ମୁମ୍ବାଇ: ସୁପରଷ୍ଟାର ସଲମାନ ଖାଁଙ୍କ ଅଭିନୀତ ଫିଲ୍ମ ବଜରଙ୍ଗି ଭାଇଜାନକୁ ଜୁଲାଇ ୧୭ରେ ୬ ବର୍ଷ ପୂରଣ ହୋଇଛି । ଏହି ଫିଲ୍ମ ସବୁ ସଫଳତାର ରେକର୍ଡ ଭାଙ୍ଗି ଦେଇଥିବା ବେଳେ ଏହାର ସକସେସ୍ ସଲମାନଙ୍କ ଷ୍ଟାରଡମକୁ ଆହୁରି ବଢାଇ ଦେଇଥିଲା । ଏହାସହ ଏହି ମୁଭି ବ୍ୟବସାୟିକ ଭାବେ ୩ଶହ କୋଟି କ୍ଲବରେ ସାମିଲ ହୋଇଯାଇଥିଲା । ଏହାର ସିକ୍ୱୁଏଲକୁ ଏବେବି ଦର୍ଶକେ ଅପେକ୍ଷା ରଖିଛନ୍ତି । ପିଙ୍କ୍ ଭିଲାର ଏକ ରିପୋର୍ଟରୁ ଜଣାପଡିଛି କି ବାହୁବଳୀର ନିର୍ଦ୍ଦେଶକ ଏସ୍ଏସ୍ ରାଜାମୌଳିଙ୍କ ପିତା ଫିଲ୍ମର କାହାଣୀକାର କେବି ବିଜେନ୍ଦ୍ରୟ ପ୍ରସାଦ କହିଛନ୍ତି ବଜରଙ୍ଗି ଭାଇଜାନର ଦ୍ୱିତୀୟ ଭାଗ ଆସିବ । ଏଥିପାଇଁ ସେ କାହାଣୀ ପ୍ରସ୍ତୁତ କରୁଛନ୍ତି । ଏହାକୁ ନେଇ ସେ ସଲମାନ ଖାଁଙ୍କ ସହ କଥା ବି ହୋଇ ସାରିଛନ୍ତି । ଆଉ ସଲମାନଙ୍କୁ ଏହି କାହାଣୀ ପସନ୍ଦ ଆସିଛି । ସେ କହିଛନ୍ତି ମୁଁ ବଜରଙ୍ଗି ଭାଇଜାନ ୨ ପାଇଁ ଲେଖିବାକୁ ଚେଷ୍ଟା କରୁଛି । ଏହାର ଆଇଡିଆ ସଲମାନଙ୍କୁ କହିବା ପରେ ସେ ଏହାକୁ ନେଇ ଏକ୍ସାଇଟେଡ ଅଛନ୍ତି । ଆଶା କରାଯାଉଛି ଯଦି ସବୁକିଛି ଠିକ୍ ରହିଲା ତେବେ ଦର୍ଶକେ ଖୁବଶୀଘ୍ର ‘ବଜରଙ୍ଗି ଭାଇଜାନ ୨’ ଦେଖିପାରିବେ ।
