ତୁମୁଡିବନ୍ଧ,୧୯ା୮(ଦୀପକ କୁମାର ପରାସେଠ): କନ୍ଧମାଳ ଜିଲା ତୁମୁଡିବନ୍ଧ ବ୍ଲକ ବିଜୁ ଜନତା ଦଳର ବ୍ଲକ ସ୍ତରୀୟ ଏକ ବୈଠକ ବୁଧବାର ପୂର୍ବାହ୍ନ ୧୦ଘଣ୍ଟା ସମୟରେ ମୁଣ୍ଡିଗଡ଼ ସେବା ଭାରତୀ ଅନୁଷ୍ଠାନର ସଭା ଗୃହରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ପୂର୍ବତନ ବିଧାୟକ ରାଜୀବ ପାତ୍ର ସଭାପତିତ୍ୱ କରିଥିଲେ। ସୂଚନା ଅନୁସାରେ ଗତ ରାଜ୍ୟ ସଭା ନିର୍ବାଚନରେ ଦଳର ନିର୍ଦ୍ଦେଶକୁ ଅବମାନନା କରି କ୍ରସ ଭୋଟିଂ କରି ବିଜୁ ଜନତା ଦଳର ବାଲିଗୁଡା ବିଧାୟକ ଚକ୍ରମଣୀ କଂହର ନିଲମ୍ବିତ ହୋଇଥିବା ବେଳେ ତାଙ୍କୁ ବିରୋଧ ପ୍ରତିବଦଳରେ ବାଲିଗୁଡା ଠାରେ ବଡ଼ ଆଡ଼ମ୍ବର ସହିତ ସ୍ୱାଗତ କରିବା ଘଟଣାରେ ଦୁଇଜଣ ବରିଷ୍ଠ ନେତା ମଧ୍ୟ ଦଳରୁ ନିଲମ୍ବିତ ହେଲେ। ତାହାକୁ ନେଇ ଚାରିଗୋଟି ବ୍ଲକ ସାଙ୍ଗଠନିକ ସଭାପତି ଓ କର୍ମୀମାନେ ସାମୁହିକ ଇସ୍ତଫା ଦେଇଥିଲେ।
ସେହିପରି ତୁମୁଡିବନ୍ଧ ବ୍ଲକ ବିଜୁ ଜନତା ଦଳର ସଭାପତି ନବୀନ ପାତ୍ର ଓ କିଛି ପଞ୍ଚାୟତ ର ସଭାପତି ମାନେ ସମୂହ ଇସ୍ତଫା ଦେଇଥିଲେ । ସେହିଦିନ ଠାରୁ ତୁମୁଡିବନ୍ଧ ବ୍ଲକ ବିଜୁ ଜନତା ଦଳ ମୁରବୀ ଶୁନ୍ୟ ହୋଇଥିଲା। ଏହାସହ ସଭାପତି ପଦବୀ ଖାଲି ରହିଥିଲା। ସେହି ପଦବୀକୁ ତୁରନ୍ତ ପୂରଣ କରିବାପାଇଁ ବିଜୁ ଜନତା ଦଳର ରାଜ୍ୟ ସଭାପତି ନବୀନ ପଟ୍ଟନାୟକ ଜିଲା ସଭାପତିଙ୍କୁ ନିର୍ଦ୍ଦେଶ ଦେଇଥିଲେ। ସେହି ପ୍ରକାରେ ଜିଲା ସଭାପତିଙ୍କ ଆଦେଶରେ ତୁମୁଡିବନ୍ଧ ବ୍ଲକ ୧୧ଗୋଟି ପଂଚାୟତର ପ୍ରାୟ ୧୦୦ରୁ ଉର୍ଦ୍ଧ୍ବ କର୍ମୀମାନେ ମୁଣ୍ଡିଗଡ଼ ସେବା ଭାରତୀ ଅନୁଷ୍ଠାନର ସଭା ଗୃହରେ ବସି ଏକ ବୈଠକ କରିଥିଲେ। ସେହି ବୈଠକରେ ସର୍ବ ସମ୍ମତି କ୍ରମେ ସଭାପତି ଭାବେ ବରିଷ୍ଠ କର୍ମୀ କୁନା ଦଣ୍ଡସେନା ଓ କାର୍ଯ୍ୟକାରୀ ସଭାପତି ଭାବେ ବରିଷ୍ଠ କର୍ମୀ ଯୋହନ ବାରିକଙ୍କୁ ଚୟନ କରି ଉଭୟଙ୍କ ନାମ ଜିଲା ସଭାପତିଙ୍କ ନିକଟକୁ ପାଠ ଯାଇଛି।
ଉକ୍ତ ବୈଠକରେ ବରିଷ୍ଠ କର୍ମୀ ରବି ଚନ୍ଦ୍ର ପାଢ଼ୀ, ଗୁମା ପଞ୍ଚୟତ ବିଜୁ ଜନତା ଦଳର ସଭାପତି ସୁରେନ୍ଦ୍ର ପରାସେଠ, ବ୍ଲକ ସଭାନେତ୍ରୀ ରେଣୁବାଳା ମହାନ୍ତି, ବ୍ଲକ ଉପ ସଭାପତି ଗଙ୍ଗାଧର ମିଶ୍ର, ତୁମୁଡିବନ୍ଧ ପଞ୍ଚୟତ ସଭାପତି ଜିସାୟ ମଣ୍ଡଳ, ବରିଷ୍ଠ କର୍ମୀ ବିଂଜମିନ ପରାସେଠା, ସିର୍ଲା ସରପଞ୍ଚ ନୁସୁଙ୍ଗା ପାଟମାଝି, ସିର୍ଲା ପଞ୍ଚୟତ ସଭାପତି ଜଗପତି ବଡ଼ ସେଠ, ସମ୍ପାଦକ ରାମ ଚନ୍ଦ୍ର ପାଟମାଝି, ବରିଷ୍ଠ କର୍ମୀ ଯୋହନ ପାଟମାଝି, ଅୟୁବ ନାୟକ, ପୂର୍ବତନ ସମିତି ସଭ୍ୟ ସୁଦାମ ପାଟ ମାଝି, ମୁଣ୍ଡିଗଡ଼ ବରିଷ୍ଠ କର୍ମୀ ଧବଳେଶ୍ବର ପାତ୍ର, ଲକ୍ଷ୍ମଣ ପାତ୍ର, ରବି ପାତ୍ର, ବେଲଘର ରବିଚନ୍ଦ୍ର ନାୟକ, ପ୍ରମୋଦ ମାଝି, ଗୁମା ଜଗା ନାୟକ ଅଶୋକ ମାଝି, ଝିରିପାଣି ପଞ୍ଚୟତର ରାମଚନ୍ଦ୍ର ପାତ୍ର, ନକୁଳ ପାତ୍ର ପ୍ରମୁଖ ଉପସ୍ଥିତ ଥିଲେ।
ଏହା ପରେ ତୁମୁଡିବନ୍ଧ ବ୍ଲକ ବିଜୁ ଜନତା ଦଳର ସଂଗଠନ କିପରି ମଜଭୁତ ହେବ ସେନେଇ ମଧ୍ୟ ଆଲୋଚନା କରା ଯାଇଥିଲେ। ଆଉ କର୍ମୀମାନେ ନିଜ ନିଜ ପଞ୍ଚୟତରେ ଦଳର ସଂଗଠନ ସୁଦୃଢ କରିବା ପାଇଁ ତତ୍ପରତା ପ୍ରକାଶ କରିଥିଲେ।
