ଚେନ୍ନାଇ,୧୫।୪: ଆଇପିଏଲର ଗତ ସିଜନରେ ଫ୍ଲପ ହୋଇଥିବା ଅଷ୍ଟ୍ରେଲୀୟ ଅଲରାଉଣ୍ଡର ଗ୍ଲେନ ମ୍ୟାକ୍ସୱେଲ ଚଳିତ ସିଜନରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ପାଇଁ ଖେଳୁଛନ୍ତି। ଆରସିବି ତାଙ୍କୁ ଏହି ସିଜିନ ପାଇଁ ନିଲାମରେ ବହୁ ପରିମାଣର ଅର୍ଥ ଦେଇ କିଣିଥିଲା ଏବଂ ଏବେ ମ୍ୟାକ୍ସୱେଲ ତାଙ୍କ ଚୟନ ନିଷ୍ପତ୍ତିର ଯଥାର୍ଥତା ପ୍ରମାଣିତ କରିଛନ୍ତି। ସେ ଏପର୍ଯ୍ୟନ୍ତ ଖେଳିଥିବା ଉଭୟ ମ୍ୟାଚରେ ବିସ୍ଫୋରକ ବ୍ୟାଟିଂ କରିଥିଲେ। ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳାଯାଇଥିବା ଆଇପିଏଲର ଷଷ୍ଠ ମ୍ୟାଚରେ ମ୍ୟାକ୍ସୱେଲ ୪୧ ବଲରୁ ୫୯ ରନ ସଂଗ୍ରହ କରିଥିଲେ। ପୂର୍ବରୁ ସେ ମୁମ୍ବାଇ ଇଣ୍ଡିଆନ୍ସ ବିପକ୍ଷ ଏହି ସିଜିନର ପ୍ରଥମ ମ୍ୟାଚରେ ୩୯ ରନ ସଂଗ୍ରହ କରିଥିଲେ। ମ୍ୟାକ୍ସୱେଲ ପ୍ରକାଶ କରିଛନ୍ତି ଯେ, ଆରସିବି ଅଧିନାୟକ ବିରାଟ କୋହଲି ତାଙ୍କୁ ଅଷ୍ଟ୍ରେଲିଆରେ ଫ୍ରାଞ୍ଚାଇଜରେ ଯୋଗଦେବାକୁ ପ୍ରସ୍ତାବ ଦେଇଥିଲେ।
ଆରସିବି ତରଫରୁ ଟୁଇଟ କରାଯାଇଥିବା ଏକ ଭିଡିଓରେ ମ୍ୟାକ୍ସୱେଲ କହିଛନ୍ତି ଯେ. ଭାରତ ଅଷ୍ଟ୍ରେଲିଆ ଗସ୍ତରେ ଯାଇଥିବାବେଳେ ହିଁ କୋହଲି ପ୍ରଥମେ ତାଙ୍କୁ ଆରସିବିରେ ଯୋଗଦେବାକୁ କହିଥିଲେ। ତେବେ ନିଲାମ ପୂର୍ବରୁ ମ୍ୟାକ୍ସୱେଲ ଆରସିବିରେ ଯୋଗଦେବାକୁ ଇଚ୍ଛା ପ୍ରକାଶ କରିଥିଲେ। ଆମ ମଧ୍ୟରେ ପୂର୍ବରୁ କଥାବାର୍ତ୍ତା ହୋଇଥିଲା ବୋଲି ଅଷ୍ଟ୍ରେଲୀୟ ଅଲରାଉଣ୍ଡର କହିଛନ୍ତି। ଏକଦିବସୀୟ ଏବଂ ଟି-୨୦ ସିରିଜ ପରେ, ଆମେ ଏହା ବିଷୟରେ ଆଲୋଚନା କଲୁ। କୋହଲି ତାଙ୍କୁ ଆରସିବି ଖେଳିବା ବିଷୟରେ ପଚାରିଥିଲେ। ସେ ତାଙ୍କୁ କହିଥିଲେ ଯେ ଯଦି ସେ ଦଳରେ ଯୋଗ ଦିଅନ୍ତି ତେବେ ଏହା ଭଲ ହେବ, କିନ୍ତୁ ଏଥିପାଇଁ ତାଙ୍କୁ ନିଲାମ ଦେଇ ଯିବାକୁ ପଡ଼ିବ। ଏହି ଦଳରେ ଯୋଗଦେବା ପାଇଁ କୋହଲି ହିଁ ତାଙ୍କୁ କହିଥିଲେ ବୋଲି ମାକ୍ସଓ୍ବେଲ କହିଛନ୍ତି। ମ୍ୟାକ୍ସୱେଲ ଅଧିନାୟକ କୋହଲିଙ୍କୁ ଆରସିବିରୁ ଖେଳିବାର ସୁଯୋଗ ଦେଇଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି। ମ୍ୟାକ୍ସୱେଲଙ୍କୁ ଆରସିବି ୧୪.୨୫ କୋଟିରେ କିଣିଥିଲା।
Bold Diaries: Glenn Maxwell Interview Part 2
Maxi talks about Zampa presenting him an RCB cap in New Zealand, the role IPL has played in his career and much more in this pre-season chat for @myntra presents Bold Diaries.#PlayBold #WeAreChallengers #IPL2021 pic.twitter.com/tCpYrVgC6A
— Royal Challengers Bangalore (@RCBTweets) April 13, 2021
