ସାର୍ଥକ ହୋଇଛି ଶ୍ରମ

କାମାକ୍ଷାନଗର, ୧।୧୧: ଧଳା ଘୁଷୁରି ଚାଷରେ ଲାଭ ଅଧିକ। ହେଲେ ଏଭଳି ଚାଷ ଏବଂ ମାଂସ ବ୍ୟବସାୟକୁ ନେଇ ଲୋକଙ୍କ ମନରେ ଏବେ ବି ରହିଛି ନକାରାତ୍ମକ ଚିନ୍ତାଧାରା। ଫଳରେ ଭଲ ଜଳବାୟୁ, ଉନ୍ନତ ପରିବେଶ ସାଙ୍ଗକୁ ଭିତ୍ତିଭୂମି ଥିବା ସତ୍ତ୍ୱେ ଧଳା ଘୁଷୁରି ପାଳନ କରିବାକୁ ଆଗ୍ରହୀ ହେଉନାହାନ୍ତି ଚାଷୀ। ତେବେ ପ୍ରତିକୂଳ ପରିବେଶ ଏବଂ ବ୍ୟବସାୟର ସୁବିଧା ନ ଥିବା ସତ୍ତ୍ୱେ ଧଳା ଘୁଷୁରି ପାଳନ କରି ଭାଗ୍ୟ ବଦଳାଇବା ଆଶାରେ ରହିଛନ୍ତି ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ଜଗନ୍ନାଥପୁର ପଞ୍ଚାୟତର କଙ୍ଗେଇଲ ଗ୍ରାମର ୩୩ ବର୍ଷୀୟ ଯୁବଚାଷୀ ନିହାର ରଞ୍ଜନ ସାହୁ।

ପାସ୍‌ କରିଛନ୍ତି ସ୍ନାତକ। ଚାହିଁଥିଲେ ଭଲ ଚାକିରିଟିଏ କରିପାରନ୍ତେ। ହେଲେ ଅନ୍ୟମାନଙ୍କ ଭଳି ଚାକିରି ଜୀବନର ଅଣନିଃଶ୍ୱାସୀ ଦୌଡ଼ରେ ନ ରହି କିଛି ଅଲଗା କରି ଦେଖାଇବାକୁ ଉଦ୍ୟମ କରି ସଫଳ ହୋଇଛନ୍ତି କାମାକ୍ଷାନଗର ବ୍ଲକ ଜଗନ୍ନାଥପୁର ପଞ୍ଚାୟତର କଙ୍ଗେଇଲ ଗ୍ରାମର ଯୁବଚାଷୀ ନିହାର ରଞ୍ଜନ ସାହୁ। ଚାଷକାର୍ଯ୍ୟରେ ସବୁବେଳେ ପରୀକ୍ଷା ନିରୀକ୍ଷା କରିବାକୁ ଭଲ ପାଉଥିବା ଏହି ଉଚ୍ଚଶିକ୍ଷିତ ଯୁବକଙ୍କ ଶ୍ରମ ସାର୍ଥକ ହୋଇଥିବାବେଳେ ଦେଶୀ କୁକୁଡ଼ା, ମାଛ ଏବଂ ସଦ୍ୟ ଆରମ୍ଭ କରିଥିବା ଘୁଷୁରି ପାଳନରୁ ସେ କରୁଛନ୍ତି ଲକ୍ଷାଧିକ ଟଙ୍କା ରୋଜଗାର।
ନିହାରଙ୍କୁ ୭ବର୍ଷ ହୋଇଥିବାବେଳେ ତାଙ୍କ ମା’ଙ୍କ ମୃତ୍ୟୁ ଘଟିଥିଲା। ୨୦୨୦ କରୋନା ସମୟରେ ବାପା ମଧ୍ୟ ଆରପାରିକୁ ଚାଲିଯାଇଛନ୍ତି। ସ୍ତ୍ରୀ ଏବଂ ଏକମାତ୍ର ଝିଅଙ୍କୁ ନେଇ ତାଙ୍କ ପରିବାର। ୨୦୧୪ରେ ସ୍ନାତକ ପାସ୍‌ କରିବା ପରେ ଚାଷ ଆଡ଼କୁ ଆକର୍ଷିତ ହୋଇପଡ଼ିଥିଲେ ନିହାର। ସରକାରଙ୍କଠାରୁ ୫ଲକ୍ଷ ଟଙ୍କା ଋଣ ଆଣି ଆରମ୍ଭ କରିଥିଲେ କୁକୁଡ଼ା ପାଳନ। ମାତ୍ର ୨ ବର୍ଷରେ ଋଣ ପରିଶୋଧ କରିବା ପରେ ଲାଭଧନକୁ ଲଗାଇଥିଲେ ସଙ୍କରଜାତୀୟ ଛେଳି ଚାଷରେ। ହେଲେ ଛେଳି ବିକ୍ରିବଟା ସୁବିଧା ନ ହେବାରୁ ୨୦୧୭ରେ ୫୦୦୦ ଦେଶୀ କୁକୁଡ଼ା ଆଣି ବ୍ୟବସାୟ ବଢ଼ାଇଥିଲେ। ବନ୍ଧୁମାନଙ୍କ ସହିତ ପଶ୍ଚିମବଙ୍ଗ ବୁଲିବାକୁ ଯାଇଥିବାବେଳେ ହାଇବ୍ରିଡ୍‌ ଧଳା ଘୁଷୁରି ଦେଖି ଏହି ଚାଷ କରିବାକୁ ମନସ୍ଥ କରିଥିଲେ। ୟୁଟ୍ୟୁବ୍‌ ଏବଂ କେତେଜଣ ଚାଷୀଙ୍କ ସହାୟତାରେ ୨୦୨୧ ଏପ୍ରିଲରେ ବିହାରରୁ ଦେଢ଼ ଲକ୍ଷ ଟଙ୍କା ଦେଇ କିଣି ଆଣିଥିଲେ ୧୨ ଧଳା ଘୁଷୁରି। ଏହି ସଂଖ୍ୟା ଏବେ ୬୦ରେ ପହଞ୍ଚତ୍ଲାଣି। ଏଥିସହିତ ଦେଢ଼ ଏକର ଜମିରେ ପୋଖରୀ ଖୋଳି ମାଛଚାଷ କରି ୮୦ ହଜାର ଟଙ୍କାର ଯାଅଁାଳା ଛାଡ଼ିଥିଲେ। ଅଦ୍ୟାବଧି ୧ ଲକ୍ଷ ଟଙ୍କାର ମାଛ ବିକ୍ରି କରିସାରିଲେଣି। ଏଥିରୁ ଆହୁରି ୧୦ରୁ ୧୨ ଲକ୍ଷ ଟଙ୍କା ମିଳିବ ବୋଲି ଆଶା ବାନ୍ଧିଛନ୍ତି। ମାଛଚାଷର ସଫଳତା ସମ୍ପର୍କରେ ନିହାର କୁହନ୍ତି, ପୋଖରୀରେ ବତକ ବୁଲିଲେ ମାଛ ଭଲ ବଢ଼ନ୍ତି। ଏଥିଲାଗି ସେ ୨୦୦ ବତକ ଆଣି ଛାଡ଼ିଥିଲେ। ସେମାନଙ୍କ ମଳ ପ୍ରାକୃତିକ ମାଛ ଖାଦ୍ୟ। ତେଣୁ ମାଛ ଭଲ ବଢ଼ିଛନ୍ତି। ହେଲେ ସ୍ଥାନୀୟ ବଜାରରେ ମାଂସ ଚାହିଦା ନ ଥିବାରୁ ବତକ ପାଳନ ବନ୍ଦ କରିଦେଇଛନ୍ତି। ଜେଜେବାପାଙ୍କ ୧୫ ଏକର ଜମିରେ ଚାଷବାସ କରୁଛନ୍ତି ନିହାର। ଦେଢ଼ ଏକର ବିଶିଷ୍ଟ ପୋଖରୀରେ ମାଛ ଓ ଅନ୍ୟ ଜମିରେ ଦେଶୀ କୁକୁଡ଼ା ସାଙ୍ଗକୁ ଧଳା ଘୁଷୁରି ପାଳିଛନ୍ତି। ଫାର୍ମ ପରିଚାଳନାରେ ସେ ନିଜେ ଶ୍ରମଦାନ କରିବା ସହିତ ୮ଜଣଙ୍କୁ ରଖିଛନ୍ତି। ସ୍ତ୍ରୀ ନିରୁପମାଙ୍କ ଭରପୂର ସହାୟତା ମଧ୍ୟ ମିଳୁଛି। ସ୍ଥାନୀୟ ବଜାରରେ ଧଳା ଘୁଷୁରି ମାଂସର ଚାହିଦା ନାହିଁ। ପଡ଼ୋଶୀ ରାଜ୍ୟର ବ୍ୟବସାୟୀ ଘୁଷୁରି କିଣିବାକୁ ଆଗ୍ରହୀ ହେଉଛନ୍ତି। ଭବିଷ୍ୟତରେ ଏଥିରୁ ଅଧିକ ଲାଭ ମିଳିବ ବୋଲି ସେ ଆଶାବାଦୀ ଅଛନ୍ତି। ଅଞ୍ଚଳରେ ପ୍ରଥମ ଥର ଧଳା ଘୁଷୁରି ଚାଷ ହୋଇଥିବାରୁ ତାଙ୍କ ଫାର୍ମକୁ ଅନେକେ ବୁଲିବାକୁ ଆସୁଛନ୍ତି, ଯାହା ତାଙ୍କୁ ଆତ୍ମସନ୍ତୋଷ ଦେଉଛି ବୋଲି ନିହାର କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ସପ୍ତଶଯ୍ୟା ମହୋତ୍ସବ ପଦ୍ମଶ୍ରୀ ପ୍ରିୟମ୍ବଦା ହେଜ୍‌ମାଦୀଙ୍କୁ ସପ୍ତଶଯ୍ୟା ସମ୍ମାନ

ଢେଙ୍କାନାଳ ଅଫିସ,୨୫।୧୨-ଢେଙ୍କାନାଳର ସାଂସ୍କୃତିକ ଅନୁଷ୍ଠାନ ‘ଦେବାଂଶୀ ଡ୍ୟାନ୍ସ ଏକାଡେମୀ’ ପକ୍ଷରୁ ଶୁକ୍ରବାର ଭର୍ଚୁଆଲ୍‌ ମୋଡ୍‌ରେ ସପ୍ତଶଯ୍ୟା ମହୋତ୍ସବ ଅନୁଷ୍ଠିତ ହୋଇଯାଇଛି। ଏମ୍‌ପି ମହେଶ ସାହୁ ମୁଖ୍ୟଅତିଥି...

ଢେଙ୍କାନାଳକୁ ସମ୍ମାନଜନକ ରାଜ୍ୟ ପୁରସ୍କାର

ଢେଙ୍କାନାଳ ଅଫିସ, ୧୯।୮ – ଭାରତ ସ୍କାଉଟ୍ସ ଆଣ୍ଡ୍‌ ଗାଇଡ୍ସ ଜାତୀୟ ସଂହତି ଶିବିର-୨୦୧୯ର ସଫଳ ଆୟୋଜନ ପାଇଁ ରାଜ୍ୟସ୍ତରରେ ଶ୍ରେଷ୍ଠ ବିବେଚିତ ହୋଇଛି ଢେଙ୍କାନାଳ...

ହେଲାନି ସମାଧାନ, ସ୍ବାମୀ ଗିରଫ

ଢେଙ୍କାନାଳ ଅଫିସ, ୨୨।୧୨ ମନୋମାଳିନ୍ୟ ଦୂରକରି ଦମ୍ପତିଙ୍କୁ ମିଶାଇବାକୁ ୨ଦିନ ଧରି ଯଥାସାଧ୍ୟ ପ୍ରୟାସ କଲା ପୋଲିସ। ହେଲେ ଦ୍ୱନ୍ଦ୍ୱ ଦୂର ହେଲାନି କି ବାହାରିଲାନି...

ଅସହ୍ୟ ତାତିରେ କଲବଲ ଅହିରାଜ

ଢେଙ୍କାନାଳ ଅଫିସ, ୧୬।୪ ରାଜ୍ୟରେ ଆରମ୍ଭ ହୋଇଛି ପ୍ରଚଣ୍ଡ ଗ୍ରୀଷ୍ମପ୍ରବାହ। ଏହାର ପ୍ରଭାବ ପଡ଼ିଲାଣି ସଂରକ୍ଷିତ ଜଙ୍ଗଲର ଜୈବ ବିବିଧତା ଏବଂ ବନ୍ୟଜୀବନ ଉପରେ। ତାତି...

ହାତୀ ଶାବକର ମୃତଦେହ ଉଦ୍ଧାର

ସାତମାଇଲ, ୫।୭(ଡି.ଏନ୍‌.ଏ.)-ଢେଙ୍କାନାଳ ଜିଲା ରାସୋଳ ସେକ୍ସନ ଅଧୀନ ବାଲିସାହି ନିକଟ ମୁଣ୍ଡିଆରୁ ଗୁରୁବାର ଏକ ହାତୀ ଶାବକର ମୃତଦେହ ଉଦ୍ଧାର କରାଯାଇଛି। ଏହାର ଆନୁମାନିକ ବୟସ...

ଚଢ଼ାଉ ବେଳେ ବନ କର୍ମଚାରୀଙ୍କୁ ପଥର ମାଫିଆଙ୍କ ଆକ୍ରମଣ

ଢେଙ୍କାନାଳ ଅଫିସ, ୧୨।୧୨: ଢେଙ୍କାନାଳ ଜିଲା ନିହଲପ୍ରସାଦ ଥାନା ଷଡ଼ଙ୍ଗୀ ରେଞ୍ଜ କରଡ଼ାପାଣି ନିଶ୍ଚିନ୍ତ ଜଙ୍ଗଲରେ ବେଆଇନ୍‌ ପଥର ଖାଦାନରୁ ପଥର ଚୋରା ଚାଲାଣ ନେଇ...

ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ପରେ ଦଲାଲଙ୍କ ଉପରେ ନଜର: ଆର୍‌ଟିଓ କାର୍ଯ୍ୟାଳୟରେ ପୋଲିସ ଚଢ଼ାଉ

ଢେଙ୍କାନାଳ ଅଫିସ, ୨୭ା୯-ସ୍ବାସ୍ଥ୍ୟକେନ୍ଦ୍ର ଏବଂ ଆର୍‌ଟିଓ କାର୍ଯ୍ୟାଳୟକୁ ୧୫ଦିନ ମଧ୍ୟରେ ଦଲାଲମୁକ୍ତ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେବା ପରେ ପ୍ରକାଶ ପାଇଛି ପ୍ରଶାସନିକ...

କ୍ରୀଡ଼ା ପାଇଁ ସମର୍ପିତ ରାମକୃଷ୍ଣ

ଢେଙ୍କାନାଳ ଅଫିସ (ରତନ ନାୟାର), ୨୯।୮ :ଢେଙ୍କାନାଳ ଜିଲାର କ୍ରୀଡ଼ା କ୍ଷେତ୍ରରେ ସୁନାମ ଅର୍ଜନ କରିଥିବା ପ୍ରତିଭାଧାରୀଙ୍କ ମଧ୍ୟରୁ ଯୁବ କ୍ରୀଡ଼ାବିତ୍‌ ରାମକୃଷ୍ଣ ବେହେରା ଜଣେ।...

Advertisement
Archives

Model This Week