କୋଶିୟାରୀଙ୍କ ଚିଠି

ମହାରାଷ୍ଟ୍ର ରାଜ୍ୟପାଳ ଭଗତ ସିଂ କୋଶିୟାରୀ ଗତ ସପ୍ତାହରେ ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେଙ୍କୁ ଲେଖିଥିବା ଏକ ଚିଠିରେ ରାଜ୍ୟର ମନ୍ଦିରଗୁଡ଼ିକୁ ଖୋଲାଯାଉ ନ ଥିବାରୁ ସମାଲୋଚନା କରିଥିଲେ। ସେଥିରେ ସେ ଉଲ୍ଲେଖ କରିଥିଲେ ଯେ, ଗୋଟେ ସମୟରେ ଉଦ୍ଧବ ‘ହିନ୍ଦୁତ୍ୱ’ର ଦୃଢ଼ ସମର୍ଥକ ଥିଲେ। ଏବେ ଧର୍ମନିରପେକ୍ଷ ହୋଇଯାଇଛନ୍ତି, ଯେଉଁ ଶବ୍ଦକୁ ସେ ଘୃଣା କରୁଥିଲେ। ମୁଖ୍ୟମନ୍ତ୍ରୀ ଠାକ୍‌ରେ ଏହାର ଜବାବ ଦେବାକୁ ଯାଇ କହିଥିଲେ ଯେ, ତାଙ୍କର କାହାଠାରୁ ହିନ୍ଦୁତ୍ୱ ସାର୍ଟିଫିକେଟ ଲୋଡ଼ା ନାହିଁ। ମୁମ୍ବାଇକୁ ପିଓକେ ସହ ତୁଳନା କରିଥିବା ଲୋକଙ୍କୁ ସ୍ବାଗତ କରିଥିବା ବ୍ୟକ୍ତିଙ୍କ ସହ ତାଙ୍କ ହିନ୍ଦୁତ୍ୱ ମେଳ ଖାଉନାହିଁ ବୋଲି ସେ କହିଥିଲେ। ଉଲ୍ଲେଖଯୋଗ୍ୟ ଯେ, ସୁଶାନ୍ତ ସିଂ ରାଜପୁତଙ୍କ ପ୍ରସଙ୍ଗ ନେଇ ଅଭିନେତ୍ରୀ କଙ୍ଗନା ରାଣାଓ୍ବତ ଓ ଶିବ ସେନା ନେତାଙ୍କ ମଧ୍ୟରେ ହୋଇଥିବା ବାକ୍‌ଯୁଦ୍ଧ ପରିପ୍ରେକ୍ଷୀରେ କଙ୍ଗନା ମୁମ୍ବାଇକୁ ପାକିସ୍ତାନ ଅଧିକୃତ କଶ୍ମୀର (ପିଓକେ) ବୋଲି କହିଥିଲେ। ତେବେ କୋଭିଡ୍‌-୧୯ ଯୋଗୁ ସଂକ୍ରମଣ ବୃଦ୍ଧି ପାଉଥିବାରୁ ଉଦ୍ଧବ ତତ୍‌କ୍ଷଣାତ୍‌ ମନ୍ଦିରଗୁଡ଼ିକୁ ଖୋଲିବାକୁ ଅମଙ୍ଗ ହେଉଛନ୍ତି। ଅନ୍ୟପକ୍ଷରେ କୋଶିୟାରୀ ‘ହିନ୍ଦୁତ୍ୱ’ ଓ ‘ଧର୍ମନିରପେକ୍ଷତା’ ବିଷୟ ଉତ୍‌ଥାପନ କରି ତାଙ୍କ ସାମ୍ବିଧାନିକ ପଦମର୍ଯ୍ୟାଦାହାନି କରିଛନ୍ତି। ଭାରତୀୟ ସମ୍ବିଧାନରେ ‘ଧର୍ମନିରପେକ୍ଷତା’ର ଗୁରୁତ୍ୱ ଅନେକ ରହିଛି। ସେହି ଦୃଷ୍ଟିରୁ ଦେଖିଲେ ଠାକ୍‌ରେଙ୍କୁ କୋଶିୟାରୀ ଯେଭଳି କଟାକ୍ଷ କରିଛନ୍ତି, ତାହା ଦ୍ୱାରା ରାଜ୍ୟପାଳ ପଦମଣ୍ଡନ କରିବା ଲାଗି ସେ କେତେ ଯୋଗ୍ୟ ବିଚାର କରାଯିବା ଦରକାର। ଜଣେ ବ୍ୟକ୍ତି ଯେତେବେଳେ ସାମ୍ବିଧାନିକ ପଦବୀକୁ ଉନ୍ନୀତ ହୋଇଥାଆନ୍ତି, ସେତେବେଳେ ସେ ଯେଉଁ ଦଳରେ ଯେତେବର୍ଷ ଧରି କାର୍ଯ୍ୟ କରିଆସୁଥିଲେ ମଧ୍ୟ ନିରପେକ୍ଷତା ଅବଲମ୍ବନ କରିବା ବାଞ୍ଛନୀୟ। ଏଠାରେ କୋଶିୟାରୀ ତାଙ୍କ ଚିଠିରେ ଯେଉଁ ଭାଷା ବ୍ୟବହାର କରିଛନ୍ତି, ତାହା ଏକ ଦଳୀୟ ନିର୍ଦ୍ଦେଶ ଭଳି ପ୍ରତୀୟମାନ ହେଉଛି। ଏଥିରୁ ବୁଝିବାକୁ ହେବ ଯେ କେନ୍ଦ୍ର ସରକାରଙ୍କ ଦ୍ୱାରା ରାଜ୍ୟପାଳ ଭାବେ କୋଶିୟାରୀଙ୍କ ଭଳି ଯେଉଁ ରାଜନେତାମାନଙ୍କୁ ଥଇଥାନ କରାଯାଇଛି, ସେମାନେ କେବେ ହେଲେ ସାମ୍ବିଧାନିକ ଗରିମା ଓ ମର୍ଯ୍ୟାଦା ରକ୍ଷା କରିପାରିବେ ନାହିଁ। ମହାମାରୀ ସମୟରେ ଧର୍ମ ଓ ରାଜନୀତିକୁ ନେଇ ବିଭ୍ରାଟ ସୃଷ୍ଟି କରୁଥିବା ବ୍ୟକ୍ତିମାନେ ଗଣତନ୍ତ୍ର ପାଇଁ ବିପଦ ଭାବେ ଉଭା ହୋଇଛନ୍ତି। ଏଥିରେ ତୁରନ୍ତ ପରିବର୍ତ୍ତନ ଲୋଡ଼ା।


Enter your email to get our daily news in your inbox.

All Right Reserved By Dharitri.Com

ମନ୍ତ୍ରୀ ନା ସଚିବ, କିଏ ଚଳାଉଛି ସରକାର

ସହଦେବ ସାହୁ ପ୍ରତି ମାସ ୭ ତାରିଖରେ ମନ୍ତ୍ରୀମାନେ ସେମାନଙ୍କ କାର୍ଯ୍ୟ ସମ୍ପାଦନ ରିପୋର୍ଟ ମୁଖ୍ୟମନ୍ତ୍ରୀଙ୍କୁ ଦେବେ ଶୁଣି ପାଠକମାନେ ଭାବୁଥିବେ ଆମ ମୁଖ୍ୟମନ୍ତ୍ରୀ କ’ଣ...

ପ୍ରାଣୀଛୁଆ ପ୍ରତି ନିଷ୍ଠୁରତା

ମାନେକା ଗାନ୍ଧୀ ଶିଶୁ ବା ଛୁଆଟିଏ ଯେ କୌଣସି ପ୍ରଜାତିର ହୋଇଥାଉ ନା କାହିଁକି ତା’ଠାରୁ ସୁନ୍ଦର କିଛି ନ ଥାଏ। ଯେତେବେଳେ ଗୋଟିଏ ମଣିଷ...

ବିଦ୍ୟାସାଗରଙ୍କ ବିଚାର

ଭାଲଚନ୍ଦ୍ର ଷଡ଼ଙ୍ଗୀ ଊନବିଂଶ ଶତାବ୍ଦୀରେ ଦେଶର ସାମାଜିକ ଜୀବନକୁ ବହୁଳ ଭାବେ ପ୍ରଭାବିତ କରିଥିବା ସମାଜ ସଂସ୍କାରକମାନଙ୍କ ମଧ୍ୟରେ ଈଶ୍ୱରଚନ୍ଦ୍ର ବିଦ୍ୟାସାଗର ପ୍ରମୁଖ ଥିଲେ। ମହାଦେବ...

କ୍ରୋଧ ସୃଷ୍ଟିକାରୀ

କେତେକ ବିଶେଷ ପରିସ୍ଥିତିରେ ସମଗ୍ର ମଣିଷ ଜାତିକୁ ଏକାଠି ହେବାକୁ ପଡ଼ିଥାଏ। ଆଜିର ସ୍ଥିତିରେ ସମ୍ମିଳିତ ଉଦ୍ୟମ ନ ହେଲେ କରୋନା ମହାମାରୀକୁ ଜିତିବା ସମ୍ଭବ...

ଏଇ ଭାରତରେ

ଅବସର ପରେ ସେବାରେ ଲାଗିଛନ୍ତି ମହାରାଷ୍ଟ୍ରର ପ୍ରାଧ୍ୟାପକ ଅଶୋକ ସୋନାଓ୍ବାନେ। ନାସିକର ଏକ ଘରୋଇ କଲେଜ କେଟିଏଚ୍‌ଏମ୍‌ରୁ ୨୦୧୭ରେ ଅବସର ନେବା ପରେ ସେ ସୁନ୍ନାର...

ଆଜିର ଅର୍ଥନୀତି/ ଗଳାବାଟ ବନ୍ଦ

ବିଭିନ୍ନ ଆର୍ଥିକ ସଂସ୍ଥାର ଉପଭୋକ୍ତାମାନଙ୍କର ଋଣ ସମ୍ବନ୍ଧୀୟ ସୂଚନା ଅନିୟନ୍ତ୍ରିତ ଭାବରେ ପ୍ରଘଟ ନ କରିବା ପାଇଁ ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ସମସ୍ତ ବ୍ୟାଙ୍କ...

ସମ୍ପାଦକୀୟ/ ଥଇଥାନ ବ୍ୟାଙ୍କ

ଭାରତୀୟ ରିଜର୍ଭ ବ୍ୟାଙ୍କ (ଆର୍‌ବିଆଇ) ଡେପୁଟି ଗଭର୍ନର ବିରଲ ଆଚାର୍ଯ୍ୟ ପଦବୀରୁ ଇସ୍ତଫା ଦେଇଥିବା ବିଷୟ ୨୪ ଜୁନ୍‌ ୨୦୧୯ରେ ପଦାକୁ ଆସିଛି । ୧୦...

ଦୂର ପର୍ବତ ସୁନ୍ଦର

ତଥାଗତ ସତପଥୀ ଲଦାଖର ଗଲଓ୍ବାନ ଉପତ୍ୟକା ମଧ୍ୟକୁ ଚାଇନାର ପିଏଲ୍‌ଏ ପ୍ରବେଶ ଓ ଭାରତର ୨୦ ଜଣ ଯବାନ ଶହୀଦ ହେବା ବିଷୟ ସମସ୍ତେ ଜାଣନ୍ତି।...


Coronavirus Update

Archives

Model This Week

Why Dharitri