ନୂଆଦିଲ୍ଲୀ,୧୮।୧୧: ଡିସେମ୍ବର ୧୬ ଯାଏ ଆରବିଆଇ ଦି ଲକ୍ଷ୍ମୀ ବିଲାସ ବ୍ୟାଙ୍କ ଉପରେ କଟକଣା ଲଗାଇଛି। କ୍ରମାଗତ ୩ ବର୍ଷ ଧରି ଲକ୍ଷ୍ମୀ ବିଲାସ ବ୍ୟାଙ୍କର ଆର୍ଥିକ କାରବାର ହ୍ରାସ ପାଉଥିବାରୁ ଆରବିଆଇ ଏହାର ଟଙ୍କା ଉଠାଣ ସୀମା ଉପରେ କଟକଣା ଲଗାଇ ଦେଇଛି। ଆମକୁ ମଧ୍ୟ ଏଥିରୁ ଏକ ଶିକ୍ଷା ଶିଖିବା ଆବଶ୍ୟକ । ଏପରି ପରିସ୍ଥିତିରେ, ଯଦି ବ୍ୟାଙ୍କ ବନ୍ଦ ହୋଇଯାଏ ତେବେ ଆପଣ କେତେ ଟଙ୍କା ଫେରସ୍ତ କରିପାରିବେ କି ନାହିଁ …
ବ୍ୟାଙ୍କଗୁଡିକ ସରକାରୀ କିମ୍ବା ବେସରକାରୀ, ବିଦେଶୀ କିମ୍ବା ଅପରେଟିଭ ହେଉ, ଏଥିରେ ଜମା ହୋଇଥିବା ଟଙ୍କା ଉପରେ ସୁରକ୍ଷା ଜମା ବୀମା ଏବଂ କ୍ରେଡିଟ ଗ୍ୟାରେଣ୍ଟି କର୍ପୋରେସନ (ଡିଆଇସିଜିସି) ଦ୍ୱାରା ଉପଲବ୍ଧ। ବ୍ୟାଙ୍କଗୁଡ଼ିକ ଏଥିପାଇଁ ଏକ ପ୍ରିମିୟମ ପ୍ରଦାନ କରନ୍ତି। ଆପଣଙ୍କ ବ୍ୟାଙ୍କ ଆକାଉଣ୍ଟରେ ଯାହା ବି ଜମା ହୋଇଛି, ଗ୍ୟାରେଣ୍ଟି କେବଳ ୫ଲକ୍ଷ ଟଙ୍କା ପର୍ଯ୍ୟନ୍ତ ଥାଏ। ଏଥିରେ ଉଭୟ ମୂଳଧନ ଏବଂ ସୁଧ ସାମିଲ ଥାଏ। ଏହା ପୂର୍ବରୁ ଏହି ରାଶି ୧ ଲକ୍ଷ ଟଙ୍କା ଥିଲା, ଯାହା ଫେବୃଆରୀ ୧,୨୦୨୦ରେ ଉପସ୍ଥାପିତ ବଜେଟରେ ଅର୍ଥମନ୍ତ୍ରୀଙ୍କ ଦ୍ୱାରା ୫ଲକ୍ଷ ଟଙ୍କାକୁ ବୃଦ୍ଧି କରାଯାଇଛି। କେବଳ ଏତିକି ନୁହେଁ, ଯଦି କୌଣସି ଗୋଟିଏ ବ୍ୟାଙ୍କରେ ଆପଣଙ୍କର ଏକରୁ ଅଧିକ ଆକାଉଣ୍ଟ ଏବଂ ଏଫଡି ଇତ୍ୟାଦି ଅଛି, ବ୍ୟାଙ୍କ ଡିଫଲ୍ଟ କିମ୍ବା ବୁଡ଼ିଯିବା ପରେ ମଧ୍ୟ ଆପଣଙ୍କୁ ମାତ୍ର ୫ ଲକ୍ଷ ଟଙ୍କା ମିଳିବ ବୋଲି ନିଶ୍ଚିତ କରାଯାଇଛି। ଏହି ରାଶି କିପରି ଗ୍ରହଣ କରାଯିବ ଡିଆଇସିଜିସିର ନିର୍ଦ୍ଦେଶାବଳୀ ରହିଛି। ଏହି ୫ ଲକ୍ଷ ଟଙ୍କା କେତେ ଦିନ ଭିତରେ ମିଳିବ ତାହାର କୌଣସି ସମୟ ସୀମା ନାହିଁ।
ସୂଚନାଯୋଗ୍ୟ, ୧୯୨୬ ମସିହାରେ ତାମିଲନାଡୁର କରୁର ଅଞ୍ଚଳରେ ଲକ୍ଷ୍ମୀ ବିଲାସ ବ୍ୟାଙ୍କ ଖୋଲିଥିଲା। ୧୯୫୮ ଜୁନ ୧୯ରେ ଆରବିଆଇ ପକ୍ଷରୁ ଏହାକୁ ଲାଇସେନ୍ସ ଦିଆଯାଇଥିଲା। ୧୯୫୮ ଅଗଷ୍ଟ ୧୧ରେ ବ୍ୟାଙ୍କକୁ ବିଧିବଦ୍ଧ ଭାବେ କର୍ମସିଆଲ ବ୍ୟାଙ୍କ ତାଲିକାରେ ସ୍ଥାନ ଦିଆଯାଇଥିଲା। ଏହି ବ୍ୟାଙ୍କର ୫୬୩ଟି ବ୍ରାଞ୍ଚ ରହିଛି। ଏହା ମଧ୍ୟରୁ ୭ଟି କର୍ମସିଆଲ ବ୍ରାଞ୍ଚ ଓ ଗୋଟିଏ ସ୍ୟାଟେଲାଇଟ ବ୍ରାଞ୍ଚ। ଏହାର ୫ଟି ଏକ୍ସଟେନସନ କାଉଣ୍ଟର ଓ ୯୭୪ଟି ଏଟିଏମ ମଧ୍ୟ କାର୍ଯ୍ୟକ୍ଷମ ରହିଛି। ଦେଶର ୧୬ଟି ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଏହି ବ୍ୟାଙ୍କ ସେବା ଯୋଗାଇ ଆସୁଛି।
