିଲାର ଜଣେ ଏସ୍‌ଟିଙ୍କ ୦.୧୩ ଏକର ଓ ୩୮୨ ଏସ୍‌ସି ବର୍ଗ ପରିବାରଙ୍କ ୨୭୧.୧୧ ଏକର ଜମିକୁ ୩୮୩ ଜଣ ସାଧାରଣ ବର୍ଗ, ନୂଆପଡ଼ା ଜିଲାର ୯୪୬ ଏସ୍‌ଟିଙ୍କ ୪୮୩.୪ ଏକର ଓ ୫୨୦ ଏସ୍‌ସି ବର୍ଗ ପରିବାରଙ୍କ ୩୦୦.୯୧୮ ଏକର ଜମିକୁ ୧୪୬୬ ଜଣ ସାଧାରଣ ବର୍ଗ, ମୟୂରଭଞ୍ଜ ଜିଲାର ୪୨୧ ଏସସି ବର୍ଗ ପରିବାରଙ୍କ ୧୮୩.୭୪ ଏକର ଜମିକୁ ୪୨୧ ଜଣ ସାଧାରଣ ବର୍ଗ, ଭଦ୍ରକ ଜିଲାର ଜଣେ ଏସ୍‌ଟିଙ୍କ ୦.୦୮ ଏକର ଓ ୮୨୫ ଏସ୍‌ସି ବର୍ଗ ପରିବାରଙ୍କ ୩୪୫.୨୬ ଏକର ଜମିକୁ ୮୨୬ଜଣ ସାଧାରଣ ବର୍ଗ, ଅନୁଗୋଳ ୪୪୭ ଏସ୍‌ସି ଓ ଏସ୍‌ଟି ବର୍ଗ ପରିବାରଙ୍କ ୨୯୮.୪୫୨ ଏକର ଜମିକୁ ୪୪୭ ଜଣ ସାଧାରଣ ବର୍ଗଙ୍କୁ ଓଏଲଆର ପ୍ରମାଣପତ୍ର ମିଳିଛି। ତେବେ ରାଜ୍ୟର ଅନ୍ୟ ଜିଲାର ଏସଟି ଏବଂ ଏସ୍‌ସିଙ୍କ ଜମି ବିକ୍ରି ଅନୁମତି ସମ୍ପର୍କରେ ତଥ୍ୟ ସଂଗ୍ରହ କରାଯାଉଥିବା ମନ୍ତ୍ରୀ ମାରାଣ୍ଡି ତାଙ୍କ ଉତ୍ତରରେ ଦର୍ଶାଇଛନ୍ତି।
ଶିଳ୍ପାୟନ ନାମରେ ଯାଜପୁର ଜିଲାରେ ଚାଲିଛି ଶିଳ୍ପସଂସ୍ଥା ରାଜ। ଏଥିରେ ରାଜ୍ୟ ସରକାରଙ୍କ ଇଡ୍‌କୋ ସଂସ୍ଥା ମଧ୍ୟସ୍ଥ ସାଜିଥିବା ଅଭିଯୋଗ ହେଉଛି। କାରଖାନା ପ୍ରତିଷ୍ଠା ପାଇଁ ଶିଳ୍ପପତିମାନେ ଭୂ-ଅର୍ଜନ ନିମନ୍ତେ ଇଡ୍‌କୋ ଜରିଆରେ ଦରଖାସ୍ତ କରୁଛନ୍ତି। ଏପରି କି ଏସ୍‌ସି-ଏସ୍‌ଟି ଜମି ହାତେଇବା ପାଇଁ ଅନୁମତି ଲୋଡ଼ିବା ନାଁରେ ଭୂ-ଅର୍ଜନ ଆଇନରେ ବିଜ୍ଞପ୍ତି ଜାରି କରାଯାଇ ସମ୍ପୃକ୍ତ ଜମିର ବିକ୍ରିବଟା, ବନ୍ଧକରୁ ରୟତଙ୍କୁ ବର୍ଷ ବର୍ଷ ଧରି ବଞ୍ଚତ୍ତ କରାଯାଉଛି। ସେଥିପାଇଁ ଘରେ କିଏ ବେମାର ପଡ଼ିଲେ ଭୂସମ୍ପତ୍ତି ଥାଇ ସୁଦ୍ଧା ରୟତ ଟଙ୍କା ଯୋଗାଡ଼ରେ ବାରଦୁଆର ହେଉଛନ୍ତି। ପିଲାଙ୍କ ପାଠପଢା, ବିବାହ କାର୍ଯ୍ୟ ଅଟକି ଯାଉଛି। ଯାଜପୁର ଜିଲାରେ ୧୯୯୦ଦଶକରୁ ଏଭଳି ପରିସ୍ଥିତି ସୃଷ୍ଟି ହୋଇଥିବାରୁ ଏସ୍‌ସି ଏବଂ ଏସ୍‌ଟି ବର୍ଗର ଶତାଧିକ ଲୋକ ବାଧ୍ୟହୋଇ ମଧ୍ୟସ୍ଥଙ୍କ ଜରିଆରେ ତାଙ୍କ ପୈତୃକ ସମ୍ପତ୍ତିକୁ ଶାଗମାଛ ଦରରେ ଟେକି ଦେଇଛନ୍ତି। ଏପରି କି ଜିଲାରେ ଶିଳ୍ପ ପାଇଁ ଜମି ଯୋଗାଡ଼ରେ ପ୍ରଶାସନିକସ୍ତରରେ ଅନିୟମିତତା ସହ ଜମି ଦଲାଲଙ୍କ ଦ୍ୱାରା ନିରୀହ ଆଦିବାସୀ ଲୋକେ ଶୋଷିତ ହୋଇଥିବା ପୂର୍ବରୁ ବହୁବାର ଅଭିଯୋଗ ହୋଇଛି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଆସନ୍ତାକାଲି ଭୀଷଣ ବାତ୍ୟାର ରୂପ ନେବ ଅକ୍ବାନ: ଓଡ଼ିଶାରେ ପ୍ରବଳ ବର୍ଷା! ୧୯ ତାରିଖରେ…

ଭୁବନେଶ୍ୱର,୧୬।୧୧: ବାତ୍ୟାରେ ପରିଣତ ହେଲା ଗଭୀର ଅବପାତ। ଘଣ୍ଟା ପ୍ରତି ୧୦କିମି ବେଗରେ ଆଗକୁ ବଢୁଛି। ବିଶାଖାପାଟଣା ଠାରୁ ୬୭୦ କିମି ଏବଂ ଗୋପାଳପୁରଠାରୁ ଦକ୍ଷିଣରେ ୭୯୦…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?