ଦୁବାଇ,୨୫।୨୦: ରବିବାର ଆଇସିସି ଟି -୨୦ ବିଶ୍ୱକପ୍ରେ ଖେଳାଯାଇଥିବା ମ୍ୟାଚରେ ପାକିସ୍ତାନ ହାତରୁ ୧୦ ଉଇକେଟରେ ପରାଜୟ ଭୋଗିଛି ଟିମ ଇଣ୍ଡିଆ। ଏହି ପରାଜୟ ସତ୍ତ୍ୱେ ଟିମ ଇଣ୍ଡିଆର ଅଧିନାୟକ ବିରାଟ କୋହଲି ଏକ କାର୍ଯ୍ୟ କରି ସମସ୍ତଙ୍କ ହୃଦୟ ଜିତିଛନ୍ତି। ପରାଜୟ ପରେ ବିକୋହଲି ପାକିସ୍ତାନୀ ଦଳର ବ୍ୟାଟ୍ସମ୍ୟାନ ମହମ୍ମଦ ରିଜୱାନଙ୍କୁ କୋଳାଗ୍ରତ କରିଥିଲେ, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓ ଦେଖି ପ୍ରଶଂସକ ତାଙ୍କୁ ପ୍ରଶଂସା କରୁଛନ୍ତି। ପାକିସ୍ତାନର ଚମତ୍କାର ବିଜୟ ପରେ ବିରାଟ କୋହଲି ବାବର ଆଜାମଙ୍କୁ ବିଜୟ ପାଇଁ ଅଭିନନ୍ଦନ ମଧ୍ୟ ଜଣାଇଛନ୍ତି।
ମ୍ୟାଚ୍ ପରେ କୋହଲି ମଧ୍ୟ ମହମ୍ମଦ ରିଜୱାନଙ୍କୁ କୋଳାଗ୍ରତ କରିଥିଲେ। ଉଭୟ ପାକିସ୍ତାନୀ କ୍ରିକେଟର ମଧ୍ୟ କୋହଲିଙ୍କ ସହ ହସଖୁସିରେ କୋଳାଗ୍ରତ କରିଥିଲେ। ଏହି ସମୟରେ ଉଭୟଙ୍କ ମୁହଁରେ ବହୁତ ହସ ଥିଲା। ଉଭୟ ପାକିସ୍ତାନୀ ବ୍ୟାଟ୍ସମ୍ୟାନ ପ୍ରଥମ ଉଇକେଟ ପାଇଁ ୧୦୭ ବଲରେ ୧୫୨ ରନ ସଂଗ୍ରହ କରି ଏକ ରେକର୍ଡ ଭାଗିଦାରୀ କରିଥିଲେ। ଏପର୍ଯ୍ୟନ୍ତ ଟି-୨୦ ଅନ୍ତର୍ଜାତୀୟ କ୍ରିକେଟରେ ଭାରତ ବିପକ୍ଷରେ ପାକିସ୍ତାନର ଏହା ହେଉଛି ସବୁଠାରୁ ବଡ ଭାଗିଦାରୀ।
